*ട്രെൻഡിങ് സർപ്രൈസും ഖുർആനും* വളരെയധികം പവിത്രതയോടെ സൂക്ഷിക്കേണ്ട കിതാബാണ് ഖുർആൻ... അള്ളാഹു ഹബീബ്ﷺ തങ്ങൾക്ക് വഹിയിലൂടെ നൽകി നമ്മിലേക്ക് എത്തിച്ചു തന്ന വളരെ പവിത്രമായ വചനങ്ങൾ ആണ് ഖുർആനിൽ ഉള്ളത്... സ്വഹാബികൾ ഹബീബ്ﷺ തങ്ങൾ പഠിപ്പിച്ചു കൊടുത്ത അതേപടി പകർത്തി ഇന്ന് കാണുന്ന രീതിയിൽ ഖുർആനായി ക്രോഡീകരിച്ച് നമ്മിലേക്ക് എത്തിച്ചു തരികയും ചെയ്തു... ഖിയാമത് നാൾ വരെ ഒരു മാറ്റവുമില്ലാതെ നിലനിൽക്കുന്ന ഖുർആനിനെ വളരെ പവിത്രത്തയോടെ കാത്തു സൂക്ഷിക്കേണ്ടത് നമ്മളുടെ കടമയാണ്..! ഹാംപറിലൂടെയും മറ്റും സർപ്രൈസായും അല്ലാതെയും സമാനങ്ങൾ കൈമാറുമ്പോൾ അതിൽ ഖുർആൻ ഉൾപെടുത്തുന്നുണ്ടെങ്കിൽ അതിനെ വളരെ പവിത്രതയോടെയും സൂക്ഷ്മതയോടും കൈകാര്യം ചെയ്യുക..! ക്രാഫ്റ്റ് ചെയ്യുന്നവരും കൊടുക്കുന്നവരും നിങ്ങൾ കൈമാറുന്ന സമ്മാനങ്ങളിൽ ഖുർആൻ ഉൾപെടുത്തുന്നുണ്ടെങ്കിൽ,നിങ്ങൾ കരണം ഖുർആനിൻ്റെ പവിത്രത നഷ്ടപ്പെടുന്നില്ല എന്നും ഖുർആനിനെ നിസാരവൽകരിക്കുന്നില്ല എന്നും ഉറപ്പ് വരുത്തുക..! ശുദ്ധിയുണ്ടായിരിക്കണം, വുളു ഉണ്ടായിരിക്കണം എന്നത് ഖുർആൻ തൊടുന്നവനും ചുമക്കുന്നവനും ഉള്ള നിബന്ധനയാണ് ..! മറ്റു വസ്തുക്കളോടൊപ്പം ആകുമ്പോൾ,നിർബന്തിതസാഹചര്യങ്ങളിൽ മറ്റു വസ്തുക്കളാണെന്നു കരുതി വുളു ഇല്ലാതെ തൊടാം ചുമക്കാം എന്നും ഉണ്ടെങ്കിലും ഇത്തരം കാര്യങ്ങളിൽ വളരെയധികം സൂക്ഷ്മത പുലർത്തണം..! ക്രാഫ്റ് ചെയ്യുന്ന ആൾ ഞങ്ങൾ ശുദ്ധിയുള്ള സമയത്ത് പൂർണ്ണമായ വുളൂഓടു കൂടി തന്നെയാണ് ചെയ്യുന്നത് എന്ന് പറയുമായിരിക്കാം.. എന്നാൽ, നിങ്ങൾ മനസ്സിലാക്കേണ്ട ഒരു കാര്യമുണ്ട്!!! നിങ്ങള് സർപ്രൈസായി കൊടുക്കുമ്പോൾ വാങ്ങുന്ന ആൾക് ശുദ്ധിയുണ്ടായിരിക്കും, വുളു ഉണ്ടാകും എന്ന് ഉറപ്പിച്ചു പറയാൻ പാറ്റുമോ? ഒന്ന് ചിന്തിച്ചു നോക്കൂ..! അതേ പോലെ ശ്രദ്ധിക്കേണ്ട മറ്റൊരു കാര്യം! നിങ്ങൾ സർപ്രൈസ് ആയി കൊടുക്കുന്ന വീഡിയോ എടുത്ത് (കൊടുക്കുന്ന സമയത്ത് അവരുടെ വസ്ത്ര ധാരണ വീടിൻ്റെ അകത്ത് ധരിക്കുന്നതായിരിക്കാം )പ്രചരിപ്പിക്കുമ്പോൾ നിങ്ങള് കാരണം അവരുടെ ഔറത്ത് വെളിവാകുന്നില്ല എന്നും കൂടി ഉറപ്പ് വരുത്തുക..! ഈയിടെയായിട്ട് ട്രെൻഡിങ് ആയിക്കൊണ്ടിരിക്കുന്ന ഒന്നാണ് നിസ്‌കാരപുടവ ഖുർആൻ കൗണ്ടർ അത്തർ പോലോത്തവ ഒരു ഹാംപറിൽ ആക്കി മാതാപിതാക്കൾക്ക് അല്ലെങ്കിൽ, മറ്റാർക്കെങ്കിലും സർപ്രൈസ് ആയിട്ട് കൊടുക്കുക.