ദില്ലി: മുൻ കരസേന മേധാവി ജനറൽ എം.എം. നരവനെയുടെ ആത്മകഥയുടെ പതിപ്പ് രാഹുൽ ഗാന്ധിക്ക് ലഭിച്ചതിനെച്ചൊല്ലി വിവാദം കൊഴുക്കുന്നു. പുസ്തകം ഇതുവരെ പ്രസിദ്ധീകരിച്ചിട്ടില്ലെന്ന് പബ്ലിഷർമാരായ ‘പെൻഗ്വിൻ ബുക്ക്സ്’ വ്യക്തമാക്കിയതോടെ, പകർപ്പ് ചോർന്നതിന് പിന്നിൽ ഗൂഢാലോചനയുണ്ടെന്ന സംശയത്തിൽ ദില്ലി പോലീസ് അന്വേഷണം ആരംഭിച്ചു. ചൈനീസ് കടന്നുകയറ്റ സമയത്ത് കേന്ദ്ര സർക്കാർ സൈന്യത്തിന് വ്യക്തമായ ഉത്തരവുകൾ നൽകിയില്ലെന്ന് നരവനെയുടെ പുസ്തകത്തിൽ പരാമർശമുണ്ടെന്നാരോപിച്ച് രാഹുൽ ഗാന്ധി ലോക്സഭയിൽ രംഗത്തെത്തിയിരുന്നു. പ്രകാശനം ചെയ്യാത്ത പുസ്തകത്തിന്റെ ഹാർഡ് കോപ്പി സഭയ്ക്കകത്തും പുറത്തും അദ്ദേഹം ഉയർത്തിക്കാട്ടി.…