*యేసు సిలువలో పలికిన 6వ మాట: సేవకా.. తీరకలేకుండ కష్టపడుతున్నావా?*
*''సమాప్తమైనది.''(యోహాను 19:30)*
*అన్ని విధాల శ్రమపడిన ప్రభువు, శరీరములో ప్రతి అవయము నలుగగొట్టబడిన స్థితిలో... ఆయన రక్తమంతా ఐదు గాయాల్లో నుంచి కారుతున్నటువంటి సమయంలో, మనందరి దోషములను తట్టుకుని.. దేవుని ఉగ్రతను భరించిన సమయంలో సిలువ యాగాన్ని సంపూర్ణం చేసి 6వ మాటగా సమప్తమాయెను అని చెప్పెను. తాను ఈ లోకంలోకి వచ్చిన కార్యం సమాప్తమైనది. మానవుల విమోచనల రక్షణ కార్యం సమాప్తమైనది, పరలోకానికి మార్గం సమాప్తమైనది, రక్షణ కార్యం సఫలికృతమైనది, తండ్రి అప్పగించిన పనిని ప్రభువైన యేసుక్రీస్తు సమాప్తం చేసాడు.*
*అవును!! ఈ దినాన మనం రక్షింపబడడానికి ఏమిచేయనకర్లేదు, మనం రక్షింపబడేది క్రియల ద్వారా కాదు కానీ కృప ద్వారానే, సిద్ధపడిన రక్షణను మనం అంగీకరించడమే. యేసుక్రీస్తు దగ్గరకు వెళ్లి మన నిజ స్థితిని విశ్వాసంతో ఒప్పుకుంటే..ఆయన ఇచ్చే రక్షణ భాగ్యాన్ని, ఆయన సిద్ధపర్చిన రక్షణ అనుభవాన్ని మనం సంపాదించుకుంటాం, నూతన జీవితాన్ని మనం పొందగల్గుతాం. రక్షణ కార్యం సిలువలో సమాప్తమైన మాట నిజమే కానీ, అది నీవు స్వంతం చేసుకోవాల్సి బాధ్యత ఎంతైనా ఉంది. ఆహారం సిద్ధమైనదని చెబితే సరిపోదు కానీ, సిద్ధమైన ఆహారాన్ని మనం భూజించినప్పుడే మన ఆకలి తీరుతుంది. రక్షణ సంపూర్ణమైనది కానీ, రక్షణ కార్యం సమాప్తం అయింది కానీ, ఆ రక్షణను వ్యక్తిగతంగా నీవు, నేను అంగీకరించినప్పుడే.. నీవు రక్షించబడ్డ వ్యక్తివి అవుతావు.*
*ప్రియ చదువరీ!! మరీ ఈ లోకంలో నీవు ఎందుకు ఉన్నావు? ఏం చేయాలని, ఏం ఆశతో ఉన్నావు? నీకున్న ఎటువంటి కోరికలు తీర్చుకోవాలని ఈ లోకంలో ఉన్నావు? ఈ భూమిపై ఏం సంపాదించాలని ఆశపడుతున్నావు? ఆస్తిపాస్తులునా? లేక గొప్ప పేరునా? ఒక్కసారి ఆలోచించు... తండ్రి అయిన దేవుడు తన ఒక్కగాని ఒక్క కుమారుడిని ఈ భూమిపైకి ఎందుకు పంపిచాడో తెలుసా? ఆస్తిపాస్తులను కూడబెట్టుకోవడం కోసం కాదు, తన గొంతిమ కోర్కెలను తీర్చుకోవడానికి కాదు, తన ఇష్టం వచ్చినట్లు జీవించడానికి కాదు, ఇతరులను కన్నీరు పెట్టించడానికి కాదు, కన్న తల్లిదండ్రులను దూరం చేసుకోవడం కోసం కాదు, సుఖభోగాలను అనుభవించడానికి కానే కాదు, మూడు పూటలు తిని సోమరితనంతో ఉండటానికి కాదు, తాను కష్టపడకుండా తన కుటుంబ సభ్యులు కష్టపడి సంపాదించిన డబ్బును కాజేయడానికి కాదు, బిల్డింగ్లపై బిల్డింగ్లు కట్టుకోవడానికి కాదు, ఎకరాలు ఎకరాలు భూములను సంపాదించుకోవడానికి కాదు, బ్యాంకు బ్యాలెన్స్ను పెంచుకోవడానికి కాదు, ఉన్నదాంట్లోనే ఇతరులకు సహాయం చేయకుండా బ్రతకడానికి కాదు..*
