*సంగమం* వంపులు తిరిగిన అల్లరి లేడి పరుగులతో వడివడిగా.. అస్థిత్వాన్ని ప్రశ్నిస్తూ దాటాల్సిన కొండలు దూరంనుండే దడిపిస్తుంటే.. ఆబగా తన కౌగిలిలోనే ఉండమని చేతులు చాచిన లోతైన కోనలు.. సూరీడు గిలిగింతల కిరణాలతో సెగలు రేపుతూ.. ఆవిరయి దరి చేరమని భ్రమలు చూపినా.. చంద్రుడు వెన్నెల వలపులతో మైమరిపించి వగలు పోయినా.. గుండె ధైర్యం చేజారకుండా ఊపిరి బిగబట్టి కడగండ్లు కన్నీళ్లరేవులు ఎలా దాటానో.. వెనక్కి తిరిగి చూసా నిరాశతో ఉసూరంటూ బైబై చెప్పాయి.. రెట్టించిన ఉరకలతో కోటి ఆశల కలల మైదానంలో.. పెళ్లి పందిరిలో నది వధువుగా మారి.. వరుడు సంద్రం చేతిలో తాళి కట్టించుకుంది.. ఇన్నాళ్లు కంటికి రెప్పలా ప్రాణానికి ప్రాణంగా ప్రేమించి.. నను నడిపించిన నేలతల్లి చేయి విడలేక.. గుండెల్లో గూడు కట్టుకున్న సునామీ కళ్ళల్లో పోటెత్తింది.. మారాం చేస్తూ నెమ్మదిస్తే పృకృతి నేర్పిన పరవశ మాయేదో.. "ఆలస్యమైన వీడుకోలుకు" శుభమంటూ కలిపేసింది నిశ్శబ్ద సంగమంలా..! *గోవర్ధన్ ఆముదాలపల్లి* #షేర్ చాట్ బజార్👍 #🔊తెలుగు చాట్‌రూమ్😍 #🔊షేర్‌చాట్ చాట్‌రూమ్😍 #🌞ఆదివారం స్పెషల్ రాశిఫలాలు💫 #😎ఆటిట్యూడ్ కోట్స్