*అలసిన వానిని ఊరడించు మాటలు* 🍞🍞🍞🍞🍞🍞🍞🍞🍞 *సహోదరుడు భక్త సింగ్ గారి పరిచర్య నుండి సేకరించిన* *అనుదిన ధ్యానములు* 🍇🍇🍇🍇🍇🍇🍇🍇🍇 *🌷🌷ఫిబ్రవరి 3🌷* *"... ఈ పట్టణమున్న చోటు రమ్యమైనది... గాని నీళ్లు మంచివి కావు. అందుచేత భూమియు నిస్సారమై యున్నది"* *( 2 రాజులు 2:19)* *ఎలీషా ప్రవక్త కాలములో యెరికో స్థితి నిస్సారమైనదిగా ఉండెను. దీనిని నేటి దినములలో అనేక ప్రాంతములలో నిష్ఫలముగా నున్న సంఘముల యొక్క స్థితితో పోల్చవచ్చును. సంఘములలో అదే పరిస్థితులు ఉన్నప్పుడు గొడ్డు బారిన , నిస్సారమైన దానిని తీసివేయుటకు ప్రభువుకు ఎలీషావంటి ప్రజలు అవసరము. ఏ మాత్రము ఫలవంతమైన స్థితి లేకుండానే విస్తారమైన కార్యకలాపములు గలవారనేకులు సేవకుల మధ్య గలరు.* ప్రవక్తయైన ఎలీషా యొద్ద దేవుని వాక్యమును చదువుకొను ప్రవక్తల శిష్యులు అనేకులు గలరు. అయినను దాని విషయమై వారు సందేహములతో నిండియుండిరి. అందుచేతనే దేవుని విషయములలో తమ అమాయకత్వమును బట్టి వారు ఏలీయా ఒక స్థలమునుండి మరొకస్థలమునకు వెళ్ళునప్పుడు అతనిని వెంబడించ కుండా ఎలీషాను తమకు సాధ్యమైనంతవరకు ఆపి వేయుటకు ప్రయత్నించిరి. ప్రభువు తననుండి ఏలీయానుతీసి వేయునని ఎలీషాకు బాగుగా తెలియును. ప్రవక్తల శిష్యులు కూడా దీనిని ఎరుగుదురు (2 రాజులు 2:3) తాము ఎలీషాతో వెళ్ళుటకు బదులు, ఏలీయాను వెంబడించకుండా అతనిని అడ్డగించుటకు ప్రయత్నించిరి. అంతము వరకు ఏలీయాతో ఉండుటకు ఎలీషా ఎలాంటి శ్రమ ద్వారా వెళ్లుటకైనను లేదా ఏమి అర్పించుటకైనను సిద్ధముగా నుండెను. ప్రభువుకు ఎలీషా వంటి నమ్మకమైన సేవకులు అవసరము. ప్రవక్తల శిష్యులు ఏలీయా, ఎలీషాలను సందేహపు మనస్సులతో గమనించుచుండిరి. ఎలీషా ఒంటరిగా తిరిగి వచ్చినప్పుడు, వారు అతనికి తమ సందేహములను వెల్లడి చేసిరి. యెహోవా ఆత్మ అతనిని ఎత్తి యొక్క పర్వతము మీదనైనను లోయనందైనను వేసి యుండునేమో యని వాదించి, వారి మధ్య బలముగల ఏబదిమంది అతని దేహమును వెదకుటకు వెళ్లగోరిరి ( 16 వ. వ) వారు ఏలీయా ఆరోహణమగునంత వరకు అతనితో ఉన్నను చింతపడక, ఘనముగా సమాధి కార్యక్రమము కలిగి యుండవలెనని కోరిక కలిగియుండిరి. ఈ ప్రవక్తల శిష్యులకు దేవుని వాక్యమును వివరించు ఏలీయా వంటి దైవ దాసులున్నను, వారు అవిశ్వాసముతో నిండియుండిరి. అదే రీతిగా నేడు దేవుని వాక్యమును బోధించు బలమైన, నమ్మకమైన దైవ దాసులు అనేకులు గలరు, అయినను వారు విశ్వాసములో బలహీనంగా ఉండి, భయముతో నిండి యున్నారు. వారికి కష్టములు, శ్రమలు వచ్చినప్పుడు వారు సణగనారంభించి, దుఃఖ ముఖములతో ఉండెదరు. మనము ఎలీషావలె ఉండుటకు నేర్చుకొనవలెను, తద్వారా నిస్సారస్థితిని తీసివేయుటకు ప్రభువు మనలను వాడుకొనును, మరియు ప్రతి పరిస్థితిలోను ఫలవంతముగా ఉంచును. Please share 🙏🏼Praise the LORD.🙏🏼 #📝అనుదిన వాక్యము #⛪దేవుని వాక్యము ✝