ସଡକ ଦୁର୍ଘଟଣାରେ ଆହତମାନଙ୍କ ପାଇଁ କେନ୍ଦ୍ର ସରକାର ନେଲେ ଏକ ବଡ଼ ପଦକ୍ଷେପ। ଏଥର ଯୋଗ୍ୟ ସଡ଼କ ଦୁର୍ଘଟଣା ପୀଡିତଙ୍କୁ ଦୁର୍ଘଟଣା ତାରିଖରୁ ସାତ ଦିନ ପାଇଁ 1.5 ଲକ୍ଷ ପର୍ଯ୍ୟନ୍ତ କ୍ୟାସଲେସ ଅର୍ଥାତ ମାଗଣା ଚିକିତ୍ସା ମିଳିବ। ଏନେଇ ମୋଦୀ ସରକାର ଶନିବାର “ପ୍ରଧାନମନ୍ତ୍ରୀ ରିଲିଫ୍” ଯୋଜନା ଆରମ୍ଭ କରିଛନ୍ତି।ସଡ଼କ ପରିବହନ ଏବଂ ରାଜପଥ ମନ୍ତ୍ରଣାଳୟ ଏକ ବିବୃତ୍ତିରେ କହିଛନ୍ତି ଯେ, ପ୍ରତିବର୍ଷ ଭାରତରେ ସଡ଼କ ଦୁର୍ଘଟଣା ଯୋଗୁଁ ବହୁ ସଂଖ୍ୟକ ମୃତ୍ୟୁ ଘଟୁଛି, ଯଦି ସମୟୋଚିତ ଚିକିତ୍ସା ଯୋଗାଇ ଦିଆଯାଏ ତେବେ ଏଥିମଧ୍ୟରୁ ଅନେକଙ୍କୁ ମୃତ୍ୟୁମୁଖରୁ ଉଦ୍ଧାର କରାଯାଇପାରିବ । ଏକ ଅଧ୍ୟୟନକୁ ଉଦ୍ଧୃତ କରି ମନ୍ତ୍ରଣାଳୟ କହିଛି ଯେ ଦୁର୍ଘଟଣାର ପ୍ରଥମ ଘଣ୍ଟା ମଧ୍ୟରେ ପୀଡିତଙ୍କୁ ଡାକ୍ତରଖାନାରେ ଭର୍ତ୍ତି କରାଗଲେ ପ୍ରାୟ 50 ପ୍ରତିଶତ ସଡ଼କ ଦୁର୍ଘଟଣାଜନିତ ମୃତ୍ୟୁକୁ ରୋକାଯାଇପାରିବ।ସଡକ ପରିବହନ ଏବଂ ରାଜପଥ ମନ୍ତ୍ରଣାଳୟ ଶନିବାର କହିଛି, “ପ୍ରଧାନମନ୍ତ୍ରୀ କାର୍ଯ୍ୟାଳୟକୁ ‘ସେବା ତୀର୍ଥ’ କୋଠାକୁ ସ୍ଥାନାନ୍ତର କରିବା ପରେ ତାଙ୍କର ପ୍ରଥମ ନିଷ୍ପତ୍ତିରେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ‘ପିଏମ ରାହତ’ (ସଡକ ଦୁର୍ଘଟଣା ପୀଡିତଙ୍କ ପାଇଁ ହସ୍ପିଟାଲରେ ଭର୍ତ୍ତି ଏବଂ ନିଶ୍ଚିତ ଚିକିତ୍ସା) ଯୋଜନାର ଶୁଭାରମ୍ଭକୁ ଅନୁମୋଦନ କରିଛନ୍ତି। ଏହି ଯୋଜନା ସରକାରଙ୍କର ସେବା, କରୁଣା ଏବଂ ଦୁର୍ବଳ ନାଗରିକଙ୍କ ପାଇଁ ସୁରକ୍ଷାକୁ ପ୍ରାଥମିକତା ଦେବାର ଦୃଷ୍ଟିକୋଣକୁ ପ୍ରତିଫଳିତ କରେ।” #📢ମୋଦୀ ସରକାର ଆରମ୍ଭ କଲେ ନୂଆ ଯୋଜନା📝