#PSSM World ಆಲೋಚನೆಗಳನ್ನು ಹೊಂದಲು, ಅವುಗಳನ್ನು ಹಿಡಿದಿಡಲು ನಿಮ್ಮ ಮನಸ್ಸಿನಲ್ಲಿ ನಿಮ್ಮ ಆಲೋಚನೆಗಳು ಯಾವುವು? ಆಲೋಚನೆಗಳನ್ನು ಹೊಂದಲು ಅದೇನು ಆಸ್ತಿನೋ, ಮನೇನೋ , ಜಮೀನೋ..?? ಆಲೋಚನೆಗಳನ್ನು ಹಿಡಿದಿಟ್ಟುಕೊಳ್ಳಲು ಅದೇನು ಪ್ರಾಣಿನೋ, ಪಕ್ಷಿನೋ, ಇನ್ನೇನೋ..?? ಸರಿಯಾದ ಆಲೋಚನೆಗಳನ್ನು ಹೊಂದಲು ಕೆಲವು ಕ್ರಮಗಳನ್ನು ನಾವು ಅಳವಡಿಸಿಕೊಳ್ಳಬೇಕು. ಮನಸ್ಸು ಅನ್ನೋದು ಕೆಟ್ಟದರ ಕಡೆಗೆ ವಾಲುವುದು ಹೆಚ್ಚು. ಅದಕ್ಕೆ ಕಡಿವಾಣ ಹಾಕಬೇಕು. ಅವರಿವರು ಏನೇ ಸಲಹೆ ಕೊಟ್ಟಲ್ಲಿ ಅವುಗಳು ಸರಿಯಾ ತಪ್ಪಾ ಅಂತ ವಿಶ್ಲೇಷಣೆ ಮಾಡಿ ಅಳವಡಿಸಿಕೊಳ್ಳಬೇಕು. ಮನುಷ್ಯರು ತಮಗೆ ಏನಾದರೂ ನ್ಯೂನತೆಗಳು ಇದ್ದರೆ, ಹೆರಿಡಿಟರಿ ಅಂತ ಅದರ ಮೇಲೆ ಪ್ರತಿಯೊಂದನ್ನು ಅದರ ಮೇಲೆ ಗೂಬೆ ಕೂರಿಸಿ ನನ್ನ ತಪ್ಪಲ್ಲ ಅಂತ ಅಂದ್ಕೊಂಡು ಅದನ್ನೇ ಮಾಡ್ತಾ ಇರ್ತಾರೆ.ಹಾಗೆ ಮಾಡದಿದ್ದರೆ ಒಳ್ಳೇದು. ಏಕೆಂದರೆ ಪ್ರತಿಯೊಂದನ್ನೂ ಹೆರಿಡಿಟರಿ ಅಂತ ಗೂಬೆ ಕೂರ್ಸೋದು ಸರಿಯಲ್ಲ. ಕೆಲವು ಆರೋಗ್ಯ ಸಮಸ್ಯೆಗಳು ಮಾತ್ರ ಹೆರಿಡಿಟರಿ ಆಗುತ್ತೆ ಅಷ್ಟೇ. ಗುಣಸ್ವಭಾವಗಳನ್ನು ನಾವು ಬದಲು ಮಾಡಿಕೊಳ್ಳಬಹುದು. ನನ್ನಪ್ಪ , ಅಮ್ಮ, ಮತ್ತು ಎರಡೂ ಕಡೆಯಿಂದ ನನಗೆ ಎಷ್ಟೋ ಗುಣಸ್ವಭಾವಗಳು ಬಂದಿವೆ. ಅವುಗಳಲ್ಲಿ ಎಲ್ಲರೂ ತುಂಬಾ ಒಳ್ಳೆ ಗುಣಸ್ವಭಾವ ಹೊಂದಿರ್ತಾರೆ ಅಂತ ಹೇಳೋಕಾಗಲ್ಲ. ಮನುಷ್ಯ ಅಂದ ಮೇಲೆ ಪಾಸಿಟಿವ್ + ನೆಗೆಟಿವ್ ಗುಣಸ್ವಭಾವಗಳು ಇದ್ದೇ ಇರುತ್ತವೆ. ಆದ್ದರಿಂದ ನಂಗೆ ಯಾವ್ದು ಕೆಟ್ಟ ಸ್ವಭಾವ ಅನ್ನೋದು ಬಂದಿರುತ್ತೋ ಅದನ್ನು ಬಿಡುತ್ತೇನೆ. ಬುದ್ಧಿ ಬಂದ ಮೇಲೆ ನಮಗೇ ಗೊತ್ತಾಗ್ತಾ ಹೋಗುತ್ತೆ. ಅದನ್ನು ಅಳವಡಿಸಿಕೊಂಡಾಗ ಕೊನೇಪಕ್ಷ ಒಳ್ಳೆಯ ಆಲೋಚನೆಗಳನ್ನು ಹೆಚ್ಚು ಹೊಂದಬಹುದು. ಅನುಷ್ಠಾನಕ್ಕೆ ತನ್ನಿ. ಹಿಡಿದಿಟ್ಟುಕೊಳ್ಳುವುದಲ್ಲ.