എന്നിട്ട്, അതിനെ വീഡിയോ എടുത്ത് സ്റ്റാറ്റസിൽ/ സ്റ്റോറിയിൽ നാലാളുകൾക്ക് മുമ്പിൽ പ്രചരിപ്പിക്കുക... പരസ്പരം സമ്മാനങ്ങൾ കൗമാറുന്നത്തിലൂടെ നിങ്ങളുടെ സ്നേഹം വർധിക്കാൻ കാരണമാകും എന്നതൊരു സത്യമാണ്, എന്നാൽ അതിനെ നാലാൾക്ക് മുമ്പിൽ പ്രചരിപ്പിചത് കൊണ്ട് നിനക്ക് എന്തു നേട്ടം ഉണ്ട് എന്ന് ഒന്നാലോചിച്ചു നോക്കൂ..! നിങ്ങളുടെ നിയ്യത്ത് എന്താണോ അതിനനുസരിച്ചായിരിക്കും പ്രതിഫലം എന്ന് മറക്കരുത്..! നിങ്ങൾ സമ്മാനങ്ങൾ കൈമാറി അവരെ സന്തോഷിപ്പിക്കണം,അവടെ പ്രാർത്ഥന ലഭിക്കണം എന്നൊക്കെയാണ് നിങ്ങളുടെ നിയ്യത്ത് എങ്കിൽ നിങ്ങൾക്ക് അത് കിട്ടും... എന്നാൽ,മറ്റുള്ളവർക്ക് കാണാൻ വേണ്ടി പ്രചരിപ്പിക്കണം എന്നതാണ് ഉദ്ദേശ്യം എങ്കിൽ നിങ്ങൾക്ക് കിട്ടുന്ന പ്രതിഫലം അതിനനുസരിചായിരിക്കും... എൻ്റെ ഈ എഴുത്ത് കൊണ്ട് ക്രാഫ്റ് ചെയ്യുന്ന ആൾക്കാരെ കുറ്റ പെടുത്തുകയോ സർപ്രൈസ് കൊടുക്കുന്ന ആൾക്കാരെ നിന്ദിക്കുകയോ അല്ല ചെയ്യുന്നത്... ഒരിക്കലും ഒരു ക്രാഫ്ട് ചെയ്യുന്ന ആളുടെ അന്നം മുട്ടിക്കണം എന്ന ഉദ്ദേശത്തോടെ അല്ല ഞാനീ എഴുത്ത് എഴുതുന്നത്... ഖുർആനിൻ്റെ പവിത്രത മനസ്സിലാക്കി ഖുർആനിനെ നിന്ദിക്കാതിരിക്കുക എന്ന ഒരു അറിവ് നിങ്ങളിലേക്ക് എത്തിക്കുക എന്ന ഉദ്ദേശത്തിൽ മാത്രമാണ് ഞാനീ എഴുത്ത് എഴുതുന്നത്... പിന്നെ ഒരു കാര്യം കൂടി..! നിങ്ങൾ ഓരോ വർഷവും ഓരോ ഖുർആൻ വീതം വാങ്ങുന്നവരാണെങ്കിൽ, നിങ്ങളുടെ പഴയ ഖുർആൻ ഒരു മൂലയിൽ വെച്ച് ചിതലരിച്ചു പോകുന്നില്ല എന്ന് ഉറപ്പു വരുത്തുക..! ഖുർആൻ ഒരിക്കലും ഉപയോഗിക്കാതെ ഒരു മൂലയിൽ വെക്കാൻ പാടുള്ളതല്ല എന്ന് കൂടി ഓർക്കുന്നത് നല്ലതാണ്..! ഏതെങ്കിലും തരത്തിലുള്ള തെറ്റിൽ അറിയാതെ പെട്ടു പോയിട്ടുണ്ടെങ്കിൽ,ഇപ്പോൾ തന്നെ തൗബ ചെയ്ത് മടങ്ങിക്കോളൂ... അള്ളാഹു ഏറെ കാരുണ്യവാനും കരുണാനിധിയുമാണ്..! ഒരു തെറ്റിൽ നിന്നും തൗബ ചെയ്ത് മടങ്ങിയാൽ പിന്നീട് ഒരിക്കലും ആ തെറ്റിലേക്ക് മടങ്ങിപ്പോകരുത്!!! അള്ളാഹു നമുക്ക് ദീൻ പറയുന്നത് മനസ്സിലാക്കി അത് അനുസരിച്ച് പ്രവർത്തിക്കാനും ജീവിക്കുവാനുമുള്ള തൗഫീഖ് നൽകട്ടെ! പൈശാചികമായ എല്ലാ വിധ ശറിൽ നിന്നും നമ്മെ എല്ലാവരെയും കാത്തു സംരക്ഷിക്കട്ട! آمين أوصيكم بالدعاع ✍️Ishqinte_Thozhi #🕌 റമളാൻ സന്ദേശം #👴 മഹത് വചനങ്ങള്‍ #💓 ജീവിത പാഠങ്ങള്‍ #📝 ഞാൻ എഴുതിയ വരികൾ #🤲🏻 റമളാൻ Quotes 📝