సమాజం లో అవసరం అని వినిపిస్తే మేమేమి చేయగలం అని ఆలోచించే వారు ఎందరో. అటువంటి మంచి వారి గురించి తెలుసుకుంటే మనసుకు హాయిగా ఉంటుంది. మా TALRadio సోషల్ మీడియా పేజెస్ లో ప్రతి రోజు ఎంతో మందిని, సంస్థలను పరిచయం చేస్తుంటాం. ఇదిగో, మరో మంచి వార్త మీకోసం! తమిళనాడులోని నీలగిరి అడవుల మధ్య ఉన్న ‘విద్యోదయ’ స్కూల్, గత 30 ఏళ్లుగా ఆదివాసీ విద్యార్థుల భవిష్యత్తును సరికొత్తగా మారుస్తోంది. ఇక్కడ పాఠాలు కేవలం నాలుగు గోడల మధ్యే కాకుండా, అడవిని ఒక తరగతి గదిగా మార్చి బోధిస్తారు. పుస్తకాల్లో ఉండే బొమ్మల కంటే, ప్రకృతిలో దొరికే కొమ్మలు, ఆకులు, విత్తనాలతోనే లెక్కలు, సైన్స్ వంటి కష్టమైన సబ్జెక్టులను చాలా ఈజీగా అర్థమయ్యేలా చెబుతారు. ముఖ్యంగా 'బట్టీ' పట్టే చదువులు కాకుండా, ఆ పిల్లల సొంతభాషలో, వారి సంస్కృతిని గౌరవిస్తూ విద్యాబోధన చేస్తారు. దాదాపు 500 మందికి పైగా విద్యార్థులు ఇక్కడ చదువుకొని ఉన్నత స్థానాలకు చేరుకున్నారు. ఫీజుల భారం లేకుండా, దాతల సాయంతో నడుస్తున్న ఈ బడిలో.. ఒక్కో టీచర్‌కు కేవలం పదిమంది విద్యార్థులే ఉండటం వల్ల ప్రతి విద్యార్థిపై ప్రత్యేక శ్రద్ధ చూపడం సాధ్యమవుతోంది. #VidyodayaSchool #NilgiriHills #TamilNadu #TribalEducation #EducationForAll#🙆 Feel Good Status #😇My Status #💪పాజిటీవ్ స్టోరీస్