ସର୍ବକାଳୀନ ରେକର୍ଡ ଭାଙ୍ଗିଲା ଆଜିର ସୁନା ଦର । ଆକାଶଛୁଆଁ ସୁନା ଦର । ଦେଢ଼ଲକ୍ଷ ଟପିଲା ୨୪ କ୍ୟାରେଟ୍ ସୁନା । ଗୋଟିଏ ଦିନରେ ୧୦୧୦ଟଙ୍କା ବଢ଼ିଲା ସୁନା । ଗତକାଲି ସୁନା ଦର ୧,୫୦, ୫୬୫ ଥିବା ବେଳେ ଆଜି ୨୪ କ୍ୟାରେଟ ସୁନା ଦର ୧,୫୧,୫୭୫ ଟଙ୍କାରେ ପହଞ୍ଚିଛି । ସେହିପରି ୨୨ କ୍ୟାରେଟ୍ ଦାମ୍ ୧ ଲକ୍ଷ ୪୧ ହଜାର ୯ ଶହ ଟଙ୍କା ଛୁଇଁଥିବା ବେଳେ ୧୮ କ୍ୟାରେଟ୍ ଦାମ୍ ୧ ଲକ୍ଷ ୧୬ ହଜାର ୧୧୦ ଟଙ୍କା ରହିଛି ।ଫ୍ୟୁଚର୍ ବଜାରରେ ସୁନାର ଦାମ ପ୍ରାୟ ୩ ପ୍ରତିଶତ ବୃଦ୍ଧି ଦର୍ଶାଇଛି। ରୂପା ମଧ୍ୟ ୧୬୦୦ ଟଙ୍କା ମହଙ୍ଗା ହୋଇଛି। ସ୍ପଟ୍ ମାର୍କେଟରେ ମଧ୍ୟ ଦୁନା-ରୂପା ଦରରେ ଚମକ ଦେଖିବାକୁ ମିଳିଛି। ୨୪ କ୍ୟାରେଟ୍ ସୁନା ୧୦ ଗ୍ରାମ ପ୍ରତି ୪୫୫୦ ଟଙ୍କା ବୃଦ୍ଧି ସହିତ ୧,୫୫,୭୮୦ ଟଙ୍କାକୁ ପହଞ୍ଚିଛି। ସେହିପରି ରୂପାର ଦାମ ୧୯୯୦ ଟଙ୍କା ବଢ଼ି ୩,୨୫,୯୧୦ ଟଙ୍କା ପ୍ରତି କିଲୋ ହୋଇଛି।ଦିଲ୍ଲୀ ଓ ମୁମ୍ବାଇରେ ମଧ୍ୟ ସୁନା-ରୂପାର ଦରରେ ରେକର୍ଡ ଭାଙ୍ଗିଛି । ବୁଲିଅନ୍‌ ଡାଟା ଅନୁଯାୟୀ, ଦିଲ୍ଲୀରେ ୧୦ ଗ୍ରାମ ସୁନା ପ୍ରାୟ ୪.୨୮ ପ୍ରତିଶତ ବୃଦ୍ଧି ପାଇବା ସହିତ ୧,୫୭,୧୩୦ ଟଙ୍କାକୁ ଛୁଇଁଛି। ରୂପା ମଧ୍ୟ ପ୍ରାୟ ୨ ପ୍ରତିଶତ ବଢ଼ି ୩,୨୯,୦୨୦ ଟଙ୍କା ପ୍ରତି କିଲୋ ହୋଇଛି। ମୁମ୍ବାଇରେ ୨୪ କ୍ୟାରେଟ୍ ସୁନା ୧,୫୭,୪୦୦ ଟଙ୍କା ଓ ରୂପା ୩,୨୯,୫୮୦ ଟଙ୍କା ପ୍ରତି କିଲୋ ଦରରେ ଟ୍ରେଣ୍ଡିଙ୍ଗ କରୁଛି। #💹ଦେଢ଼ଲକ୍ଷ ଟପିଲା ସୁନା ମୂଲ୍ୟ💰