📖നേർവായന എപ്പിസോഡ് : 1336 ഇന്നത്തെ വിഷയം: ലാ ഇലാഹ ഇല്ലല്ലാഹ് : വിജയത്തിലേക്കുള്ള നിബന്ധനകൾ ▪️ ഭാഗം - 02 ➖➖➖➖➖➖➖➖➖ 🔲അല്ലാഹു ഒഴികെയുള്ള ആരാധ്യന്മാരെല്ലാം വ്യാജവും നിരർത്ഥകവുമാണ് (باطل) എന്നും, യഥാർത്ഥ ആരാധ്യൻ ഏകനായ അല്ലാഹു മാത്രമാണ് എന്നും ഒരുവൻ അറിയണം. ഈ അറിവാണ് ഒന്നാമത്തെ നിബന്ധന. പ്രമാണങ്ങളിൽ നിന്നുള്ള തെളിവുകൾ 1. അല്ലാഹു അവന്റെ പ്രവാചകനോട് ﷺ കൽപ്പിക്കുന്നു: فَاعْلَمْ أَنَّهُ لَا إِلَٰهَ إِلَّا اللَّهُ അതിനാൽ, യഥാർത്ഥത്തിൽ അല്ലാഹുവല്ലാതെ യാതൊരു ആരാധ്യനുമില്ലെന്ന് താങ്കൾ അറിയുക. (ഖുർആൻ:47/19) ഇവിടെ فَاعْلَمْ (നീ അറിയുക) എന്ന കൽപ്പന, ഈ വിഷയത്തിൽ അറിവ് നേടേണ്ടതിന്റെ പ്രാധാന്യം വ്യക്തമാക്കുന്നു. 2. ശഫാഅത്തിനെ കുറിച്ച് അല്ലാഹു പറയുന്നു: وَلَا يَمْلِكُ الَّذِينَ يَدْعُونَ مِن دُونِهِ الشَّفَاعَةَ إِلَّا مَن شَهِدَ بِالْحَقِّ وَهُمْ يَعْلَمُونَ അവനു പുറമെ അവർ ആരോട് പ്രാർത്ഥിക്കുന്നുവോ ആ ദൈവങ്ങൾക്ക് ശുപാർശ ചെയ്യാൻ സാധിക്കുകയില്ല. സത്യത്തിന് സാക്ഷ്യം വഹിച്ചവർക്കൊഴികെ. അവർ അറിഞ്ഞുകൊണ്ടുതന്നെ (സാക്ഷ്യം വഹിച്ചവരാകുന്നു). (ഖുർആൻ:43/86) ഇവിടെ شَهِدَ بِالْحَقِّ (സത്യത്തിന് സാക്ഷ്യം വഹിച്ചവൻ) എന്നതുകൊണ്ടുള്ള പ്രധാന ഉദ്ദേശ്യം ‘ലാ ഇലാഹ ഇല്ലല്ലാഹ്’ എന്ന് സാക്ഷ്യം വഹിച്ചവനാണ്. എന്നാൽ ആയത്ത് അവിടെ നിർത്തുന്നില്ല, وَهُمْ يَعْلَمُونَ (അവർ അറിഞ്ഞുകൊണ്ട്) എന്ന് കൂട്ടിച്ചേർക്കുന്നു. ഇത് വ്യക്തമാക്കുന്നത്, അറിവോടുകൂടി ഈ സാക്ഷ്യവചനം പ്രഖ്യാപിക്കുമ്പോഴാണ് അത് ഫലം ചെയ്യുക എന്നാണ്. 3. നബി ﷺ പറഞ്ഞു: عَنْ عُثْمَانَ، قَالَ قَالَ رَسُولُ اللَّهِ صلى الله عليه وسلم ‏: مَنْ مَاتَ وَهُوَ يَعْلَمُ أَنَّهُ لاَ إِلَهَ إِلاَّ اللَّهُ دَخَلَ الْجَنَّةَ ‏.‏ ഉസ്മാന്‍ رَضِيَ اللَّهُ عَنْهُمْ വിൽ നിന്ന് നിവേദനം: നബി ﷺ പറഞ്ഞു: ആരെങ്കിലും ‘ലാ ഇലാഹ ഇല്ലല്ലാഹ്’ എന്ന് അറിഞ്ഞുകൊണ്ട് മരണപ്പെടുന്നുവോ, അവൻ സ്വർഗ്ഗത്തിൽ പ്രവേശിച്ചു. (മുസ്‌ലിം: 26) ➖➖➖➖➖➖➖➖ Join Our WhatsApp Group: https://qr1.be/4M9V ➖➖➖➖➖➖➖➖ ഈ ഹദീസ് സ്വർഗ്ഗപ്രവേശനത്തിന് അറിവ് ഒരു നിബന്ധനയാണെന്ന് സംശയത്തിനിടയില്ലാത്തവിധം വ്യക്തമാക്കുന്നു. കേവലം ഉച്ചാരണമല്ല, മറിച്ച് അതിന്റെ ആശയത്തെക്കുറിച്ചുള്ള ജ്ഞാനമാണ് പ്രധാനം. 