#🍲 ഭക്ഷണപ്രേമി *🌶️ ഇന്നത്തെ പാചകം 🍳* *നെയ്യട* +------+-------+-------+-------+ ``` നോമ്പുതുറ വിഭവങ്ങളിൽ എന്നും വൈവിധ്യം ആഗ്രഹിക്കുന്നവരാണോ? മലബാറിലെ, പ്രത്യേകിച്ച് കണ്ണൂർക്കാരുടെ ഇഫ്താർ ഒരു പ്രധാന വിഭവമാണ് നെയ്യട. കുറഞ്ഞ ചേരുവകൾ കൊണ്ട് വളരെ വേഗത്തിൽ തയ്യാറാക്കാൻ സാധിക്കുന്ന ഈ മധുരപലഹാരം കുട്ടികൾക്കും മുതിർന്നവർക്കും ഒരുപോലെ പ്രിയപ്പെട്ടതാണ്. സാധാരണയായി അടകൾ തയ്യാറാക്കാൻ അരിപ്പൊടിയാണ് ഉപയോഗിക്കാറുള്ളതെങ്കിൽ, നെയ്യട മൈദയും പാലും മുട്ടയും ചേർത്താണ് ഉണ്ടാക്കുന്നത്. ഇതിന്റെ മൃദുവായ ഘടനയും നെയ്യിൽ വറുത്ത അണ്ടിപ്പരിപ്പിന്റെയും മുന്തിരിയുടെയും രുചിയും നോമ്പുതുറ സമയത്ത് വലിയൊരു ആശ്വാസമാണ്. വെറും 15 മിനിറ്റിൽ തയ്യാറാക്കാം എന്നതാണ് ഇതിന്റെ ഏറ്റവും വലിയ പ്രത്യേകത.``` ______________________ *ചേരുവകൾ* ______________________ _മാവ് തയ്യാറാക്കാൻ_ _മൈദ- 3/4 കപ്പ്_ _പഞ്ചസാര- 1 ടേബിൾ സ്പൂൺ_ _ഉപ്പ്- 1/4 ടീസ്പൂൺ_ _ഏലക്കപ്പൊടി- 1/2 ടീസ്പൂൺ_ _പാൽ അല്ലെങ്കിൽ വെള്ളം- 1.5 കപ്പ്_ *മുട്ടക്കൂട്ടിന്* _മുട്ട- 3 എണ്ണം_ _ഏലക്കപ്പൊടി- 3/4 ടീസ്പൂൺ_ _പഞ്ചസാര- 1/2 കപ്പ്_ _അണ്ടിപ്പരിപ്പ് - 1 ടീസ്പൂൺ_ _ഉണക്കമുന്തിരി - 1 ടീസ്പൂൺ_ _നെയ്യ്- ആവശ്യത്തിന്_ ______________________ തയ്യാറാക്കുന്ന വിധം ______________________ ```ആദ്യമായി ഒരു പാത്രത്തിൽ മൈദ, പഞ്ചസാര, ഉപ്പ്, ഏലക്കപ്പൊടി എന്നിവ ചേർക്കാം. ഇതിലേക്ക് പാലോ അല്ലെങ്കിൽ വെള്ളമോ ഒഴിച്ച് കട്ടകളില്ലാതെ നന്നായി ഇളക്കി ദോശമാവിനെക്കാൾ അല്പം കൂടി അയഞ്ഞ പരുവത്തിൽ കലക്കി വെക്കാം. മറ്റൊരു പാത്രത്തിൽ മുട്ടകൾ പൊട്ടിച്ചൊഴിച്ച് അതിലേക്ക് പഞ്ചസാരയും ഏലക്കപ്പൊടിയും ചേർത്ത് നന്നായി അടിച്ചെടുക്കാം. ഒരു പാനിൽ അല്പം നെയ്യ് ചൂടാക്കി അണ്ടിപ്പരിപ്പും മുന്തിരിയും വറുത്തെടുക്കുക. ശേഷം ഇതേ പാനിലേക്ക് അടിച്ചുവെച്ച മുട്ട മിശ്രിതം ഒഴിച്ച് ചെറിയ തരികളായി ചിക്കി എടുത്തു വെക്കാം. ഇനി അട തയ്യാറാക്കാൻ ഒരു സ്റ്റീമർ അല്ലെങ്കിൽ ഇഡ്ഡലി പാത്രം അടുപ്പത്ത് വെക്കുക. ഒരു പ്ലേറ്റിലോ സ്റ്റീൽ പാത്രത്തിലോ അല്പം നെയ്യ് തടവിയ ശേഷം കലക്കി വെച്ച മാവിൽ നിന്ന് ഒരു തവി ഒഴിച്ച് പരത്താം. ഇത് 2 മിനിറ്റ് ആവിയിൽ വേവിക്കുക. വെന്തു വരുമ്പോൾ അതിനു മുകളിലായി തയ്യാറാക്കി വെച്ച മുട്ടക്കൂട്ട് വിതറുക. ശേഷം വീണ്ടും മാവ് ഒഴിച്ച് ഇതേപോലെ ആവർത്തിക്കാം. എല്ലാം കൂടി ഒന്ന് സെറ്റായി വരുമ്പോൾ ചൂടോടെ മുറിച്ച് വിളമ്പാം.``` +------+-------+-------+-------+