*_ఇంగ్లీషులో ఇలాంటి "ఉచ్చారణ ఒక్కటే అయినా స్పెల్లింగ్ మరియు అర్థం వేరుగా ఉండే పదాలు_*
.
*New (కొత్తది) -* *Knew (తెలుసు)*
*No (కాదు) - Know (తెలుసు)*
*Night (రాత్రి) -* *Knight (యోధుడు)*
*Hour (గంట) - Our (మన)*
*Write (రాయడం) -* *Right (సరైనది/కుడి)*
*Wait (వేచి ఉండటం) - Weight (బరువు)*
*Week (వారం) -* *Weak (బలహీనత)*
*Peace (శాంతి) - Piece (ముక్క)*
*Steal (దొంగిలించడం) -* *Steel (ఉక్కు)*
*Sun (సూర్యుడు) - Son (కుమారుడు)*
*Break (విరామం/విరగడం) - Brake (వాహన బ్రేక్)*
*వీటిని Homophones అంటారు ఇవి చాలా ఉన్నాయి. వున్నాయీ అంటే మాకు తెలుసు లేవోయ్ అంటాం* *వీటిని మనం ఎంతో శ్రద్ధగా గుర్తుపెట్టుకుంటాం* *మధ్య ఉన్న ఆ స్పెల్లింగ్ వ్యత్యాసాన్ని గుర్తుపెట్టుకుని మేధావులమని ఫీలైపోతాం*
*ఇలా "ద్వానా" శాస్త్రి గారు (ద్వాదశి నాగేశ్వరశాస్త్రి గారు) నా కన్నా ఇంకా ఎంతో గొప్పగా వివరిస్తూ వ్యాసాలే రాశారు.*
*మరి తెలుగులో అరసున్నలు [ ఁ ], బండి 'ఱ' లు ఎందుకు?*
*అంటాం. పేద్ద మేధావుల్లా ఫెలైపోతూ తెలుగును తెగ తిదతాం. తిరిగి తిట్టే వాడూ మొట్టే వాళ్ళూ లేక.!*
*ప్రస్తుత ఆధునిక వాడుక భాషలో ఇవి దాదాపుగా కనిపించవు.*
*మన ఆధునిక భాషావేత్తలు రాజకీయ నాయకులకు అస్సలు తెలియదు కనక వీటిని తొలగించడం తెలుగు భాషకు పట్టిన దుర్గతి అని చెప్పవచ్చు*.
*ఇవి తెలుగు భాషా లక్షణాన్ని ప్రతిబింబించడమే కాకుండా, అర్థాలలో ఎంత తేడా ఉంటుందో నిరూపిస్తాయి*.
*వీటి ప్రయోజనం వర్ణనాతీతం ఈ అరసున్నలు [ ఁ ], బండి 'ఱ పదాల అర్థాలు ఎలా మారిపోతాయో కింద చూడండి:*
*అరసున్న ( ఁ ), బండి ' ఱ ' - అర్థ భేదాలు*:
*అరుఁగు = ఇంటి ముందు గట్టు (వీధి అరుగు)*
*అరుగు = వెళ్ళు, పోవు*
*అఱుగు = జీర్ణించు*
*ఏఁడు = సంవత్సరం*
*ఏడు = 7 సంఖ్య*
*కరి = ఏనుగు*
*కఱి = నల్లని*
*కాఁపు = కులము / కాపురస్థుడు*
*కాపు = కావలి (కాపలా)*
*కాఁచు = వెచ్చచేయు (కాచుట)*
*కాచు = రక్షించు (కాపాడు)*
*కారు = ఋతువు, కాలము*
*కాఱు = కారుట (స్రవించు)*
*చీఁకు = చప్పరించు*
*చీకు = నిస్సారము, గ్రుడ్డి*
*తఱుఁగు = తగ్గుట, క్షయం*
*తఱుగు = తరగటం (ఖండించటం)*
*తరి = కవ్వం / మజ్జిగ చిలికే సమయం*
*తఱి = తఱచు / సమయం*
*తీరు = పద్ధతి*
*తీఱు = నశించు, పూర్తి (తీరింది)*
*దాఁక = వరకు*
