*అలసిన వానిని ఊరడించు మాటలు* 🍞🍞🍞🍞🍞🍞🍞🍞🍞 *సహోదరుడు భక్త సింగ్ గారి పరిచర్య నుండి సేకరించిన అనుదిన ధ్యానములు* 🍇🍇🍇🍇🍇🍇🍇🍇🍇 *🌷🌷మార్చి 2🌷🌷* *" విశ్వసించుచున్న మీకు, ఆయన అమూల్యమైన వాడు"* *( 1 పేతురు 2:7)* రొట్టె విరుచుట అను సాక్ష్యము, మత సంబంధమైన కార్యక్రమము కాదు. అది ఒక సాక్ష్యము. ఆయన కృతజ్ఞతాస్తుతులు చెల్లించి రొట్టె విరిచెను. ఆయన తన మరణమును గూర్చి మనలను సానుభూతి కనబరచుమని చెప్పలేదు గాని స్తుతి చెల్లించుమని చెప్పెను. ఎందువలననగా ఒక్క పరిపూర్ణమైన అర్పణచేత రక్షణ అను గొప్ప కార్యమును సంపూర్ణముగా నెరవేర్చెను ( హెబ్రీ. 10:14) *ఆయన భూమి మీదకు రాకమునుపు అనేక సమయములలో అనేక బలులు అర్పించబడినవి. కానీ ఆ బలుల ద్వారా ఒక పాపి కూడా నీతిమంతుడు కాలేడు, గనుక ఆయన శ్రమ, మరణము విజయమేగాని ఓటమి కాదు. మనకు బదులుగా మరణించుట ద్వారా ఆయన మన తీర్పు నంతటిని, శిక్షావిధినంతటిని తనపై వేసికొనెను. ఎటువంటి పాపియైనను, ఏ దేశమునకు చెందినవాడైనను, ఏ స్థాయిలో నున్నవాడైనను అతడు నీతిమంతుడుగా తీర్చబడగలడు.* అందుచేతనే ప్రభువు బల్లలో మనము పాలిభాగము పొందక మునుపు, కొంత సమయము ఆయనను ఆరాధించుటలో, స్తుతించుటలో గడుపుదుము. ప్రభువు యోహాను 10: 17,18 లలో ఈ విధముగా చెప్పుచున్నాడు, " నేను దాని మరల తీసికొనునట్లుగా ప్రాణము పెట్టుచున్నాను. ఎవడును నా ప్రాణము తీసికొనడు, నా అంతటా నేనే దాని పెట్టుచున్నాను దాని పెట్టుటకు నాకు అధికారము కలదు. దాని తిరిగి తీసికొనుటకును నాకు అధికారముగలదు". పౌలు గలతీ 2:20 లో ఇట్లు చెప్పుచున్నాడు, " నేనిప్పుడు శరీరమందు జీవించుచున్న జీవితము నన్ను ప్రేమించి నా కొరకు తన్ను తాను అప్పగించుకొనిన దేవుని కుమారుని యందలి విశ్వాసమువలన జీవించుచున్నాను". ఆయన మనకు బదులుగా మరణించి మన పక్షముగా మరణమును జయించి, తిరిగి లేచుటను బట్టి, ఆయన సిలువలో సాధించిన విజయములో మనము పాలి భాగస్థులమగుచున్నాము. విశ్వాసులముగా మనము ఆయనకెంత ప్రశస్తమైనవారమో చూడగలము. మనకు బదులుగా మరణించి, మనలను రక్షించుటలో ఎంత ఉన్నతమైన ఉద్దేశమును ఆయన కలిగియున్నాడో కూడా మనము చూడగలము. మనము బల్లను మధ్యలో ఉంచుట ద్వారా దేవుడు మనతో సాదృశ్యరూపముముగా మాటలాడుచున్నాడు. మనతో మాటలాడుచున్న దేవుని స్వరమును మనము వినగలము. మొదట ఆయన మనతో మాట్లాడును. తరువాత మనమాయనతో మాట్లాడుదుము. ప్రభువు " నా ప్రియమైన పిల్లలారా, ఎంత ఇష్టపూర్వకంగా ప్రేమతో నా శరీరమును విరువబడుటకు నేనిచ్చితినో జ్ఞాపకము చేసికొనుడి. మీ రక్షకునిగా నుండుటకు నా సమస్తము ఇచ్చివేసితిని" అని చెప్పుచున్నాడు. *మన సృష్టికర్తగా నుండుటకు, ఆయన ఒక్క మాట మాత్రమే పలికెను. ఒక్క మాటతో ఆయన సమస్తమును సృష్టించెను. కానీ మన రక్షకుడగుటకు ఆయన సమస్తమును ఇచ్చి వేయవలసి వచ్చెను*. ఆయన తనను తాను రిక్తునిగా (ఏమి లేని వానిగా) చేసికొనెను. " మీరు మన ప్రభువైన యేసు క్రీస్తు కృపను ఎరుగుదురు గదా? ఆయన ధనవంతుడై యుండియు మీరు తన దారిద్ర్యము వలన ధనవంతులు కావలెనని, మీ నిమిత్తము దరిద్రుడాయెను" (2 కొరింతి . 8:9) ఈ విధముగా ప్రభువు మనతో సాదృశ్య రూపము గా రొట్టెను గూర్చియు, పాత్రను గూర్చియు మాట్లాడుచున్నాడు. మన రక్షకుడగుటకు ఆయన తనను తాను రిక్తునిగా చేసికొనెను. ఇష్టపూర్వకంగా ఆయన సమస్తము నిచ్చెను. అందుచేతనే మనమాయనకు మిక్కిలి ప్రశస్తమైన వారము. తన రక్తముచేత విమోచింపబడిన వారందరితో ప్రభువీలాగున చెప్పుచున్నాడు. " నా ప్రియమైన పిల్లలారా, ఆకాశములన్నిటికంటె మీరు నాకు మిక్కిలి ప్రశస్తమైన వారు. మిమ్ములను కొనుటకు నా సమస్తము నిచ్చివేసితిని. ఇపుడు మీరు నా సొత్తయిన ప్రజలు అయియున్నారు. " యెహోవా తన కొరకు యాకోబును ఏర్పరచుకొనెను. తన స్వకీయధనముగా ఇశ్రాయేలును ఏర్పరచుకొనెను" (కీర్తనలు 135:4), మత్తయి 13:44 లో మనము పొలములో దాచబడిన ధనముగా పిలువబడుచున్నాము. మత్తయి 13:46 లో మనమాయనకు మంచి ముత్యమువలె నున్నాము. ద్వితీయో. 32:9 లో మనము "ఆయన స్వాస్థ్యభాగము" గా పిలువబడుచున్నాము. ఆయనకు మనము మిక్కిలి ప్రశస్తమైన వారము. ఆకాశములన్నియు, ఒక చోట చేర్చినను వాటికంటే మనము ప్రశస్తమైన వారము. ఆకాశములు గతించిపోయినను ఆయన ప్రశస్త రక్తము చేత విమోచించబడినవారికి నిరంతరము జీవించుదుమను నిరీక్షణ గలదు. అందుచేతనే మనము మన తలలు వంచి ఆయనను ఆరాధించుదుము. Please share 🙏🏼Praise the LORD.🙏🏼 #📝అనుదిన వాక్యము #⛪దేవుని వాక్యము ✝