*இறை மக்கள் குடும்பமாக இல்லங்களில் செபிக்க வேண்டிய இன்றைய செபமாலைக் கருத்துக்கள்.* 🍃🍂🍃🍂🍃🍂🍃🍂🍃🍂🍃 *02.02.2026 (திங்கள்)* *⚜️மகிழ்ச்சி நிறை மறையுண்மைகள்⚜️* *🌿🌹முதலாவது. தேவமாதாவுக்கு கபிரியல் அதிதூதர் காட்சி அளித்து மங்கள வார்த்தை சொன்னதைத் தியானித்து,* இன்று இயேசு ஆண்டவரைக் காணிக்கையாக அர்ப்பணிக்கப்பட்ட விழாவை கொண்டாடும் நாம், இறைவனிடம் ஒப்புக் கொடுக்கப்பட்ட ஆண்டவர் இயேசு எப்படி தமது தந்தைக்கு உகந்தவராக வாழ்ந்ததைப் போன்று, திருமுழுக்கு பெற்ற நாம் நமது தந்தைக்கு உகந்தவர்களாக வாழ்கிறோமா? என சிந்திக்க வேண்டி இந்த முதல் 10 மணியை ஒப்புக் கொடுப்போம். *🌿🌹இரண்டாவது. தேவமாதா எலிசபெத்து அம்மாளை சந்தித்ததைத் தியானித்து,* இன்றைய திருப்பலி பதிலுரைப்பாடல் திருப்பாடல் 24:7-ல், *"வாயில்களே, உங்கள் நிலைகளை உயர்த்துங்கள்; தொன்மைமிகு கதவுகளே, உயர்ந்து நில்லுங்கள்; மாட்சிமிகு மன்னர் உள்ளே நுழையட்டும்."* என திருப்பாடல் ஆசிரியர் கூறுகிறார். ஆண்டவர் இயேசுவை நம் உள்ளத்தில் வரவேற்க நமது இதயக்கதவுகளை எப்போதும் திறந்து வைத்திருக்க வேண்டி இந்த இரண்டாவது 10 மணியை ஒப்புக் கொடுப்போம். *🌿🌹மூன்றாவது. குழந்தை இயேசு பிறந்ததைத் தியானித்து,* இன்றைய நற்செய்தியில், *"மோசேயின் சட்டப்படி தூய்மைச் சடங்கை நிறைவேற்றவேண்டிய நாள் வந்தபோது, குழந்தையை ஆண்டவருக்கு அர்ப்பணிக்க அவர்கள் எருசலேமுக்குக் கொண்டு சென்றார்கள். "* என வாசிக்கின்றோம். மரியாவும், யோசேப்பும் ஆண்டவரின் திருச்சட்டத்திற்கு கீழ்படிந்து வாழ்ந்ததைப் போல நாமும் கீழ்படிந்து வாழ்கின்றோமா? என சிந்திக்க வேண்டி இந்த மூன்றாவது 10 மணியை ஒப்புக் கொடுப்போம். *🌿🌹நான்காவது. குழந்தை இயேசுவை ஆலயத்தில் காணிக்கையாகக் கொடுத்ததைத் தியானித்து,* இன்றைய நற்செய்தியில் நாம் கண்ட சிமியோனைப் போல, அன்னாவைப் போல நாமும் தூய ஆவியானவரால் தூண்டப்பெற வேண்டி இந்த நான்காவது 10 மணியை ஒப்புக் கொடுப்போம். *🌿🌹ஐந்தாவது. காணமற் போன குழந்தை இயேசுவைக் கண்டு பிடித்ததைத் தியானித்து,* இறைவனுக்காக தங்கள் வாழ்வை முழுமையாக அர்ப்பணித்து இறைப்பணியில் தங்களை முற்றிலும் ஈடுபடுத்திக் கொண்ட அனைத்து குருக்கள், கன்னியர்கள் மற்றும் அருட்சகோதரர்களின் ஆன்ம, சரீர நலன்களுக்காக இந்த ஐந்தாவது 10 மணியை ஒப்புக் கொடுப்போம். *🙏🏻ஆமென்.🙏🏻* #⛪ வேளாங்கண்ணி சர்ச் #✝பைபிள் வசனங்கள் #✝️இயேசு #✝️இயேசுவே ஜீவன்