*దాక = కుండ, పాత్ర*
*నాఁడు = కాలము (ఆ రోజు)*
*నాడు = దేశము, ప్రాంతము / నరము*
*నెరి = వక్రత*
*నెఱి = అందమైన / క్రమమైన*
*నీరు = పానీయం (జలం)*
*నీఱు = బూడిద (నీఱుగారిపోవడం)*
*పేఁట = హారంలో వరుస*
*పేట = నగరంలో భాగం (పట్టణం)*
*పోఁగు = దారము పోగు / చెవి పోగు*
*పోగు = కుప్ప*
*బోటి = స్త్రీ / చెలికత్తె*
*బోఁటి = వంటి (నీబోఁటి)*
*వాఁడి = పదును (వాఁడిగా గల)*
*వాడి = ఉపయోగించి (వాడటం)*
*వేరు = చెట్టు వేరు*
*వేఱు = మరొకవిధము (భిన్నమైన)*
*మడుఁగు = వంగు, అడఁగు*
*మడుగు = కొలను, హ్రదము*
*అయినా మన తెలుగు భాషను మనమే నాశనం చేసేసి గొప్పగా వెధవ ఫోజులు కొట్టే రోజుల్లో కదా వున్నాం ఇలాగే బతికేద్దాం మన తెలుగును మనమే చంపి బొంద పెట్టేద్దాం.*
*చివరగా ఇందాక పై పేరాలో నేను చెప్పిన ఆ ద్వానా శాస్త్రిగారు ఎవరంటే..*
*ఆయన పూర్తి పేరు ద్వాదశి నాగేశ్వరశాస్త్రి తెలుగు పండితుడు, అధ్యాపకుడు,* *రచయిత. ద్వానాశాస్త్రి గా ఆయన పేరుపొందాడు*. *ఇతడు కృష్ణాజిల్లా లింగాలలో 1948 జూన్ 15 వ తేదీన జన్మించాడు తల్లి లక్ష్మీప్రసన్న. తండ్రి కృష్ణశాస్త్రి.*
*ఏలూరు సర్. సి.ఆర్. రెడ్డి కాలేజిలో బి.ఎస్.సి, ఆంధ్ర విశ్వవిద్యాలయంలో ఎం.ఏ (తెలుగు) చదివాడు. నాగార్జున విశ్వవిద్యాలయంలో ఎం.ఫిల్, తెలుగు విశ్వవిద్యాలయంలో పి.హెచ్.డి.,* *ఉస్మానియా విశ్వవిద్యాలయంలో పోస్టు గ్రాడ్యుయేట్ డిప్లొమా చేశాడు*. *ఇతని గురువులలో* *ప్రముఖులు తూమాటి దోణప్ప, చేకూరి రామారావు*, *బండ్లమూడి సత్యనారాయణ, కొత్తపల్లి వీరభద్రరావు*. *విశ్వవిద్యాలయంలో మారేపల్లి రామచంద్ర శాస్త్రి (శ్రీ శ్రీ కి, ఆరుద్రకు ఛందస్సు నేర్పిన గురువు) కవిత్వం మీద ఎం. ఫిల్. సిద్ధాంత వ్యాసాన్ని సమర్పించాడు.* *సాహిత్యసంస్థలపై చేసిన పరిశోధనకి గుర్తింపుగా తెలుగు విశ్వవిద్యాలయం ఆయనను స్వర్ణ* *పతకముతో పాటు పి.హెచ్.డి.తో* *సత్కరించింది*
*మొన్న ఈ మధ్యనే మౌనంగా నిశ్శబ్దంగా బాధగా వెళ్ళిపోయారు.*
*అయినా కొద్ది రోజుల్లో ఆ రోజు* *మళ్ళీ రానుంది ఆ రోజే ఆయన ఈ* *లోకాన్ని వదిలి వెళ్ళిన రోజు 26* *ఫిబ్రవరి, 2019 !!*
.
*ఇలాంటి 'అర్థం పర్థం; లేని వాటిని షేర్ చేసి మన శక్తిని మన సమయాన్నీ ఎందుకు వృధా జెయ్యడం!!*
*తెలుగు భాషకు సేవ చేసిన గొప్పతనం ఎందుకు చెప్పడం హు...* #మన సంప్రదాయాలు సమాచారం