✒️𝐖𝐚𝐲 𝐓𝐨 𝐉𝐚𝐧𝐧𝐚𝐡 ఈ రోజు ఒక్క హదీస్ 💐 *అనంత కరుణామయుడు అపార కృపా శీలుడు అయిన అల్లాహ్ పేరుతో ప్రారంభం* 🪴దైవప్రవక్త (సల్లల్లాహు అలైహి వ సల్లం) చెబుతుండగా తాను విన్నానని హజ్రత్ అబూ హురైరా (రజి) తెలిపారు: 🌴 *దైవసాక్షి! నేను రోజుకు డెభ్భైకన్నా ఎక్కువసార్లు మన్నింపు కోసం వేడు కుంటూ, పాపాలపై పశ్చాత్తాపపడుతూ ఉంటాను.”* 📚 (బుఖారీ) (సహీహ్ బుఖారీలోని ప్రార్థనల ప్రకరణం.) 🍁వివరణ : 1. ఈ హదీసులో నిత్యం పాపాలపై పశ్చాత్తాపం చెందుతూ మన్నింపు కోసం వేడుకుంటూ ఉండాలని పురికొల్పడం జరిగింది. దైవప్రవక్త (సల్లం) అత్యంత పునీతులు. అల్లాహ్ ఆయన వెనుకటి పాపాలను, జరగబోయే పాపాలను అన్నింటినీ మన్నించాడు. అసలు ఆయన చేత దొర్లిన పొరపాట్లను పాపాలు అనడం కూడా సబబు కాదు. అయితే సాధారణ వ్యక్తులకు సమ్మతమైనవిగా భావించబడే కొన్ని పనులు మహనీయులకు శోభాయమానం కావు. ఆయన గారు తీసుకున్న కొన్ని నిర్ణయాలలో మానవ సహజమైన దౌర్బల్యం వల్ల ఏదో ఒక దశలో స్వల్పమయిన పొరపాట్లు జరగవచ్చు. అలాంటి దైవప్రవక్తే రోజుకు డెభ్భైకన్నా ఎక్కువసార్లు పాపాల మన్నింపు కోసం వేడుకుంటుండగా పీకలదాకా పాపాల్లో మునిగివున్న మనం ఎలా ఉపేక్షించబడతాం! 2. నిరంతరం వీలైనంత ఎక్కువగా పాపాలపై పశ్చాత్తాపపడుతూ ఉండాలి. దీనివల్ల మనకు తెలియకుండానే మనవల్ల దొర్లిపోయే తప్పిదాలు మన్నించబడతాయి. రాబోయే హదీసులో కూడా పశ్చాత్తాప భావన గురించే నొక్కి వక్కాణించబడింది. 🛑 *ఇలాంటి మరెన్నో ఇస్లామీయ సందేశాల కొరకు మా what'sapp ఛానల్ ను ఫాలో అవ్వండి* https://whatsapp.com/channel/0029Va5GiDoDTkK7P7cVBx3y #అల్లాహ్ #అల్లాహ్ సందేసం #మాషా అల్లాహ్ #🕌అల్లాహ్ నాథ్ 🕋... #దైవభక్తి. అల్లాహ్ ఒక్కడే. ప్రపంచ సృష్టికర్త అల్లాహ్.