#🔊తెలుగు చాట్‌రూమ్😍 నోట్.. పత్రిక ప్రకటన వేమూరు నియోజకవర్గం రేపు రాష్ట్ర స్థాయిలో అంగన్వాడీ కార్యకర్తలు విజయవాడలో ధర్నా నిర్వహించనున్నారని సమాచారం అందిన నేపథ్యంలో, వేమూరు శాసన సభ్యులు నక్కా ఆనంద బాబు గారు ముఖ్య ప్రకటన విడుదల చేశారు. అంగన్వాడీ కార్యకర్తలు, హెల్పర్లు మరియు సూపర్వైజర్ల సంక్షేమానికి కూటమి ప్రభుత్వం సంపూర్ణ కట్టుబాటుతో పనిచేస్తోందని ఆయన స్పష్టం చేశారు. గతంలో ఎన్నడూ లేని విధంగా అంగన్వాడీ సిబ్బందికి రెండు సార్లు వేతనాలు పెంచిన ఘనత ఈ ప్రభుత్వానిదేనని తెలిపారు. అధికారంలోకి వచ్చిన వెంటనే అంగన్వాడీ కేంద్రాల మౌలిక సదుపాయాలపై ప్రత్యేక దృష్టి సారించబడిందని, రాష్ట్రవ్యాప్తంగా తాగునీరు, మరుగుదొడ్లు నిర్మాణానికి రూ.86.68 లక్షలు విడుదల చేసి ప్రతి కేంద్రానికి నిధులు కేటాయించబడినట్లు పేర్కొన్నారు. అలాగే: ప్రతి నెల 1వ తేదీన వేతనాలు చెల్లించే విధంగా శాశ్వత చర్యలు తీసుకున్నామని. 58,204 మంది అంగన్వాడీ సిబ్బందికి రూ.75 కోట్ల వ్యయంతో 5G స్మార్ట్ ఫోన్లు అందజేశామని. అంగన్వాడీ కేంద్రాల హాజరు శాతం 70% నుండి 96%కు పెరిగిందని. అంగన్వాడీ సిబ్బంది దీర్ఘకాలంగా ఎదురుచూస్తున్న గ్రాట్యుటీ అమలు చేసి, 2025 బడ్జెట్‌లో రూ.20 కోట్లు కేటాయించామని ఇకపై కూడా అంగన్వాడీ సిబ్బంది ప్రతిపాదించిన మిగిలిన డిమాండ్ల పరిష్కారానికి ప్రభుత్వం సానుకూలంగా స్పందిస్తుందని, రాష్ట్ర ఆర్థిక పరిస్థితులు క్లిష్టంగా ఉన్నప్పటికీ ఉద్యోగుల సంక్షేమానికి ఎల్లప్పుడూ ప్రాధాన్యత ఇస్తుందని ఎమ్మెల్యే గారు తెలిపారు. ధర్నాలు, ఆందోళనలకు బదులుగా పరస్పర చర్చల ద్వారా సమస్యలు పరిష్కరించుకుందామని, అంగన్వాడీ కార్యకర్తలు శాంతియుతంగా వ్యవహరించాలని ఆయన విజ్ఞప్తి చేశారు. అంగన్వాడీ సిబ్బంది సంక్షేమమే ప్రభుత్వ లక్ష్యం — కూటమి ప్రభుత్వం ఎల్లప్పుడూ మీతోనే ఉంటుంది. — వేమూరు శాసన సభ్యులు నక్కా ఆనంద బాబు