*మరి ఎందుకు దేవుడు తన ఒక్కగాని ఒక్క కుమారుడిని భూమిపైకి పంపిచాడో తెలుసా? పాపంతో బ్రతులకు చెల్లాచెదురు చేసుకుంటున్న, దేవుడు ఉన్నాడనే భయం లేకుండా తమ ఇష్టానుసారంగా జీవిస్తూ.. నశించిపోతున్న మనం నరకంలో పడి ఆ ఘోరమైన శిక్షను అనుభవించకుండా.. పరలోకానికి చేర్చలనే ఉద్దేశ్యంతో తన కుమారుడిని ఈ భూమిపైకి పంపించాడు. అలాగే మనకు ఒక మాదిరిగా.. తన మార్గాన్ని మనకు తెలియజేయాలని యేసుక్రీస్తు ఈ లోకానికి వచ్చాడు. దేవుడులో స్వార్థం, ఆసూయ, ఒకరి జోలి మనకు ఎందుకు? ఎవరు ఎక్కడ చస్తే నాకేందుకు, నేను మంచిగా ఉన్నాను కదా? అంత రిస్క్ నాకు అవసరమా? అంత శ్రమ నాకు అవసరమా? అని అనుకోని ఉంటే.. ఈనాడు మనం నరకంలో పడి ప్రతిదినం ఆ ఎర్రని మంటల్లో కేకలు పెడుతూ.. ఘోరమైన బాధను భరించాల్సి ఉండేది కదా? మరీ ఈనాడు మనుష్యులు ఎలావున్నారు? పక్కనోడు ఎక్కడపోతే మనకెందుకు, వాడు ఎక్కడ చస్తే మనకెందుకు, వారు పస్తులుంటే మనకెందుకు, వారు కష్టాల్లో, నష్టాల్లో, ఇరుకు ఇబ్బందుల్లో ఉంటే మనకెందుకు, వారి కుటుంబం నాశనమైపోతే మనకెందుకు.. మన కుటుంబం, మన పిల్లలు, మన బంధువులు, మన తల్లిదండ్రులు బాగున్నారు కదా? వారి గురించి పట్టించుకోని వారికి సహాయం చేయడం, వారికి మేలు చేయడం, వారికి మంచి మార్గాన్ని చూపించడం మనకు అవసరమా? అనుకునే సైతాను బిడ్డలు ఎంతమంది లేరు.*
*జాగ్రత్త సహోదరి, సహోదరుడా..!! ఈ భూమిపై నీవు ఏ విత్తనాన్ని విత్తుతావో ఆ పంట కోయక తప్పదనే సత్యాన్ని మర్చిపోవద్దు. దేవుడు తన పోలికతో నిన్ను, నన్ను సృష్టించింది, ఈ రోజు నీకు బిడ్డలను బహుమానంగా ఇచ్చింది ఎందుకో తెలుసా? నీవు ఆయనలా పరిశుద్ధంగా జీవిస్తావని, నీ దారిలోని నీ బిడ్డలను నడిపిస్తావనే ఉద్దేశ్యం కలివున్నాడనేది సత్యం. మరీ ఈ లోకంలో దేవునికి వ్యతిరేకంగా జీవిస్తూ.. చివరికి ఏం సంపాదించాలని..? ఆయన వ్యతిరేకంగా జీవిస్తూ.. నీవు ఈ భూమిపై ప్రశాంతంగా, సంతోషంగా, హాయిగా బ్రతకడం నీ వల్ల కాదు. ఎప్పుడైతే దేవుని పాదాల వద్దకు వచ్చి నీవు చేసిన తప్పుల విషయమై క్షమాపణ కోరి.. ఇక బ్రతికినంతకాలం దేవునికి ఇష్టునిగా బ్రతికితేనే.. ఈ భూమిపై బ్రతికిన నాలుగు రోజులు సంతోషంగా జీవిస్తావు.*
