#👩‍🍳 പാചകലോകം +------+------+-------+------+ _*🌶️ ഇന്നത്തെ പാചകം 🍳*_ _*ചിക്കന്‍ ഡ്രൈഫ്രൈ*_ +-------+-------+------+------+ ```ചിക്കന്‍ വിഭവങ്ങളില്‍ കേരള വിഭവങ്ങളെ വെല്ലാന്‍ മറ്റൊന്നിനും കഴിയില്ലെന്നതാണ് സത്യം. വ്യത്യസ്ത രീതിയിലുള്ള ചിക്കന്‍ വിഭവങ്ങള്‍ പരീക്ഷിക്കുന്നതിനും നമ്മള്‍ മലയാളികള്‍ മുന്‍പിലാണ്. ഇത്തവണ കേരള സ്റ്റൈല്‍ ചിക്കന്‍ ഡ്രൈഫ്രൈ പരീക്ഷിക്കാം. കുട്ടികള്‍ക്കും മുതിര്‍ന്നവര്‍ക്കും ഒരു പോലെ ഇഷ്ടപ്പെടുമെന്നതും തയ്യാറാക്കാന്‍ എളുപ്പമാണെന്നതും ഈ വിഭവത്തെ നമ്മുടെ പ്രിയപ്പെട്ടതാക്കി മാറ്റുന്നു. കേരള സ്റ്റൈല്‍ ചിക്കന്‍ ഡ്രൈഫ്രൈ എങ്ങനെ തയ്യാറാക്കാമെന്നു നോക്കാം.``` ________________________ _*ആവശ്യമുള്ള സാധനങ്ങള്‍*_ _______________________ _ചിക്കന്‍- അരക്കിലോ_ _മുളക് പൊടി- 2 ടീസ്പൂണ്‍_ _മഞ്ഞള്‍ പൊടി- അര ടീസ്പൂണ്‍_ _ഉപ്പ്- പാകത്തിന്_ _ഇഞ്ചി, വെളുത്തുള്ള, പച്ചമുളക് പേസ്റ്റാക്കിയത്- 2 ടേബിള്‍ സ്പൂണ്‍_ _ചെറുനാരങ്ങ- ഒന്ന്_ _കൊണ്‍ഫ്ലവർ - 50ഗ്രാം_ _കറിവേപ്പില- 5 തണ്ട്_ _വെളിച്ചെണ്ണ- വറുക്കാനാവശ്യമായത്_ _______________________ _*തയ്യാറാക്കുന്ന വിധം*_ ________________________ _ചിക്കന്‍ വൃത്തിയായി കഴുകി ഇടത്തരം കഷ്ണങ്ങളാക്കി മുറിക്കുക._ _മുളക് പൊടി, മഞ്ഞള്‍പൊടി, ഉപ്പ് എന്നി ചേര്‍ത്ത് 15 മിനിട്ട് വെയ്ക്കുക._ _തയ്യാറാക്കി വെച്ചിരിയ്ക്കുന്ന ഇഞ്ചി, വെളുത്തുള്ളി, പച്ചമുളക് പേസ്റ്റ് നാരങ്ങാ നീരുമായി ചേര്‍ത്ത് ചിക്കനില്‍ പുരട്ടി വെയ്ക്കുക._ _അതിനു ശേഷം കോണ്‍ഫ്ലവർ ചേര്‍ത്ത് നല്ല പോലെ കുഴയ്ക്കുക._ _ശേഷം ചീനച്ചട്ടിയില്‍ എണ്ണ ചൂടാക്കി ചിക്കന്‍ പൊരിച്ചെടുക്കാം. തവിട്ടു നിറമാകുമ്പോള്‍ എണ്ണയില്‍ നിന്നും വറുത്തു കോരണം._ _കറിവേപ്പില ചൂടോടെ തന്നെ ചിക്കനു മുകളില്‍ തൂവാം. അല്ലെങ്കില്‍ തണ്ടോടു കൂടി തന്നെ കറിവേപ്പില വെളിച്ചെണ്ണയില്‍ ഇട്ട് ചിക്കനോടൊപ്പം വറുതെതടുക്കുന്നത് രുചി വര്‍ദ്ധിപ്പിക്കും._ +------+------+-------+-------+