*ఆ ప్రదేశము నుంచి బయటకు రా...!* *యెహోవా నీవు లేచి నీ దేశమునుండియు నీ బంధువుల యొద్ధ నుండియు నీ తండ్రి యింటినుండియు బయలుదేరి నేను నీకు దేశమునకు వెళ్లుము. (ఆదికాండము 12:1) దేవుడు అబ్రహాముతో చెప్తున్నాడు "నేను ఆశిస్తున్న విశ్వాసిగా, ఆత్మీయుడుగా నీవు జీవించాలంటే ఇప్పుడు నీవు ఉన్న ప్రదేశంలో ఉండడానికి వీలు లేదు. నీవు ఎక్కడ ఉన్నావో అక్కడే ఉంటే నా చిత్తము నీ జీవితములో నెరవేర్చలేను. నీవు ఉన్న దేశము నుండి బయటకు రా”* *గమనించండి....! మన జీవితములో కూడా మనము దేవుని బిడ్డలుగా, పరిశుద్ధులుగా, విశ్వాసులుగా, దేవునికి అంగీకారముగా జీవించడానికి కొన్ని సందర్భాలలో కొన్ని ప్రదేశాలు మనకు ఆటంకముగా ఉంటాయి. ఏ ప్రదేశాలు నీవు ఆత్మీయముగా జీవించడానికి ఆటంకముగా ఉంటున్నాయో అవి నీకు మాత్రమే తెలుసు, ఆ ప్రదేశాలలో నీవు ఉండడానికి వీలు లేదు. ఒక వేళ నీవు త్రాగుబోతువు అయినట్లయితే నీ ఇంటి ప్రక్కనే బార్ ఉన్నట్లయితే... నేను త్రాగను, మారతాను అంటే వీలు కాదు అనగా పాపము చెయ్యడానికి నీ కళ్ళముందు అవకాశము ఉన్నప్పుడు దానిని జయించడానికి వీలు కాదు కాబట్టి దేవుడు అంటున్నాడు " ఆ ప్రదేశము నుంచి నీవు బయటకు రా” నీ జీవితములో దేవుడు ఏమైతే చెయ్యాలని కోరుకుంటున్నాడో, ఏదైతే ఉద్దేశించాడో. ఏదైతే నిర్ణయించి ఉంచాడో... ఆ దేవుని యొక్క చిత్తము నెరవేరకుండా అడ్డుపడే ప్రదేశములు ఏమైనా ఉన్నవా? ఒక్కసారి పరిశీలించుకొని ఆ ప్రదేశములకు నీవు వెంటనే దూరము కావాలి. ఆ ప్రదేశమునకు వెళ్తే నీవు శోధింపబడి, పాపానికి చోటు ఇస్తావు కావున మరలా నీవు ఆ ప్రదేశానికి వెళ్ళడానికి వీలు లేదు. నిన్ను నీ శరీరాన్ని పాడు చేసే ఏ ప్రాంతానికి నీవు వెళ్ళడానికి వీలు లేదు. ఏ ప్రాంతములో పాపము ఉంటుందో, ఎవరు నిన్ను పాపానికి ప్రేరేపిస్తారో, ఏ స్నేహితులు అయితే పాపాన్ని పెంచి పోషించే వాతావరణాన్ని కల్పిస్తారో ఆ ప్రాంతానికి వెళ్ళవద్దు. ఒక్కొక్కరికి ఒక్కొక్క ప్రాంతము ప్రమాదకరముగా ఉండి ఉండవచ్చు.* *ఈ రోజు నీకు ఏ ప్రదేశము నీ ఆత్మీయ జీవితాన్ని పాడుచేసేదిగా ఉందో ఆ ప్రదేశానికి వెళ్ళవద్దు. నీ శరీరాన్ని మలినము చేసే ప్రదేశానికి, నీ కళ్ళను మలినము చేసే ప్రదేశానికి, నీ తలంపులను మలినము చేసే ప్రదేశానికి, నీ జీవితాన్ని నీ కుటుంబాన్ని అతలాకుతలం చేసే ప్రదేశానికి ఎంత దూరముగా ఉండగలవో అంత దూరముగా ఉండే ప్రయత్నము చెయ్యి..?* *నీ మీద నీ కుటుంబము, రాబోయే తరము ఆధారపడి ఉంది. నీవు బహు విలువైన వాడివి, నీ మీద దేవుని యొక్క ప్రణాళిక ఆధారపడి ఉంది. ఒకవేళ నీవు దేవుని చిత్తానికి దూరం అయితే ఆ ప్రణాళిక వ్యర్ధం అవుతుంది.* *అబ్రాహామా..! నీ పట్ల నేను అద్భుతమైన ప్రణాళికను కలిగి ఉన్నాను. నిన్ను దీవించాలని అనుకుంటున్నాను ఏ ప్రదేశము అయితే నేను ఆశించే విధముగా నీవు జీవించకుండా చేస్తుందో ఆ ప్రదేశాన్ని విడిచిపెడతావా అని దేవుడు అడిగాడు. అబ్రాహాము ఏం చేసాడు? ఆ ప్రదేశాన్ని విడిచి పెట్టాడు. అందుకే అతడు అనేక కోట్ల మంది విశ్వాసులకు తండ్రి అయ్యాడు.* *సహోదరుడా, సహోదరీ..! నీ మీద రాబోయే తరము వారు ఆధారపడబోతున్నారు. నీ ప్రార్ధన వలన, నీ ఆత్మీయత వలన అనేకమంది ప్రభావితము కాబోతున్నారు. అనేకమంది తమ జీవితాలు దిద్దుకోబోతున్నారు. అనేకమంది దేవుని సన్నిధికి రాబోతున్నారు. కాబట్టి విలువలు తెలిసి, విలువైను జీవితాన్ని జీవించడానికి నిన్ను నీవు భద్రపరచుకో..!* *********************************** #✝️Jesu✝️ #i love jesu #jesu #యేసు ప్రభువు #✝️తెలుగు క్రైస్తవ వాట్సాప్ స్టేటస్ ⛪️💒 #JESU I LOVE YOU JESUS