*అలసిన వానిని ఊరడించు మాటలు* 🍞🍞🍞🍞🍞🍞🍞🍞🍞 *సహోదరుడు భక్త సింగ్ గారి పరిచర్య నుండి సేకరించిన అనుదిన ధ్యానములు* 🍇🍇🍇🍇🍇🍇🍇🍇🍇 *🌷🌷ఫిబ్రవరి 25🌷🌷* *" ఆ యింటి.. పునాది బండమీద వేయబడెను గనుక అది పడలేదు" (మత్తయి 7:25)* *నెహెమ్యా పడద్రోయబడిన ప్రాకారమును కట్ట నారంభించుటకు మునుపు అతడు అవి ఎట్లు పడద్రోయబడెనో , గుమ్మములు ఎట్లు కాల్చబడెనో చూచుటకు తానే దాని చుట్టూ తిరిగెను. మనము దేవుని మందిరమును తిరిగి కట్టుటకు మునుపు మొదట గొడ్డు బారిన స్థితికి కారణమును కనుగొనవలెను.* ఈ దినములలో అనేక స్థలములలో విశ్వాసులు, క్రైస్తవ నాయకులు వారి గొడ్డుబారిన పరిస్థితికి కారణమేమో తెలిసికొనుటకు సరియైన పట్టింపులేకుండా దేవుని ప్రజల మధ్య ఉజ్జీవము, మేలుకొలుపు కొరకు ప్రార్ధించుదురు. కేవలము ప్రార్థనలలో "మేము పాపము చేసితిమి" అని అలవాటుగా వాడు పదములను కొన్ని వాడుదురు. కానీ ఆయన ప్రజల మధ్య దేవుడు పని చేయుచుండుటను చూడలేము. వారు ప్రార్ధించి, దానిని గురించినదంతయు మరిచిపోవుట ద్వారా తాము కార్యమును సాధించితిమని తలంచుదురు. విశ్వాసులు కూడా దానిని గురించి ఎక్కువగా ప్రార్ధన చేయకుండా దానిని గురించి ఏమియు చేయకుండా ఉజ్జీవమును నిరీక్షించ కూడదు. ఒక రోగి తన బాధల గురించి వైద్యునికి వివరముగా చెబితేనే తప్ప, వైద్యుడు అతనిని పరీక్షించలేడు, లేదా అతని రోగమును తెలిసికొని, అతనికి సరియైన చికిత్సనివ్వలేడు. ఇశ్రాయేలు ప్రజల పాపములను బట్టియే యెరూషలేము ప్రాకారములు స్థితి ఆ రీతిగా ఉండెను. వారు ధైర్యముగా ఎదుర్కొనలేకపోవు చుండిరి . దేవుడు తన ప్రేమను బట్టి అనేక సంవత్సరములుగా తన ప్రవక్తల ద్వారా వారిని హెచ్చరించుచుండెను గాని వారు పదేపదే చేయు హెచ్చరికలను పట్టించుకొనకుండా, ఎడతెగక దేవునికి అవిధేయత చూపిరి. వారికి చాలినన్ని అవకాశములు ఇచ్చిన పిమ్మటనే వారి పట్టణమును నాశనము చేయుటకు, ప్రాకారములు పడద్రోయుటకు, గుమ్మములను కాల్చుటకు దేవుడు బబులోను రాజైన నెబుకద్నెజరును పంపెను. ఈ దినములలో కూడా అదే పరిస్థితులను చూచుచున్నాము... *దేవుని వాక్యమునకు విధేయత చూపించుటకు బదులు వారు మానవ కల్పితమైన ఆచారములు, అలవాట్లు, సంప్రదాయములు, పద్ధతులను అనుసరించుచున్నందున విశ్వాసుల మధ్య గొడ్డుబారినతనమును కనుగొనుచున్నాము. వారు తమ కష్టములకు ఇదే మూలమని తెలిసికొనుటలో తప్పిపోవుచున్నారు.* ఒక మనుష్యుడు ఒక బలమైన కట్టడమును కట్టవలెనని కోరినప్పుడు మొట్టమొదటిగా అతడు బలమైన పునాది వేయవలెను. ఆత్మీయముగా కూడా మన ఇంటిని బండమీద కట్టినయెడల గాలి, తుఫాను, వరదలకు అది పడిపోదని ప్రభువు చెప్పెను. ప్రభువైన యేసుక్రీస్తే మన బండ. మనము బండయైన ఆయన మీద కట్టబడవలెను. అనగా కట్టడము కొరకు మన పద్ధతి - ఆయన బోధలు, ఆయన ఉపదేశములు, ఆయన పరలోక చిత్తము, ఆయన పరలోక నమూనా, ఆయన పరలోక జ్ఞానము మరియు పరలోక అధికారము ప్రకారము ఉండవలెను. ఎఫెసీ. 2:20లో "క్రీస్తు యేసే ముఖ్యమైన మూలరాయియై ఉండగా అపొస్తలులును ప్రవక్తలును వేసిన పునాది మీద మీరు కట్టబడియున్నారు" అని చదువుదుము. ఈ రీతిగా *విశ్వాసులముగా బలమైన ఆత్మీయ పునాదిపై ఆత్మీయ ఇంటిని కట్టవలెను. అనేకులు మొదటి నియమమును మరచిపోయి ఇసుకపై, దేవుని నుండి ఏ సహాయములేని సంగతులపై దేవుని ఇంటిని కట్టుటకు ప్రయత్నించుదురు.* అందుచేతనే సమస్తము చిన్నాభిన్నమై, ముక్కలై కూలి పోవుటను చూచుదుము. హెబ్రీ. 12:26లో మానవ కల్పితమైన పద్ధతులు, సంప్రదాయములు ఆయన చలింపజేయబోవుచున్నాడను ఎంతో గంభీరమైన హెచ్చరిక మనకు గలదు. కావున మనము ఏమి చేసినను , అది దేవుని వాక్యమును ఆధారము చేసికొనియుండవలెను మరియు మన పని ఫలవంతముగా ఉండవలెనని కోరుచున్న యెడల వ్యతిరేక శక్తుల యొక్క పరీక్షలముందు అది నిలబడవలెను. Please share 🙏🏼Praise the LORD.🙏🏼 #📝అనుదిన వాక్యము #⛪దేవుని వాక్యము ✝