ಬದುಕಿನಲ್ಲಿ ನೀವು ಕಷ್ಟಪಟ್ಟು ಕಲಿತ ವಿಚಾರವೇನು? ಕಷ್ಟಪಟ್ಟು ಎನ್ನುವುದಕ್ಕಿಂತ ಇಷ್ಟು ದಿನದ ಬದುಕಿನ ಅನುಭವದಲ್ಲಿ ಕಲಿತ ಮುಖ್ಯ ವಿಚಾರಗಳು. ೧. ವಿದ್ಯೆ ಯಾವತ್ತೂ ವ್ಯ #PSSM World ರ್ಥವಾಗದು. ಕಲಿತ ವಿದ್ಯೆಯನ್ನು ಸಮಯಕ್ಕೆ ಸರಿಯಾಗಿ ಬಳಸಿಕೊಳ್ಳುವ ಚಾಕಚಕ್ಯತೆ ಇರಬೇಕು. ೨. ಕಲಿಯುವುದಕ್ಕೆ ಕೊನೆಯಿಲ್ಲ. ೩. ಜೀವನದಲ್ಲಿ ಆಸೆ ಪಟ್ಟದ್ದಕಿಂತ ಅವಶ್ಯಕತೆಯಿದ್ದದ್ದು ದೊರಕುವುದು ಮುಖ್ಯ. ೪. ತಾಳ್ಮೆ ಮತ್ತು ಪರಿಶ್ರಮದಿಂದ ಮಾತ್ರ ಅವಶ್ಯಕತೆಯಿದ್ದದ್ದನ್ನು ಗಳಿಸಬಹುದು. ೫. ಅದೃಷ್ಟ ಅನ್ನುವುದು ಬಹುಮುಖ್ಯ ಸಂಗತಿ. ಆದರೆ ಅದನ್ನು ನಿಯಂತ್ರಿಸುವುದು ನಮ್ಮ ಕೈಯಲ್ಲಿಲ್ಲ. ಆದರೆ ಅದರಷ್ಟೇ ಮುಖ್ಯವಾದ ಪರಿಶ್ರಮ ನಮ್ಮ ಕೈಯಲ್ಲಿದೆ. ೬. ದೇವರ ಇರುವಿಕೆ ಎಷ್ಟು ನಿಜವೋ ಇಲ್ಲದಿರುವಿಕೆ ಕೂಡ ಅಷ್ಟೇ ನಿಜ. ಆದ್ದರಿಂದ ದೇವರ ಮೇಲೆ ಭಾರ ಹಾಕಿ ಕೈ ಕಟ್ಟಿ ಕೂರುವ ಬದಲು ನಮ್ಮ ಕೆಲಸ ನಾವು ಶ್ರದ್ಧೆಯಿಂದ ಮಾಡಿದರೆ ದೇವರ ಕೃಪೆ ಇದ್ದೆ ಇರುತ್ತದೆ. ೭. ಜೀವನದಲ್ಲಿ ಹಣವೇ ಮುಖ್ಯವಲ್ಲ. ಆದರೆ ಬಹಳಷ್ಟು ಸಂತೋಷಗಳು ಹಣದ ಮೇಲೆ ಅವಲಂಬಿತವಾಗಿರುವ ಕಾರಣ ಹಣ ಮುಖ್ಯ. ೮. ನಾವು ಬಹಳ ಬಯಸಿದ ವಸ್ತು ಸಿಕ್ಕ ಮೇಲೆ ಅದರ ಮೇಲಿನ ಆಸೆ ಕಡಿಮೆಯಾಗುತ್ತದೆ. ಆದ್ದರಿಂದ ಯಾವುದನ್ನು ಅತಿ ಇಷ್ಟ ಪಡುವುದು ಬೇಡ. ೯. ಸ್ನೇಹಿತರು, ನೆಂಟರು, ಕುಟುಂಬ ಎಲ್ಲ ಇದ್ದರೂ ಕೊನೆಗೆ ನಮಗೆ ನಾವೇ ಜೊತೆಗಾರರು.