#🚗ஆட்டோமொபைல் Facts & Triviaℹ️ 2026ம் ஆண்டிற்காக இந்தியாவில் தாங்கள் விற்பனை செய்து வரும் V-கிராஸ் பிக்அப் டிரக் மாடலை மேம்படுத்தியிருக்கிறது அந்நிறுவனம். புதிய காரில் என்னென்ன மாற்றங்கள் மற்றும் மேம்பாடுகளை இசுஸூ செய்துள்ளது என்பதைப் பார்க்கலாம்.புதிய மேம்படுத்தப்பட்ட இசுஸூ V-கிராஸ் மாடலை ரூ.25.50 லட்சம் முதல் ரூ.30.28 லட்சம் வரையிலான எக்ஸ்-ஷோரூம் விலையில் வெளியிட்டுள்ளது அந்நிறுவனம். இந்தப் புதிய அப்டேட்டில் முக்கியமான மேம்பாடாக, 4 வீல் டிரைவ் வசதியை அனைத்து வேரியன்ட்களிலும் ஸ்டாண்டர்டாகக் கொடுத்துள்ளது இசுஸூ. Z ஸ்டாண்டர்டு, Z ப்ரீமியம், Z பிரஸ்டீஜ் ஸ்டாண்டர்டு மற்றும் Z பிரஸ்டீஜ் ப்ரீமியம் என நான்கு வேரியன்ட்களாக இந்த மேம்படுத்தப்பட்ட காரை விற்பனை செய்யவுள்ளது அந்நிறுவனம். ஸ்டாண்டர்டு வேரியன்ட்களில் மேனுவல் கியர்பாக்ஸ் தேர்வு மட்டுமே கொடுக்கப்பட்டிருக்கும் நிலையில், பிரஸ்டீஜ் வேரியன்ட்களில் மேனுவல் மற்றும் ஆட்டோமேட்டிக் என இரண்டு வகையான கியர்பாக்ஸ் தேர்வுகளுமே கொடுக்கப்பட்டுள்ளன. புதிய மாடலை 2 வீல் டிரைவ் வசதியுடன் நாம் வாங்க முடியாது என்பது குறிப்பிடத்தக்கது.