#🙏भावपुर्ण श्रद्धांजली अजित दादा पवार 💐 'दादा'गिरीचा अध्याय अपूर्ण राहिला 🥹🥹 “दादा भावपूर्ण श्रद्धांजली” श्रीमद्भगवद्गीता मृत्यू बद्दल काय सांगते? मृत्यू हा कुरुक्षेत्रातील शंखासारखा येतो. गोंगाट न करता संपूर्ण युद्ध थांबवतो. तो आला की सर्व हिशोब थांबतात. मान-सन्मान, पद-प्रतिष्ठा, धन-संपत्ती, गर्व-अभिमान हे सर्व खाली बसतात. आणि माणूस हा माणूस होतो...! जीवनात जे काही अपूर्ण राहिलं त्यावर तो पूर्णविराम देतो. आणि मृत्यू हा शत्रू नाही तर न्यायाधीश बनतो..! तो आला की सर्व शांत होतं, सर्व ठीक होतं कारण मागचं काहीच उरत नाही...! अर्जुनाचं युद्ध संपतं आणि कर्णाचं दुःखही संपतं..! शेवटी मृत्यू स्वतःचं सत्य सांगतो आज हे वाचताना मन सुन्न झालंय. महाराष्ट्राच्या राजकारणातला तो पहाडी आवाज, तो दरारा, ती कार्यक्षमता आज काळाच्या पडद्याआड गेली. अजित दादा... हे नाव फक्त नाव नव्हतं, तर ती एक 'सिस्टिम' होती. पहाटे लवकर उठून कामाला लागणारा, फायलींचा निपटारा वेगाने करणारा आणि स्पष्टवक्तेपणाने समोरच्याला गार करणारा हा नेता असा अचानक एक्झिट घेईल, यावर अजूनही विश्वास बसत नाहीये. दादा, तुमचे चाहते आणि विरोधकही तुमच्या कार्यक्षमतेचे नेहमीच कौतुक करायचे. प्रशासनावर पकड असावी तर अजित पवारांसारखी, हे समीकरण तुम्ही महाराष्ट्रात रूढ केलं होतं. पण आज नियतीने असा डाव साधला की तुमचं हे प्रशासन, तुमची ही 'दादागिरी' सगळंच स्तब्ध झालं. आज मनातून एकच वाक्य सारखं वर येतंय - "सगळेच निर्णय तडकाफडकी घ्यायचे नसतात दादा..." तुमच्या स्वभावातच तो वेग होता. निर्णय घेण्याची ती धडाडी होती. पण जीवनाच्या प्रवासातली ही 'घाई' काळालाही मान्य झाली नाही का? राजकारणात अनेक धक्के तुम्ही पचवले, अनेक वादळे परतवून लावली, पण मृत्यूच्या या आकस्मिक वारू समोर तुमची झुंज अपुरी पडली. बारामतीपासून मंत्रालयापर्यंत ज्यांच्या शब्दाला वजन होतं, ते शब्द आज कायमचे मौन झाले. तुम्ही सत्तेत असताना घेतलेले निर्णय असोत किंवा मांडलेली भूमिका, त्यात एक रोखठोक बाणा असायचा. "जे मनात, तेच ओठात" हा तुमचा स्वभावच तुमची ओळख बनला होता. पण आज हा प्रवास अर्ध्यावर सोडून जाताना, तुमच्या या तडकाफडकी निर्णयाने महाराष्ट्राला चटका लावला आहे. कुरुक्षेत्रावरील युद्धासारखं राजकारण तुम्ही गाजवलंत, पण अखेरचा शंखनाद इतक्या लवकर होईल, हे कुणाच्याही ध्यानीमनी नव्हतं. आता उरल्या आहेत फक्त आठवणी... तो स्पष्ट आवाज आणि कार्यकर्त्यांच्या गराड्यात वावरणारं तुमचं व्यक्तिमत्त्व. नियतीचा हा न्याय कोणालाच बदलता येत नाही, हेच आजच्या घटनेने पुन्हा एकदा अधोरेखित केलं आहे. सर्व पद, प्रतिष्ठा आणि सत्ता इथेच सोडून तुम्ही अनंत प्रवासाला निघालात. जाता जाता एवढंच सांगेन, दादा, महाराष्ट्राच्या राजकीय पटलावर तुमची जागा दुसरं कोणीही भरून काढू शकणार नाही. तुमची ती आक्रमक शैली आणि कामाचा उरक कायम स्मरणात राहील. ईश्वर तुमच्या आत्म्यास शांती देवो आणि पवार कुटुंबाला तसेच तुमच्या लाखो चाहत्यांना या दुःखातून सावरण्याची शक्ती देवो. भावपूर्ण श्रद्धांजली! 🙏 #🙏लाडक्या दादांना उद्या अखेरचा निरोप💔 #🎥अजित पवारांच्या विमान अपघाताचा सीसीटीव्ही समोर #💔महाराष्ट्र सुन्न! राज्यावर शोककळा😭 #🔴आजचे ताजे अपडेट्स📰