#🕉️ ಜೈ ಶ್ರೀ ರಾಮ🙏 🙏 ಹರಿಃ ಓಂ 🕉️ ಧರ್ಮರಾಜ ದಶಮಿ 🌻 ಧರ್ಮರಾಜ ದಶಮಿ (ಚೈತ್ರ ಶುಕ್ಲ ದಶಮಿ) ಯಮಧರ್ಮರಾಜನಿಗೆ ಸಮರ್ಪಿತವಾದ ಪವಿತ್ರ ದಿನವಾಗಿದೆ. ಶ್ರೀರಾಮನವಮಿಯ ಮುಂದಿನ ದಿನ ಬರುವ ಈ ಹಬ್ಬದಂದು ಯಮನನ್ನು ಪೂಜಿಸಿದರೆ ಮರಣಭಯ ನಿವಾರಣೆಯಾಗುತ್ತದೆ, ಅಕಾಲಮರಣ ತಪ್ಪುತ್ತದೆ ಮತ್ತು ಆರೋಗ್ಯಕರ ಜೀವನ ಲಭಿಸುತ್ತದೆ ಎಂದು ಹಿಂದೂ ಧರ್ಮಶಾಸ್ತ್ರಗಳು ಹೇಳುತ್ತವೆ. ಯಮನು ಧರ್ಮ ಮತ್ತು ನ್ಯಾಯದ ಅಧಿಪತಿಯಾಗಿದ್ದಾನೆ. 🌷 ಧರ್ಮರಾಜ ದಶಮಿಯ ಮಹತ್ವ: 🌷 ☘️ ಯಮ ಆರಾಧನೆ: ☘️ ಈ ದಿನ ಯಮಧರ್ಮರಾಜ ಮತ್ತು ಚಿತ್ರಗುಪ್ತರನ್ನು ಪೂಜಿಸಲಾಗುತ್ತದೆ. ಯಮನಿಗೆ ಅರ್ಘ್ಯ ಸಮರ್ಪಿಸಿ “ಯಮ ವಂದನೆ” ಮಾಡಲಾಗುತ್ತದೆ. 🌻 ಮರಣಭಯ ನಿವಾರಣೆ: 🌻 ಯಮನು ಧರ್ಮನಿಷ್ಠನಾಗಿದ್ದು, ಮಾಡಿದ ಕರ್ಮಕ್ಕೆ ತಕ್ಕ ಫಲ ನೀಡುವವನಾಗಿರುವುದರಿಂದ, ಅವನ ಆರಾಧನೆಯಿಂದ ಯಮಪೀಡೆಗಳು ದೂರವಾಗುತ್ತವೆ ಎಂಬ ನಂಬಿಕೆ ಇದೆ. ಬೆಳಿಗ್ಗೆ ಸ್ನಾನಾದಿ ಕಾರ್ಯಗಳನ್ನು ಮುಗಿಸಿ, ಯಮಧರ್ಮರಾಜನ ಚಿತ್ರ ಅಥವಾ ವಿಗ್ರಹವನ್ನು ಷೋಡಶೋಪಚಾರಗಳಿಂದ ಪೂಜಿಸಬೇಕು. ಹೂವುಗಳು ಮತ್ತು ನೈವೇದ್ಯವನ್ನು ಸಮರ್ಪಿಸಬೇಕು. ಯಮಧರ್ಮರಾಜನ ಕಥೆಯನ್ನು ಪಠಿಸುವುದು ಅಥವಾ ಕೇಳುವುದರಿಂದ ದಾರಿದ್ರ್ಯ ಮತ್ತು ಪಾಪಗಳು ದೂರವಾಗುತ್ತವೆ ಎಂದು ನಂಬಲಾಗಿದೆ. ಸಮನ್ಯಾಯವನ್ನು ಮಾಡುವ ಧರ್ಮದೇವರನ್ನು ಪ್ರಾರ್ಥಿಸುವ ಮೂಲಕ ಆಯುಷ್ಯ ಮತ್ತು ಆರೋಗ್ಯವನ್ನು ಪಡೆಯುವುದು ಈ ಹಬ್ಬದ ಮುಖ್ಯ ಉದ್ದೇಶವಾಗಿದೆ. 