*बाबासाहेबांनी सांगितलेले आठवणी* *"माझ्यासाठी वधू ठरविण्याच्या बाबतीत माझ्या वडिलांना दंड द्यावा लागला. आपल्या मुलाला अनुरूप वधू मिळावी म्हणून माझ्या वडिलांना वधूच्या शोधात खूपच प्रवास करावा लागला. त्यासाठी त्यांनी बराच पैसाही खर्च केला. एखाद्या ठिकाणी एखादी सुस्वरूप मुलगी आहे असे समजले की तिकडे माझे वडील अगदी न चुकता जायचे. अशा प्रकारे माझ्यासाठी वधू शोधण्यात त्यांनी बरेच फेरफटके मारले. नंतर त्यांनी एक मुलगी माझ्यासाठी वधू म्हणून निश्चित केली. आमच्या चाळीतल्या पद्धतीप्रमाणे पंचाच्यामार्फत त्यांनी साखरपुडाही केला. नंतर काही दिवसांनी माझ्या वडिलांना कुणीतरी सांगितले की दुसऱ्या एका ठिकाणी एक मुलगी फारच सुंदर सुस्वभावी, सुस्वरूप व शरीराने बांधेसूद अशी आहे. तेव्हा माझ्या वडिलांनी पहिला साखरपुडा रद्द केल्याचे त्या मुलीच्या आईवडिलांना कळविले. त्या मुलीच्या आईवडिलांनी अखेर पंचामध्ये न्यायाची मागणी केली. पंचमंडळींनी सारखपुडा रद्द केल्याबद्दल माझ्या वडिलांना दंड केला. दुसरी मुलगी माझ्या वडिलांनी पाहिली. माझ्यासाठी वधू म्हणून त्यांना ती पसंत ही पडली आणि त्या मुलीचा साखरपुडाही त्यांनी केला. पण पहिल्या साखरपुड्याप्रमाणेच हाही साखरपुडा माझ्या वडिलांनी रद्द केला आणि त्यासाठी पुनः त्यांनी दंडही भरला. अशा प्रकारे माझ्या वडिलांनी माझ्याकरिता वधू म्हणून ठरविण्यास दोन वेळा दंड भरला. शेवटी त्यांना कोणीतरी भिकाजी वनंदकरांची मुलगी रामाबाई पत्र्याच्या चाळीत आपल्या भावाबरोबर राहते* *असे सांगितले. शेवटी माझ्या वडिलांनी हीच मुलगी माझ्यासाठी वधू म्हणून निश्चित केली. त्याप्रमाणे लग्नाचा मुहूर्तही काढला. माझे लग्न कुठल्या तरी खेड्यात किंवा चाळीत झाले नाही. भायखळा स्टेशनजवळ एक लहानसे हनुमान मंदिर आहे त्या मंदिरासमोरच लग्नसोहळा झाला. आता लग्नात हजारो रुपये खर्च करण्यात येतात. माझ्या लग्नात जेवणाच्या पंक्तीच्या वेळी काही लोकांना ताटांच्या अभावी तव्यामध्ये वाढावे लागले. पण माझ्या वडिलांची वधूची तिसरी निवड मात्र फारच यशस्वी ठरली असे म्हणायला हरकत नाही." या गोष्टीत सांगितल्याप्रमाणे बाबासाहेबांनी भायखळ्यावरून जाता येता एकदोन वेळा त्यांचे लग्न ज्या ठिकाणी झाले ते हनुमान मंदिर मला दाखविले. तव्यात लोकांना जेवावे लागले हे सांगत असताना त्या वेळची गंमत म्हणून ते फारच हसत...* *लेखक बळवंत हनुमंतराव वराळे गुरुजी* *संदर्भ डॉ आंबेडकरांचा सांगाती* *(मुक्तीदाता विशेषांक)* #🙂Positive Thought #💙 भीमसैनिक 💙 #💪बुद्धांची तत्वे📜 #😇प्रेरणादायक डायलॉग व्हिडिओ #🙏 प्रेरणादायक बॅनर