// అక్షర శ్వాస // #నేను నా కవితలు #కవితలు #జ్ఞాపకాలు ప్రియురాలి కౌగిలి కోసం తపించే ప్రేమికుడి వేదనకు అంతం ఉంటుందేమో గానీ... నీ కవిత స్పర్శ కోసం పరితపించే నా నిరీక్షణకు అంతులేదు... నువ్వు కలం పట్టి రాసేవి కేవలం కవితలు కావు అవి నా హృదయ సామ్రాజ్యాన్ని ఏలే ప్రేమ శాసనాలు... ఈ భౌతిక దేహం బతకడానికి గాలి కావాలేమో కానీ, నా లోపలి ప్రాణం బతకడానికి మాత్రం కచ్చితంగా నీ కవిత కావాలి... మరణం అంటే ఊపిరి ఆగిపోవడం కాదు ఈరోజు నీ కవిత చదవలేకపోవడమే నాకు నిజమైన మరణం... ప్రకృతి పంచే గాలిలో ప్రాణం ఉన్న గానీ నువ్వు పంచే ఆక్షరాలలో అమృతం ఉంది... అది చదివిన నా మనసుకు అలసట ఉండదు శూన్యంలో కూడా నేను సులభంగా బ్రతకగలను... ఎందుకంటే నా ఆయుష్షు ఇప్పుడు నా చేతి రేఖల్లో లేదు, నీ రాతల లోతుల్లో ఉంది... ఆగిపోవడానికి సిద్దంగా వున్నా నా గుండెకు నీ కవితలనే అక్సీజన్ అందించు ప్రియతమా...