मुंबईतील मालाड ( पूर्व ) भागातील कुरार गावात माणुसकीला काळिमा फासणारी एक अत्यंत घृणास्पद घटना उघडकीस आली आहे. एका २० वर्षीय नराधमाने अडीच महिन्यांच्या एका निष्पाप श्वानाच्या पिल्लावर लैंगिक अत्याचार करून त्याला बेदम मारहाण केल्याचा प्रकार समोर आला आहे. या घटनेचा व्हिडिओ सोशल मीडियावर व्हायरल झाल्यानंतर संपूर्ण मुंबईसह प्राणीप्रेमींमध्ये संतापाची लाट उसळली आहे. प्राणी प्रेमींच्या सतर्कतेमुळे आरोपी जेरबंद हा धक्कादायक प्रकार 'प्युअर ॲनिमल लव्हर्स फाउंडेशन' या संस्थेच्या कार्यकर्त्यांच्या सतर्कतेमुळे उघड झाला. कुरार गावातील एका सार्वजनिक शौचालयामध्ये संशयास्पद हालचाली सुरू असल्याची माहिती मिळताच संस्थेचे कार्यकर्ते आणि कुरार पोलिसांनी तातडीने घटनास्थळी धाव घेतली. आरोपीने शौचालयाचा दरवाजा आतून बंद करून घेतला होता आणि तो उघडण्यास दाद देत नव्हता. परिस्थितीचे गांभीर्य ओळखून पोलिसांनी बळाचा वापर करत दरवाजा तोडला. त्यावेळी आरोपी अर्धनग्न अवस्थेत आढळला आणि श्वानाच्या पिल्लाची अवस्था अत्यंत केविलवाणी होती. पोलिसांनी आरोपीला जागीच ताब्यात घेतले असून या प्रकरणी कठोर कायदेशीर कारवाईची मागणी होत आहे. प्राणी संरक्षण कायद्यांतर्गत कारवाईची मागणी या घटनेने प्राणी अत्याचार रोखणाऱ्या कायद्यांच्या कडक अंमलबजावणीचा प्रश्न पुन्हा एकदा ऐरणीवर आला आहे. अडीच महिन्यांच्या पिल्लावर झालेल्या या निर्घृण हल्ल्यामुळे प्राणी मित्र संघटनांनी तीव्र निषेध व्यक्त केला आहे. आरोपीवर कठोर कलमान्वये गुन्हा दाखल करून त्याला कठोर शिक्षा व्हावी, अशी मागणी जोर धरत आहे. सध्या त्या जखमी पिल्लाला उपचारासाठी प्राणी रुग्णालयात दाखल करण्यात आले आहे. #🔴आजचे ताजे अपडेट्स📰 #🆕ताजे अपडेट्स