👉 ಧರ್ಮರಾಜ ದಶಮಿ / ನಚಿಕೇತನ ಕಥೆ: ಈ ದಿನ ನಚಿಕೇತನು ಯಮನನ್ನು ಭೇಟಿ ಮಾಡಿ ಆತ್ಮಜ್ಞಾನವನ್ನು ಪಡೆದ ಕಥೆಯನ್ನು ಕೇಳುವುದು ಅತ್ಯಂತ ಶುಭಕರವೆಂದು ಪರಿಗಣಿಸಲಾಗಿದೆ. ಕಠೋಪನಿಷತ್ತಿನ ಪ್ರಕಾರ — ನಚಿಕೇತನ ತಂದೆ ವಾಜಶ್ರವನು (ಅನ್ನದಾನದಿಂದ ಪ್ರಸಿದ್ಧನಾದ ಋಷಿ) ವಿಶ್ವಜಿತ್ ಯಾಗವನ್ನು ಮಾಡಲು ಸಂಕಲ್ಪಿಸಿದನು. ಆತನು ಮಹಾಜ್ಞಾನಿಯಾಗಿದ್ದರಿಂದ, ಯಾಗದ ಸುದ್ದಿ ತಿಳಿದು ಜನರು ಬಹಳ ಸಂಖ್ಯೆಯಲ್ಲಿ ಸೇರಿದರು. ಯಾಗ ಯಶಸ್ವಿಯಾಗಿ ಪೂರ್ಣಗೊಂಡ ನಂತರ ದಾನ ಕಾರ್ಯ ಆರಂಭವಾಯಿತು. ಆದರೆ ವಾಜಶ್ರವನು ಆರೋಗ್ಯಕರ ಮತ್ತು ಬಲಿಷ್ಠವಾದ ಗೋವುಗಳನ್ನು ತನ್ನಲ್ಲೇ ಇಟ್ಟುಕೊಂಡು, ವೃದ್ಧ, ದುರ್ಬಲ ಮತ್ತು ರೋಗಪೀಡಿತ ಗೋವುಗಳನ್ನು ದಾನ ಮಾಡುತ್ತಿದ್ದನು. ಇದನ್ನು ಕಂಡ ನಚಿಕೇತನಿಗೆ ದುಃಖವಾಯಿತು. “ಯಾವ ದಾನವಾದರೂ ಸ್ವೀಕರಿಸುವವರಿಗೆ ಉಪಯುಕ್ತವಾಗಿರಬೇಕು” ಎಂದು ಭಾವಿಸಿದನು. ಅವನು ತಂದೆಯ ಬಳಿಗೆ ಹೋಗಿ — “ನೀನು ಉಪಯೋಗವಿಲ್ಲದವುಗಳನ್ನು ದಾನ ಮಾಡುತ್ತಿರುವೆ; ಹೀಗಾದರೆ ನನ್ನನ್ನು ಯಾರಿಗೆ ದಾನ ಮಾಡುತ್ತೀಯ?” ಎಂದು ಕೇಳಿದನು. ಕೋಪಗೊಂಡ ತಂದೆ — “ನಿನ್ನನ್ನು ಯಮನಿಗೆ ದಾನ ಮಾಡುತ್ತೇನೆ” ಎಂದು ಹೇಳಿದರು. ಈ ಮಾತು ಕೇಳಿ ನಚಿಕೇತನು ಮೌನನಾದನು. ನಂತರ ತಂದೆಗೆ ತನ್ನ ಮಾತಿನ ಬಗ್ಗೆ ಪಶ್ಚಾತ್ತಾಪವಾಯಿತು ಮತ್ತು “ಕೋಪದಲ್ಲಿ ಹೇಳಿದ್ದೇನೆ, ಅದು ಸತ್ಯವಲ್ಲ” ಎಂದು ಹೇಳಿದರು. ಆದರೆ ನಚಿಕೇತನು ಅದನ್ನು ಗಂಭೀರವಾಗಿ ತೆಗೆದುಕೊಂಡು, ಯಜ್ಞಕಾಲದಲ್ಲಿ ಉಚ್ಚರಿಸಿದ ಮಾತು ನೆರವೇರಬೇಕು ಎಂದು ನಿಶ್ಚಯಿಸಿ, ಯಮಲೋಕಕ್ಕೆ ಪ್ರಯಾಣಿಸಿದನು. ಯಮನು ತನ್ನ ಕಾರ್ಯಗಳಲ್ಲಿ ನಿರತರಾಗಿದ್ದು, ಮೂರು ದಿನಗಳ ನಂತರ ನಚಿಕೇತನನ್ನು ಗಮನಿಸಿದನು. ಮೂರು ದಿನಗಳು ಉಪವಾಸದಿಂದ ಕಾಯುತ್ತಿದ್ದುದರಿಂದ ಸಂತೋಷಗೊಂಡ ಯಮನು, ಮೂರು ವರಗಳನ್ನು ಕೇಳುವಂತೆ ಹೇಳಿದರು. ಮೊದಲ ವರವಾಗಿ — “ನನ್ನ ತಂದೆ ನನ್ನನ್ನು ಸಂತೋಷದಿಂದ ಸ್ವೀಕರಿಸಲಿ” ಎಂದು ಕೇಳಿದನು; ಯಮನು “ತಥಾಸ್ತು” ಎಂದನು. ಎರಡನೇ ವರವಾಗಿ — ಸ್ವರ್ಗವನ್ನು ಪಡೆಯುವ ಯಜ್ಞ ವಿಧಾನವನ್ನು ಬೋಧಿಸಿದರು. ಮೂರನೇ ವರವಾಗಿ — ನಚಿಕೇತನು ಮರಣರಹಸ್ಯ (ಆತ್ಮಜ್ಞಾನ)ವನ್ನು ಕೇಳಿದನು. ಯಮನು ಬೇರೆ ಯಾವುದನ್ನಾದರೂ ಕೇಳು ಎಂದು ಅನೇಕ ಬಾರಿ ಹೇಳಿದರೂ, ನಚಿಕೇತನು ಹಿಂತಿರುಗಲಿಲ್ಲ. ಅಂತಿಮವಾಗಿ ಯಮಧರ್ಮರಾಜನು ಆತ್ಮತತ್ತ್ವವನ್ನು ವಿವರಿಸಿದರು. ಈ ಯಮ-ನಚಿಕೇತ ಸಂಭಾಷಣೆಯೇ ಕಠೋಪನಿಷತ್ತಿನ ಮುಖ್ಯ ಭಾಗವಾಗಿದೆ. ಈ ಪವಿತ್ರ ಕಥೆಯನ್ನು ಧರ್ಮರಾಜ ದಶಮಿಯಂದು ಕೇಳುವುದು ವಿಶೇಷ ಫಲಪ್ರದವೆಂದು ಹಿರಿಯರು ಹೇಳಿದ್ದಾರೆ. ಓಂ ನಮೋ ಭಗವತೇ ವಾಸುದೇವಾಯ 🙏 ಬರಹ 👉 ವೇದಾಂತ ಜ್ಞಾನ ಯವರಿಂದ ▬▬ஜ۩۞۩ஜ▬▬▬*▬▬▬ஜ۩۞۩ஜ▬▬ !! ಸರ್ವಂ ಶ್ರೀ ಕೃಷ್ಣಾರ್ಪಣಮಸ್ತು !! 🙏 ಸರ್ವೇ ಜನಾಃ ಸುಖಿನೋ ಭವಂತುಸರ್ವೇ ಸಂತು ನಿರಾಮಯಾಃ 🙏 !! ಧರ್ಮೋ ರಕ್ಷತಿ ರಕ್ಷಿತಃ !! ▬▬▬ஜ۩۞۩ஜ▬▬▬▬▬▬ஜ۩۞۩ஜ▬▬▬ 🙏 ಹರಿ ಸರ್ವೋತ್ತಮ ವಾಯು ಜೀವೋತ್ತಮ 🙏