*03/03/2026 - చంద్ర గ్రహణం మనకు పాక్షికమే.*
🌷🌷🌷🌷🌷🌷🌷🌷🌷🌷🌷🌷
మనకు పగటిపూట చంద్రగ్రహణం ఉన్నందున ఎటువంటి ఆచరణ లేదు. కేవలం మోక్షస్నానం చేస్తే సరిపోతుంది.
అందువల్ల ఎవరూ గాబరా పడి శాంతి మొదలైనవి చేయాల్సిన అవసరం లేదు.
*అహ్ని చాంద్రం న దర్శనం, రాత్రౌ న దర్శనం సౌరమ్ ।*
*అగోచరే తు నైవాస్తి స్నాన-దాన-జపాదికమ్ ॥*
పగటిపూట చంద్రగ్రహణం దర్శనమవదు. అలాగే రాత్రిపూట సూర్యగ్రహణం దర్శనమవదు. కనుక కంటికి కనిపించని (అగోచరమైన) ఇటువంటి గ్రహణాలకు స్నానం, దానం, జపం, తపస్సు వంటి కర్మలు చేయాల్సిన అవసరం లేదు.
ఈ విషయమై ధర్మసింధు మరియు నిర్ణయసింధు గ్రంథాలలో స్పష్టమైన ఉల్లేఖనం ఉంది:
*గ్రహణం న భవేత్ రాత్రౌ భానోః, చంద్రస్య చాహని |*
*తదదృష్టిర్న దోషాయ తస్మాత్ స్నానం న కారయేత్ ||*
రాత్రిపూట సూర్యగ్రహణం ఉండదు, అలాగే పగటిపూట చంద్రగ్రహణం ఉండదు (అంటే కనిపించదు). అవి దర్శనమవకపోవడంతో ఎటువంటి దోషం లేదు. కాబట్టి ఆ సమయంలో గ్రహణస్నానం, సూతకాలు చేయకూడదు.
*స్పర్శకాలే యదా సూర్యః చంద్రో వా నైవ దృశ్యతే |*
*తదా న సూతకం ప్రోక్తం మునిభిః తత్త్వదర్శిభిః ||*
గ్రహణ స్పర్శకాలంలో (ఆరంభ సమయంలో) సూర్యుడు లేదా చంద్రుడు కనిపించనట్లయితే, తత్త్వజ్ఞానులైన మునులు ఎటువంటి సూతకాన్ని విధించలేదు.
గ్రస్తోదయ గ్రహణం పట్టి ఉన్నప్పుడే సూర్యుడు లేదా చంద్రుడు ఉదయిస్తే దాన్ని “గ్రస్తోదయ” అంటారు. అంటే మనకు గ్రహణ ఆరంభం కనిపించదు, కానీ మధ్య భాగం లేదా అంత్యం కనిపిస్తుంది. అటువంటి సందర్భంలో సూర్యుడు/చంద్రుడు ఉదయించి దర్శనమైన క్షణం నుండి సూతకం ప్రారంభమవుతుంది. గ్రహణ మోక్షం (అంత్యం) అయిన తరువాత స్నానం చేయాలి.
అందువల్ల ఈ గ్రహణానికి సంబంధించిన ఆచరణ కేవలం మోక్షకాల స్నానం మాత్రమే.
🖤🖤🖤🖤🖤🖤🖤🖤🖤🖤🖤🖤
#☀️శుభ మధ్యాహ్నం #🙏🏻మంగళవారం భక్తి స్పెషల్ #🌷మంగళవారం స్పెషల్ విషెస్ #🌕నేడే చంద్రగ్రహణం రోజు ఈ పనులు అస్సలు చేయకూడదు #🌒నేడు సంపూర్ణ చంద్రగ్రహణం