*అలసిన వానిని ఊరడించు మాటలు* 🍞🍞🍞🍞🍞🍞🍞🍞🍞 *సహోదరుడు భక్త సింగ్ గారి* *పరిచర్య నుండి సేకరించిన* *అనుదిన ధ్యానములు* 🍇🍇🍇🍇🍇🍇🍇🍇🍇 *🌷🌷ఫిబ్రవరి 5🌷🌷* *"రండి ... మనలను సృజించిన యెహోవా సన్నిధిని మోకరించుదము" ( కీర్తనలు 95:7)* దానియేలు ఉన్నత స్థానమునకు హెచ్చించబడెను. అతని శత్రువులు అతనికి విరోధముగా ఉన్నను దేవుడు అతనిని ఉన్నత పదవికి హెచ్చించెను. శత్రువు కార్యమును బట్టి నిరాశ చెందకుము. ప్రభువు నిన్ను హెచ్చించుటకు అదే పరిస్థితులను వాడును. శత్రువు నిన్ను క్రిందికి పడద్రోయుటకు ప్రయత్నించును. అయితే నీవు ఈ లోక సంబంధమైన దేవతలకు సాగిలపడుటకు నిరాకరించి, దేవుని ఘనపరచిన యెడల ఆయన నిన్ను ఉన్నతముగా హెచ్చించును. ఇప్పుడు దానియేలునకు మాదీయుల, పారశీకుల రాజ్యములో ఉన్నత స్థానము, అనగా వారి రాజ్యములో 120 మంది అధిపతులపైన ప్రధాన అధిపతి స్థానమివ్వబడెను. అతని శత్రువుల యొక్క అసూయ ఇంకను అధికమయ్యెను. *నీవు వివిధ స్థలములలో కష్టపడి పనిచేయుచు, నమ్మకమైన మరియు యదార్ధమైన జీవితమును జీవించుచు, దేవుని దయను అనుభవించుచు, లంచము తీసికొనుటకు లేక రాజ భోజనమును భుజించుటకు నిరాకరించి నప్పుడు నీ జత పనివారు నీకు విరోధముగా ఏకముగా కూడుదురని నిన్ను ముందుగానే నేను హెచ్చరించుచున్నాను.* అనేక దుష్ట పన్నాగములు, దూషణలు మరియు ఇతర విధానములు ద్వారా భక్తి హీనులైన నీ స్వంత బంధువులే నిన్ను హింసించుదురు. వారు నిన్ను క్రిందికి పడద్రోయగల్గిన యెడల ఏదో ఒక రీతిగా తప్పక ఆలాగున చేయుదురు. దానియేలు యొక్క శత్రువులు అతని ఉన్నత స్థానము నుండి అతనిని క్రిందికి పడద్రోయగోరిరి . వారు ఎంతో యుక్తిగా ఒక పన్నాగము పన్నిరి. అయితే దానియేలు దినమునకు ముమ్మారు ప్రార్ధించుచుండెను (దానియేలు 6:10). చెప్పుటకు విచారకరము, *మనలో అనేకులు మోకరించుటకు సిగ్గుపడుదురు. మన హృదయములలో ఈలాగున అనుకొనెదము. "నేను మోకరించిన యెడల అతడు లేక ఆమె ఏమి అనుకొనెదరు? దేవునికి నా హృదయము తెలియును గనుక నేను కూర్చుండి ప్రార్ధించెదను" . కొందరు యవ్వనస్థులు, కొంచెము డబ్బు సంపాదించువారు కూడా మోకరించుటకు సిగ్గుపడుదురు. వారెంత గర్వంగా ఉండెదరు అనగా సర్వశక్తుడైన దేవుని సన్నిధిలో కూర్చుండెదరు.* దానిని నీవు ప్రార్ధన అని పిలిచెదవా? ఓ బుద్ధిహీనమైన , గ్రుడ్డి ప్రజలారా, మీ సృష్టి కర్త, మీ దేవుని ఎదుట మోకరించుటకు నిరాకరించుదురా? నీవు కష్టములొ ఉన్నప్పుడు కనికరము కొరకై ఆయనకు మొఱ్ఱ పెట్టుదువు. నీవు హెచ్చింపు కోరినప్పుడు, ఎవరైనను వ్యాధితో ఉన్నప్పుడు నీవు ప్రార్ధన కోరుదువు. అయితే నీ దేవుడు, నీ రక్షకుని ఎదుట మోకరించుటకు మాత్రము నిరాకరించుదువు. దానియేలు దినమునకు ముమ్మారు ప్రార్ధించుచు వచ్చెను. ఉన్నత అధికారులందరూ అతనిని పట్టుకొనిపోయి గుహలో సింహముల ఎదుట పడద్రోసిరి. అయితే దేవుడు వాటి నోళ్లను మూయుటకు తన దూతను పంపెను. *దానియేలు, ఒక పరలోకపు రాజు వలెను సింహములన్నియు అతని చుట్టూ చేరి, సింహములు సహితము అతని ఎదుట మోకరించినట్లుగా ఉండెను. నీ ఎదుట అపవిత్రాత్మలన్నియు సాగిలపడును. ఇప్పుడు నీవు లోకము ఎదుట సాగిలపడుటకు నిరాకరించిన యెడల ఈ లోకములో మనుష్యులు నిన్ను అపహసించ వచ్చును. అయితే ఒక దినము వచ్చును. అప్పుడు అపవిత్రాత్మలన్నియు నీ ఎదుట సాగిలపడును.* Please share 🙏🏼Praise the LORD.🙏🏼 #📝అనుదిన వాక్యము #⛪దేవుని వాక్యము ✝