ஸ்டாலின், திரையுலக பிரபலங்கள் வாழ்த்து தெரிவித்து ட்வீட் செய்துள்ளனர். ரஜினிக்காக மோடி தமிழில் ட்வீட் செய்ய அதை பலரும் ரீ ட்வீட் செய்துள்ளனர். இந்த நாளில் ரஜினியின் காதல் கதை பற்றி பேசப்படுகிறது. தன்னை பேட்டி எடுக்க வந்த லதா ரங்காச்சாரியை காதலித்து 1981ம் ஆண்டு திருமணம் செய்து கொண்டார் ரஜினிகாந்த் என்பது ஊர் உலகம் அறிந்த தகவல். அதே போன்று ரஜினியின் காதல் குறித்து லதா வீட்டில் பேச உதவி செய்தார் ஒய்.ஜி. மகேந்திரன் என்பதும் ரசிகர்களுக்கு தெரிந்த விஷயம் தான். இந்நிலையில் தான் பல ஆண்டுகளுக்கு முன்பு ரஜினிகாந்த் தெரிவித்த விஷயம் இன்று பலரின் கவனத்தை ஈர்த்திருக்கிறது. பொல்லாதவன் படத்தில் நடித்துக் கொண்டிருந்தபோது மைசூருக்கு சென்ற இடத்தில் அண்ணன் சத்யநாராயண ராவை சந்தித்திருக்கிறார் ரஜினி. அப்பொழுது தனக்கு லதா என்கிற பெண்ணை பிடித்திருப்பதாகவும், அவரை தன் மனைவியாக்கிக் கொள்ள விரும்பவுதாகவும் அண்ணனிடம் கூறியிருக்கிறார். என் மகிழ்ச்சி: அதை கேட்ட ரஜினியின் அண்ணனோ, அந்த பெண் நம் ஜாதி இல்லையே. மராத்தியில் உனக்கு கிடைக்காத பெண்ணா மெட்ராஸில் கிடைக்கும் என்று கேட்டிருக்கிறார். அதை கேட்ட ரஜினியோ, நான் சந்தோஷமாக இருக்க வேண்டும் என நீங்கள் நினைத்தால் லதாவை திருமணம் செய்து கொள்ள அனுமதிக்க வேண்டும் அண்ணா என்று கூறியிருக்கிறார். தம்பியின் சந்தோஷம் தான் முக்கியம் என்று சத்யநாராயண ராவும் அனுமதி அளித்திருக்கிறார். அண்ணனின் ஆசியுடன் காதலி லதாவை மனைவியாக்கிக் கொண்டார் ரஜினிகாந்த். காதலுக்கு மதமும் ஜாதியும் பெரிது இல்லை என்பார்கள். அப்படித் தான் ரஜினி, லதாவின் காதலும் ஜாதியை பார்க்கவில்லை. ரஜினிகாந்த், லதா தம்பதிக்கு இரண்டு மகள்கள் இருக்கிறார்கள். ஒரு மகன் இல்லையே என என்றாவது தோன்றியிருக்கிறதா என்று ரஜினியிடம் கேட்டதற்கு இல்லவே இல்லை. பெண் பிள்ளைகள் சக்தியின் உருவம் என்று பெருமையாக தெரிவித்தார். #🫡தலைவரு நிரந்தரம்🤩 #😍பிறந்தநாள் வாழ்த்துக்கள் சூப்பர் ஸ்டார்🥳 #🤩ரஜினி மாஸ் சீன்ஸ்🫡 #காதல் கதை