9️⃣
*_శ్రీ మహావిష్ణు పురాణం_*
*_తొమ్మిదవ భాగం_*
*_బ్రహ్మదేవుడు సరస్వతిల వివాహం:_*
*జ్ఞాన తేజస్సుతో ప్రకాశిస్తున్న బ్రహ్మను చూసి శ్రీమహావిష్ణువు "కుమారా!వేదజ్ఞానము, పరబ్రహ్మ జ్ఞానము పొందిన నీవు భూత భవిష్యత్తు వర్తమానాలుతెలిసిన త్రికాల జ్ఞాని వయ్యావు. నిన్ను సృష్టికర్తను చేస్తున్నాను*.
*పరబ్రహ్మమైన నేను బ్రహ్మాండమును రెండు భాగాలు చేసి సప్త (ఏడు) ఊర్థ్వలోకాలు, సప్త ఏడు) అధోలోకాలు ఏర్పాటు చేసాను. మధుకైటభుల మేధతో మేధిని (భూమి) రెండింటి మధ్యన ఏర్పడింది. ఈ మేధిని భూమిగా మారి సృష్టి చేయడానికి అనుకూల ప్రదేశంగా మారుతుంది. నీవు ఊర్థలోకాలలో ఏడు దేవతా భువనాలు, భూలోకంతో పాటు అధో లోకాలలో అతల, వితల, సుతల, తలాతల, మహాతల, రసాతల పాతాళ అనే ఏడు భువనాలు సృష్టి చేయడానికి సంకల్పించుము*.
*నా అంశామూర్తిగా విశ్వకర్మ అవతరించి ఈ పద్నాలుగు లోకాల నిర్మాణంలో నీకు సహకరిస్తాడు. మేథిని అయిన భూదేవిని నా దేవేరి అయిన లక్ష్మీదేవికి అంశామూర్తిగా భావించుము. భూమిపై నారాయణ భక్తులైన నరులను సృష్టించుము. ఈ కల్పంలో పద్నాలుగు భువనాల సృష్టికర్త నీవేనని గ్రహించుము" అని ఉపదేశం చేశాడు*.
*బ్రహ్మ విష్ణువుకి నమస్కరించి "తండ్రీ! నీ ఆదేశము అనుసరించి పద్నాలుగు లోకాలు సృష్టిస్తాను. నీకు ఇష్టమైన భూలోకంలో శ్రేష్ఠులైన నరులను కూడా సృష్టిస్తాను. కానీ ఈ లోకాలన్ని వెలుగు లేకుండా చీకటిలో ఉన్నాయి. అంధకారమైన లోకాలలో లోక జీవులను సృష్టించినంత మాత్రాన ప్రయోజనం ఏమి ఉంటుంది. మేధిని అయిన భూమి ఇంకా తడిగానే ఉంది. తడి ఆరి గట్టిపడేది ఎప్పడు? భూమి పై ప్రాణుల జీవనం ప్రారంభ మయ్యేది ఎప్పుడు?" అని అడిగాడు*.
*విష్ణువు "బ్రహ్మదేవా! నీవన్నది సమంజసమే! లోకాలలో చీకటితో పాటు ప్రకాశం ఉండే టట్టు రాత్రి పగళ్ళను ఏర్పాటు చేస్తాను. చూడుము" అని మనస్సులో సంకల్పించాడు. తక్షణమే శ్రీమహావిష్ణువు దక్షిణ (కుడి) నేత్రం నుండి కోటి కిరణాలతో వెలుగులు చిమ్మే సూర్యుడు ఆవిర్భవించాడు*.
*సూర్యకిరణాల తీక్షణతకు అనగా వేడికి మేధిని తడి ఆరి భూమి గట్టి పడింది. భూమి చుట్టూ నిలిచిన నీరు కొంచం కొంచెం ఇంకిపోయి సప్త సముద్రాలుగా మారి భూమి చుట్టూ ఏర్పడినాయి. మేధిని సప్త సముద్రాల మధ్య ఉండే ఏడు ద్వీపాలుగా మారి భూదేవి సప్త సముద్ర వేలాయుత సప్త ద్వీప వసుంధర అయ్యింది*.
*కోటి కిరణాల సూర్య వేడిమిని బ్రహ్మతో లోకాలన్ని భరించలేక పోయాయి. బ్రహ్మ నారాయణునితో "శ్రీహరీ! సూర్య కిరణాల వేడిని నేనే భరించలేకపోతూ ఉన్నాను. లోకాలలో ఏర్పడే నా సృష్టి ఎలా భరించగలుగుతుంది. సృష్టికి అవసరమైనంత ప్రకాశము, వేడి ఇచ్చేలా సూర్య కిరణాల సంఖ్య పరిమితము చేయండి. మిగిలిన తేజో కిరణాలను ఉపసంహరించండి" అని ప్రార్ధించాడు*.
