#🌾शेती माहिती #🌾शेती आणि व्यवसाय⚙ #🌱मी शेतकरी व धुलिवंदन* *होळीची कथा* 2 मार्च 2026 हिरण्यकश्यपुचा मुुलगा भक्त प्रल्हाद हा विष्णुचा लाडका भक्त होता. हिरण्यकश्यपुने त्याचा छळ केला. प्रल्हादाने परमेश्वराचे नांव घेऊनये म्हणून हिरण्यकश्यपुने त्याला उंच कड्यावरून खाली टाकले, उकळत्या तेलाच्या कढईत टाकले, तरीही भक्त प्रल्हादावर त्याचा काहीही परिणाम झाला नाही. तो तसाच्या तसा राहिला. शेवटी हिरण्यकश्यपुची बहिण म्हणाली, मला वर लाभल्यामुळे अग्नीपासून मला कोणतेच भय नाही, मी जळणार नाही, मी प्रल्हादाला घेऊन अग्नीत बसते. त्याप्रमाणे हिरण्यकश्यपुची बहिण हुंठा प्रल्हादाला मांडीवर घेऊन अग्नीत बसली. सभोवती गोवऱ्या रचून पेटविले गेले. पण काय आश्चर्य...! वर मिळालेली हुंठा अग्नीत जळून भस्म झाली, तर भक्त प्रल्हाद मात्र अग्नीतुन सुखरूप बाहेर आला. जे वाईट होते. ते जळून गेले, जे अस्सल होते ते तापवून शुध्द बनले. प्रल्हादाची जणू ही अग्नीपरिक्षाच होती. त्याची आठवण म्हणून होळी पेटविली जाते, तीच ही होळी. यासाठी होळीचे महत्व आहे. *सारांश :* होळीचा सण, उत्सव, फाल्गुनाच्या रंगाने आपले जीवन रंगीत बनविणारा, वसंतातही संयमाची दिक्षा देणारा, संघनिष्ठेचा महिमा समजविणारा व मानव मनात, समाजात असलेल्या आसुरी वृत्तींना जाळण्याचा संदेश देणारा उत्सव आहे. *धुलीवंदन* *3 मार्च 2026 धुलिवंदन.* होळी हा सण पांच दिवसांचा असतो. दुसरे दिवशी 'धुलवड' हा सण असतो. या दिवशी होळीची राख भस्म म्हणून कपाळाला लावतात. राख किंवा भस्म यात विद्युत, उष्णता विरोधक तत्व आहे. आपला प्रत्येक सण संधीकाळाशी संबंधित आहे. साधारण मार्चमध्ये सूर्याची किरणे लंबरूपी पडतात, व उत्तरोत्तर जास्तवेळ राहाणार असतात. तेव्हा उष्णता विरोधक राख किंवा भस्म लेपन हा शास्त्रशुद्ध आचार आहे. मातीचे विशिष्ट गूण सुध्दा शरीराला पोषक आहेत. गोमय तर उष्णता विरोधक आहेच पण ते त्वचारोग दूर करणारेही आहे. म्हणून पूर्वीच्या काळी गोमयाने सडासंमार्जन करीत असत. गोमयाने लिंपलेल्या मातीच्या घरात उष्णता कमी भासते, शांतता, पावित्र्यता वाढते, हा अनुभव आहे. म्हणून आपल्या प्रत्येक धार्मिक स्नानात, सचैल स्नानात, भस्म-स्नान, पंचगव्य स्नान, मृत्तिका स्नान, वायुस्नान, सूर्यस्नान यांचे महत्त्व आहे. त्याचे अद्भूत असे अनुभवही आपल्याला पाहायला मिळतात. श्रावणीच्या दिवशी सुध्दा असे सांगितले आहे. या सर्वांचा आरोग्याशी संबंध आहे. कपश्चितो हि शिशिरे वसन्तेर्काशु तापित: । हत्वाग्नि कुरूते रोगनतस्तं त्वरया जयेत् ।। आयुर्वेदाचे ऋषी सुश्रुत सांगतात शिशिर ऋतुत झालेला कफ वसंत ऋतुत पातळ होतो व त्याने सर्दी, पडसे, ताप, खोकला आदी रोग होतात. ते निवारण्याकरिता मोठ्याने बोलणे, गाणे बजावणे, नाचणे, पळणे इत्यादी व्यायाम प्रकाराने कफाचे विकार होत नाहीत. धुलीवंदनाच्या दिवशी धुळवड, राख फेकणे हा खेळ खेळतात पण त्या बरोबर होळीच्या धगीवर पाणी तापवून लहान मुलांना स्नान घालतात म्हणजे त्यांना उन्हाळा बाधत नाही. यानंतर पांचव्या दिवशी रंगपंचमी सण साजरा करतात. 🙏🙏