4. ഉബാദത് ബ്നു സ്വാമിത് رَضِيَ اللَّهُ عَنْهُ വിൽ നിന്നുള്ള ഹദീസിൽ നബി ﷺ പറയുന്നു: مَنْ شَهِدَ أَنْ لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ وَأَنَّ مُحَمَّدًا عَبْدُهُ وَرَسُولُهُ وَأَنَّ عِيسَى عَبْدُ اللَّهِ وَرَسُولُهُ… أَدْخَلَهُ اللَّهُ الْجَنَّةَ عَلَى مَا كَانَ مِنَ الْعَمَلِ അല്ലാഹുവല്ലാതെ ആരാധനക്കർഹനില്ലെന്നും അവൻ ഏകനാണെന്നും അവന് പങ്കുകാരില്ലെന്നും, മുഹമ്മദ് ﷺ അവന്റെ ദാസനും ദൂതനുമാണെന്നും, ഈസാ عليه السلام അല്ലാഹുവിന്റെ ദാസനും ദൂതനുമാണെന്നും… ഒരാൾ സാക്ഷ്യം വഹിച്ചാൽ, അവന്റെ കർമ്മങ്ങൾ എന്തുതന്നെയായിരുന്നാലും അല്ലാഹു അവനെ സ്വർഗ്ഗത്തിൽ പ്രവേശിപ്പിക്കും. (ബുഖാരി, മുസ്‌ലിം) ‘ശഹാദത്ത്’ (സാക്ഷ്യം) എന്ന വാക്ക് തന്നെ അറിവിനെയാണ് കുറിക്കുന്നത്. ഒരു കാര്യത്തെക്കുറിച്ച് കണ്ടോ കേട്ടോ അറിഞ്ഞ ശേഷമാണ് ഒരാൾ അതിന് സാക്ഷ്യം വഹിക്കുന്നത്. അതിനാൽ ‘ലാ ഇലാഹ ഇല്ലല്ലാഹ്’ എന്ന് സാക്ഷ്യം വഹിക്കണമെങ്കിൽ, അതിന്റെ അർത്ഥവും ആശയവും അറിഞ്ഞിരിക്കണം. ➖➖➖➖➖➖➖➖ Join Our Telegram: https://t.me/DailyNervazhi ➖➖➖➖➖➖➖➖ ഇന്ന് പല മുസ്‌ലിംകളും ‘ലാ ഇലാഹ ഇല്ലല്ലാഹ്’ എന്ന് ഉച്ചരിക്കുന്നുണ്ടെങ്കിലും, അതിന്റെ തേട്ടമെന്താണെന്ന് പുരാതന മക്കയിലെ മുശ്‌രിക്കുകൾ മനസ്സിലാക്കിയതുപോലെ പോലും മനസ്സിലാക്കിയിട്ടില്ല എന്നത് ഖേദകരമാണ്. നബി ﷺ അവരോട്, “നിങ്ങൾ ‘ലാ ഇലാഹ ഇല്ലല്ലാഹ്’ പറയൂ, നിങ്ങൾ വിജയിക്കും” എന്ന് പറഞ്ഞപ്പോൾ അവർ പ്രതികരിച്ചത് ഇപ്രകാരമായിരുന്നു: أَجَعَلَ الْآلِهَةَ إِلَٰهًا وَاحِدًا ۖ إِنَّ هَٰذَا لَشَيْءٌ عُجَابٌ ഇവൻ പല ദൈവങ്ങളെ ഒരൊറ്റ ദൈവമാക്കിയിരിക്കുകയാണോ? നിശ്ചയമായും ഇത് ഒരു അത്ഭുതകരമായ കാര്യം തന്നെ. (ഖുർആൻ:38/5) അല്ലാഹു അല്ലാത്ത എല്ലാ ആരാധ്യരെയും ഉപേക്ഷിക്കലാണ് ഈ വചനത്തിന്റെ താൽപര്യമെന്ന് അവർക്ക് കൃത്യമായി അറിയാമായിരുന്നു. ➖➖➖➖➖➖➖➖ Join Our Facebook Group: https://www.facebook.com/WisdomMediaChannel/ ➖➖➖➖➖➖➖➖ ഈ അറിവില്ലായ്മയാണ് ‘ലാ ഇലാഹ ഇല്ലല്ലാഹ്’ പറയുന്നതോടൊപ്പം തന്നെ അല്ലാഹു അല്ലാത്തവരോട് പ്രാർത്ഥിക്കാനും, അഭയം തേടാനും, ഏലസ്സുകളിലും നൂലുകളിലും പ്രതീക്ഷയർപ്പിക്കാനും പലരെയും പ്രേരിപ്പിക്കുന്നത്. അതിനാൽ, ഈ കലിമത്ത് ഉപകാരപ്പെടണമെങ്കിൽ അജ്ഞതയെ ദൂരീകരിക്കുന്ന അറിവ് അനിവാര്യമാണ്. അതാണ് അതിന്റെ ഒന്നാമത്തെ നിബന്ധന. രണ്ട്: ദൃഢവിശ്വാസം (اليقين) – സംശയങ്ങളെ ഇല്ലാതാക്കുന്ന ഉറപ്പ് ‘ലാ ഇലാഹ ഇല്ലല്ലാഹ്’ എന്ന കലിമത്തിന്റെ രണ്ടാമത്തെ നിബന്ധന ‘അൽ-യഖീൻ’ (اليقين) ആണ്. സംശയത്തെയും സന്ദേഹത്തെയും (الشك) പൂർണ്ണമായി നിരാകരിക്കുന്ന അചഞ്ചലമായ അറിവും ഉറപ്പുമാണിത്. ഈ വചനം പ്രഖ്യാപിക്കുന്നവൻ അതിന്റെ ആശയത്തിൽ യാതൊരു സംശയവുമില്ലാത്ത, ദൃഢമായ ബോധ്യമുള്ളവനായിരിക്കണം. ➖➖➖➖➖➖➖➖➖ Source: Kanzul uloom #peaceradio #harisbinsaleem #WisdomReels