*విష్ణువు సరేనని కోటి సువర్ణ సూర్య కిరణాలలో సృష్టికి కావలసిన పన్నెండు కిరణాలు ఉంచి మిగిలిన కిరణాలను తన దక్షిణనేత్రములోనిలుపుకున్నాడు.* *"బ్రహ్మదేవా! పన్నెండు కిరణాలతో ఉన్న సూర్యుడు "ద్వాదశాదిత్యుడు" అవుతాడు. సువర్ణ కిరణాలు వెదజల్లుతాడు కాబట్టి సూర్యుడు అనిపిలవబడ తాడు. నా అంశతో జన్మించాడు కాబట్టి "సూర్య నారాయణుడు" అని కీర్తించబడతాడు.*
*లోకాలకు ప్రత్యక్షంగా కనిపిస్తూ లోకాల ప్రజలకు ఆహారం, ఆరోగ్యం ప్రసాదిస్తాడు కనుక "ప్రత్యక్ష నారాయణడు" అవుతాడు. పగటి పూటకు అధిదేవతయై వెలుతురు, జీవశక్తి ప్రసాదిస్తాడు. వెలుగు వేడిమిని ఇచ్చే సూర్యుని పగటి పూటకు ఇచ్చాను కనుక రాత్రికి వెన్నెల, చల్లదనం ఇచ్చే చంద్రుని ఇస్తాను" అని సంకల్పం చేశాడు*.
*నారాయణుని వామ నేత్రం నుంచి చల్లటి వెన్నెల కురిపిస్తూ చంద్రుడు ఉదయించి ఆకాశంలో నిలిచాడు. బ్రహ్మకు చూపిస్తూ "నాయనా! చంద్రుడు ఇతడు. సూర్యుడి వలన పగలు ఏర్పడితుంది. సూర్యాస్తమయం తరువాత ఏర్పడే చీకటిని తక్కువ చేస్తూ చంద్రకాంతి కిరణాలతో చంద్రుడు ఉదయించి లోకాలికి ఆహ్లాదం కలిగించే చల్లదనం, వెన్నెల ఇస్తాడు.*
*ఈ సూర్య చంద్రుల గమనం ఆధారంగా "కాలమానం" ఏర్పాటు చేయుము. కాలచక్రం గమనం నిర్దేశించుము.నక్షత్రాలు, గ్రహాలు ఆధారంగా సౌరమాన చాంద్రమానాలు, గణిత సంఖ్య జ్యోతిష్య శాస్త్రాలను ఏర్పాటు చేయుము. పద్నాలుగులోకాలలో సృష్టించిన జీవులను వృద్ధి చేయడం సృష్టికర్తగా నీ కర్తవ్యం" అని దశ దిశలను నిర్దేశించాడు.*
*తత్తరపడి కలవరం చెందిన బ్రహ్మదేవుడు విష్ణువుకి నమస్కరించి "తండ్రీ! సృష్టించడమే కష్టతరమైతే గణిత జ్యోతిష్యాది శాస్త్రాలు ఏర్పరచడం నా శక్తికి మించిన పని అవుతుంది. కనుక తగిన శక్తి సామర్థ్యాలు ప్రసాదించుము" అని కోరాడు. విష్ణువు నవ్వి "బ్రహ్మా! నాకు తెలుసును. అందుకే నీకు శక్తి సామర్థ్యాలు ఇచ్చి తోడుగా ఉండటానికి సకలవిద్యాధిదేవత అయిన సరస్వతీదేవిని నీకు ధర్మపత్నిని చేస్తున్నాను*.
*నీవు సృష్టికర్తవైతే, సరస్వతీదేవి విద్యలకు అధిదేవతయై నీకు వాణియై సహకరిస్తుంది" అని తన హృదయంలో నివసించే లక్ష్మీదేవి వంక చూశాడు*.
*లక్ష్మీదేవి వచ్చి విష్ణువు పక్కన నిలుచుంది. ఇద్దరు కలిసి బ్రహ్మదేవుడికి, సరస్వతీదేవికి వేదోక్తంగా వివాహం చేశారు. సృష్టి కార్యం అప్పగించి ఆదృశ్యమయ్యారు* #మన సంప్రదాయాలు సమాచారం