ప్రపంచం లో జరిగే మంచి విషయాలను ఎప్పటికప్పుడు మీకు అందించేందుకు ప్రయత్నిస్తుంది మన TALRadio. ఈ రోజు మరో మంచి వార్త మీకోసం… ఒడిశాలోని కేంద్రపడ జిల్లాకు చెందిన సునీత నాయక్ ఒకటిన్నర అడుగుల ఎత్తు మాత్రమే ఉంది. పుట్టుకతో మాటలు రాకపోయినా, వినికిడి శక్తి లేకపోయినా తన చదువుని మాత్రం ఆపలేదు. 12 ఏళ్ల క్రితమే తండ్రి చనిపోయినా, తల్లి సంజు నాయక్ తన కూతురిని ప్రతిరోజూ చంకన వేసుకుని ఎగ్జామ్ సెంటర్‌కి తీసుకెళ్తోంది. అక్కడ సునీత చేసే సైగలను బట్టి తన తమ్ముడు (స్క్రైబ్) పేపరు మీద సమాధానాలు రాస్తున్నాడు. అదే రాష్ట్రంలో మల్కన్‌గిరి జిల్లాకు చెందిన లక్ష్మి అనే పదవ తరగతి విద్యార్థికి పుట్టుకతోనే రెండు చేతులూ పని చెయ్యట్లేదు. కాళ్లు కూడా సరిగ్గా సహకరించకపోయినా తను ఎప్పుడూ కుంగిపోలేదు. చిన్నప్పటి నుండే కాళ్లతో రాయడం ప్రాక్టీస్ చేసిన లక్ష్మి, ఇప్పుడు టెన్త్ బోర్డు ఎగ్జామ్స్‌లో అందరిలాగే కూర్చుని తన కాళ్లతోనే ఎగ్జామ్ రాస్తుంది. నిజానికి ఎగ్జామ్ సెంటర్ వాళ్లు హెల్ప్ కోసం స్క్రైబ్ ను ఇస్తామన్నా వద్దని చెప్పి, తన కష్టాన్ని తానే నమ్ముకుంది. భవిష్యత్తులో టీచర్ అయ్యి నలుగురికి విద్యాబుద్ధులు నేర్పాలనే తన లక్ష్యం కోసం ఆర్థిక ఇబ్బందులను, శారీరక వైకల్యాన్ని ఎదిరించి మరీ పోరాటం చేస్తోంది. శారీరక వైకల్యం ఉన్నా, కుటుంబ ఆర్థిక కష్టాలు వెంటాడుతున్నా.. ఆకాశమే హద్దుగా పదవ తరగతి బోర్డు పరీక్షలు రాస్తున్న ఈ చిన్నారుల ధైర్యం నిజంగా సెల్యూట్ చేయదగ్గ విషయం. #TALRadioTelugu #SunitaNayak #Lakshmi #Odisha #Kendrapada #Malkangiri #BoardExamInspiration #sscexams #10thclassexams #DisabilityIsNotInability #EducationForAll #GirlPower #InspiringStudents #NeverGiveUp #SaluteTheirCourage #GoodNews #TALRadio #😇My Status #🙆 Feel Good Status #💪పాజిటీవ్ స్టోరీస్