एके दिवशी तुकोबा असे तीरावरी आले.. अन् इंद्रायणीलागी थोडे हसून म्हणाले... तुला द्यायचीच होती माझी गाथा परतुन.. मग पहिल्याच दिशी, दिली का न तू आणून? उगा मला तिष्ठविले असे तुझिया काठाला दिस चवदा असा तू माझा अंत का पाहिला..? बोले इंद्रायणी मग .. तुम्ही भक्तांचे भूषण अशा जगाच्या गुरुचा अंत मी कसा पाहीन..? ऐका तुकोबा .. कधीच कोणा कळली न मात.. काय घडले सांगते खोल माझिया डोहात.. अशी गाथा त्या दिवशी आली डोहाच्या तळाशी.. जणू कुबेराचे धन आले माझिया हाताशी.. असा अमृताचा घट येता सहजी चालून.. कोणी देईल का ?? थोडी चव घेतल्या वाचून ? तशी गाथा अवचित माझ्या हाताला लागली.. सारे विसरून जग मीही वाचाया घेतली.. पुरे चवदा दिवस केले तिचे पारायण आणि मगच तुकोबा.. दिली तुम्हा परतून..! तुम्ही आभाळाएव्हढे.. अंत मी काय पाहीन.. गाथा तारी जगताला तिला मी काय तारीन ? *सारे जग शुद्ध होते ..* *बुडी माझ्यात घेऊन..* *गाथा वाचून तुमची* *गेले मीच उद्धरून* - केशवानंद. तुकाराम बीज निमित्त🙏🏽 #☀️गुड मॉर्निंग☀️ #सुप्रभात #☀️गुड मॉर्निंग मोशन व्हिडीओ☺ #☕good morning Friends🌞 #🌹☕गुड मॉर्निंग Special☕🌹