#PSSM World ಜಗತ್ತಿನಲ್ಲಿ ನೀವು ಜೀವಂತವಾಗಿರಲು ಕಾರಣವೇನು? ವೈಜ್ಞಾನಿಕವಾಗಿ ಭೂಮಿಯ ಮೇಲೆ ಎಲ್ಲ ಜೀವಿಗಳ ಅಸ್ತಿತ್ವಕ್ಕೆ ಸೂರ್ಯನ ಸ್ಥಾನ ಹಾಗೂ ಭೂಮಿಯ ಚಲನೆ. ಸೂರ್ಯ ಇಲ್ಲದಿದ್ದರೆ ನಮ್ಮ ಬದುಕಿಗೆ ಕಾರಣವಾಗಿರುವ ಯಾವುದೇ ಪೂರಕ ಅಂಶಗಳು ಭೂಮಿಯ ಮೇಲೆ ಇರುತ್ತಿರಲಿಲ್ಲ. ಜೈವಿಕವಾಗಿ ಹೇಳುವುದಾದರೆ, ಪ್ರತಿಯೊಂದು ಜೀವಿಯೂ ಸ್ವಾಭಾವಿಕವಾಗಿ ತನ್ನ ವಂಶವನ್ನು ಮುಂದುವರಿಸುವ ಗುಣ ಹೊಂದಿದೆ. ಅದಕ್ಕೇ ನಾವು ಜೀವಂತ ಆಗಿರುತ್ತೇವೆ. ಸಾಮಾಜಿಕವಾಗಿ ನಾವು ಇಂದು ಬದುಕಿದ್ದೂ ಸತ್ತಿದ್ದೇವೆ. ಒಂದೇ ಕುಟುಂಬದ ಸದಸ್ಯರು ಮೊಬೈಲ್ ಹಿಡಿದು ಕುಳಿತರೆ ಅವರವರನ್ನೇ ಮರೆತುಬಿಡುತ್ತಾರೆ, ಇನ್ನು ಸಮಾಜದಲ್ಲಿ ಬೆರೆಯಲು ಹೇಗೆ ಸಾದ್ಯ? ಇನ್ನು ಈ ಪ್ರಶ್ನೆ ಕೇಳಿದವರು ತಮ್ಮ ನೆರೆಯವರೊಡನೆ ಪರಸ್ಪರ ಪ್ರೀತಿಯಿಂದ ಇದ್ದಾರೆಯೇ? ಖಂಡಿತಾ ಇಲ್ಲ! ಆದ್ದರಿಂದ ಈ ಮೇಲಿನ ವಿಷಯದಲ್ಲಿ ಜೀವಂತವಾಗಿ ಇರುವವರ ಸುಳಿವು ಸಿಗುತ್ತದೆಯೇ? ವಿಚಿತ್ರವಾದರೂ ನಿಜ ಎಂದರೆ, ನಾವು ನಮ್ಮ ಅಕ್ಲಪಕ್ಕದವರಿಗಿಂತ, ಗೊತ್ತಿರುವವರಿಗಿಂತ ಚೆನ್ನಾಗಿ ಬದುಕಬೇಕೆಂದು ಜೀವಂತವಾಗಿದ್ದೇವೆ! ಏನಂತೀರಿ?