२०१० साली मुंबईत एक धक्कादायक घटना घडल्याची चर्चा रंगली होती. गायिका प्राजक्ता शुक्रे आणि पहिल्या ‘Indian Idol’चा विजेता अभिजीत सावंत हे दोघे एका पार्टीहून परतत असताना सांताक्रूझ परिसरात कार रेस करत असल्याची बातमी समोर आली. मिळालेल्या माहितीनुसार, पार्टी संपल्यानंतर दोघांनीही कार वेगात चालवत रेस लावल्याचे सांगितले गेले. याचदरम्यान प्राजक्ताची कारवरील नियंत्रण सुटल्याने ती रस्त्यावरून जाणाऱ्या दोन बाइकस्वारांना धडकली. या अपघातात दोन्ही बाइकस्वार गंभीर जखमी झाले. परिस्थिती हाताबाहेर जात असल्याचे पाहून प्राजक्ता गाडीतून उतरून जखमींची विचारपूस करण्यासाठी पुढे आली. मात्र काही वेळातच घटनास्थळी मोठा जमाव जमला. दरम्यान, प्राजक्ताच्या मदतीला अभिजीत धावून आला. पण जमावाने त्याच्यावरही हल्ला केल्याचे सांगितले गेले. या घटनेनंतर दोघांवरही मद्यपान करून वाहन चालवल्याचा आरोप झाला. मात्र हा आरोप फेटाळत त्यांनी अंधेरी येथे घेतलेल्या पत्रकार परिषदेत आपली बाजू स्पष्ट केली. या संपूर्ण प्रकरणात लोकप्रिय गायक सोनू निगम यांनी दोघांना पाठिंबा दिला. त्यांच्या हस्तक्षेपामुळे या प्रकरणातून बाहेर पडण्यास मदत झाल्याची चर्चा होती. मात्र या घटनेनंतर प्राजक्ता शुक्रेच्या करिअरला मोठा फटका बसल्याचे दिसून आले. तिला मिळणाऱ्या ऑफर्स कमी होत गेल्या आणि ती हळूहळू प्रकाशझोतातून दूर गेली. अभिजीत सावंतच्या कारकिर्दीलाही याचा परिणाम झाल्याची चर्चा झाली. त्याचबरोबर दोघांची मैत्रीही यानंतर संपुष्टात आल्याचे म्हटले जाते. एका रात्रीतील ही घटना त्यांच्या आयुष्यातील मोठा टर्निंग पॉइंट ठरल्याचे मानले जाते.#marathimanoranjan #prajaktashukre #anhijeetsawant #🎞सिने स्टार्स