Lokmat on Instagram: "मध्य-पूर्वेतील वाढता तणाव आणि जागतिक अनिश्चिततेमुळे देशात एलपीजी आणि कच्च्या तेलाच्या पुरवठ्याबाबत नागरिकांमध्ये चिंतेचं वातावरण आहे. मात्र, सरकारनं स्पष्ट केलंय की भारताचा ऊर्जा पुरवठा पूर्णपणे सुरक्षित असून घाबरण्याची कोणतीही गरज नाही. देशात तेल आणि गॅसचा पुरवठा सातत्यानं सुरू असून परिस्थिती पूर्णपणे नियंत्रणात आहे. पेट्रोलियम मंत्रालयाच्या संयुक्त सचिव (मार्केटिंग आणि ऑईल रिफायनरी) सुजाता शर्मा यांनी बुधवारी पत्रकार परिषदेत यासंदर्भातील माहिती दिली. भारत आपली कच्च्या तेलाची गरज सुमारे ४० वेगवेगळ्या देशांकडून आयात करून पूर्ण करतो. यामुळे पुरवठ्यासाठी भारत केवळ एका क्षेत्रावर अवलंबून नाही, असं त्यांनी नमूद केलं. एलपीजी सिलेंडरच्या टंचाईबाबत स्पष्टीकरण देताना सुजाता शर्मा म्हणाल्या की, नागरिकांनी घाबरून जाण्याची गरज नाही. सिलेंडर बुकिंगनंतर सुमारे अडीच दिवसांच्या आत डिलिव्हरी सुनिश्चित केली जात आहे. अधिकाऱ्यांच्या मते, जगासाठी हा आव्हानात्मक काळ असला तरी, भारतातील ऊर्जा पुरवठ्याची स्थिती सध्या स्थिर आणि नियंत्रणात आहे. सविस्तर बातमी वाचण्यासाठी प्रोफाइलवर दिलेल्या लिंकवर क्लिक करा. #LokmatNews #MarathiNews #LPG #Cylinder #GasSupply"