*అలాగే ప్రభువైన యేసుక్రీస్తు మానవునిగా ఈ భూమిపై ఎలా బ్రతికాడో.. ఎలా సేవ చేశాడో, ఏ విధంగా నశించిపోతున్న ఆత్మలను కాపాడాడో, ఎలా కష్టపడుతూ.. ఒక క్షణం తీరకలేకుండా.. తన తండ్రి ఆజ్ఞాలను తూచతప్పకుండా పాటించి.. చివరికి ఆ కల్వరి కొండపై... సిలువపై వ్రేలాడుతూ తన బాధ్యతను ఏ విధంగా నిర్వర్తించాడో.. అదే విధంగా మనం కూడా ఈ భూమిపై కన్నుమూసిన తర్వాత తన వద్దకు రావాలని దేవుడు నీకోసం, నా కోసం ఎంతో ఆశతో ఎదురుచూస్తున్నాడు. మరీ ఈ భూమిపై బ్రతికిన నాలుగురోజులు దేవుని కొరకు జీవించి కన్నుమూస్తే దేవుని వద్దకు వెళ్తావా? లేక సైతాను గాడి మాటలు విని నీ ఇష్టం వచ్చినట్లు బ్రతుకుతూ.. నీకున్న కోరికలను, ఆడి ఆశలను తీర్చుకుంటూ.. ఏదిబడితే అది చేస్తూ నరకంలో పడి చస్తావా? అంతా నీష్టం ఈ రోజే ఆలోచించుకో...!!*
*''యేసు ఆ చిరక పుచ్చుకొనిసమాప్తమైనదని చెప్పి తల వంచి ఆత్మను అప్పగించెను. ఈ మాటలు విజయముతో యేసు క్రీస్తు మొఱపెట్టినవి. ఈ మాటతో యేసు క్రీస్తు ఈ లోకానికి వచ్చిన ఉద్దేశ్యము నెరవేరినది. ఇక్కడ ఏమి సమాప్తమైందో చూద్దాం. ''తండ్రి ఇచ్చిన పనిని యేసు క్రీస్తు పూర్తి చేసారు''(యోహాను 10:17-18)*
*నా తోటి సేవకా..!! తండ్రి నీకు ఇచ్చిన పనిని ఎలా చేస్తున్నావావు? దేవుడు నీ చేతికి అప్పగించిన నీ సేవ విధానం ఎలా వుంది? యేసుక్రీస్తుల ఒక క్షణం తీరక లేకుండా కష్టపడి సేవ చేస్తూ ఆత్మలను రక్షించేవానిగా ఉన్నావా? లేక దేవుని పేరు చెప్పుకుంటూ.. చక్కగా మూడు పూటలు భుజిస్తూ.. సమయం దొరికినప్పుడల్లా సోమరితనంతో నిద్రపోతున్నావా? ఆనాడు యేసుక్రీస్తు ప్రతిదినం క్రమం తప్పకుండా.. వేకూజామునే అంటే ఇంకా తెల్లవారకమునే నిద్ర లేచి ప్రార్థించుటకు ఏకాంత ప్రదేశానికి వెళ్లేవాడు. మరీ ఈ రోజు నీవు క్రమం తప్పకుండా ప్రతిరోజు వేకూజామునే నిద్రలేచి బైబిల్ చదువుతూ.. ప్రార్థిస్తూ.. దేవునితో గడుపుతున్నావా? లేక నీ ఇష్టం వచ్చినప్పుడు బైబిల్ చదువుతూ, ప్రార్థిస్తూ దేవునికి కోపాన్ని పుట్టించే సేవకునిగా ఉన్నావా?*
*విను సేవకా..!! దేవుడు నీ చేతికి అప్పగించిన పనిని శక్తి వంచన లేకుండా చేస్తూ.. ఆత్మలను సంపాదించాలనే గురితో ముందుకు సాగుతూ.. దేవున్ని నవ్వించే విధంగా నీ సేవ విధానం ఉండాలి. దేవునికి వ్యతిరేకంగా సేవ చేస్తూ.. ఆయన ఉగ్రతకు బలికావద్దని నా మనవి. సేవాకా.. చివరిగా ఒక విషయం గుర్తుపెట్టుకో!! ప్రతిదినం నీవు పరిశుద్ధంగా జీవించాలంటే.. దినంలో ఒక సమయాన్ని కేటాయించుకుని మూడు పూటలు బైబిల్ చదువుతూ.. ప్రార్థన చేస్తేనే నీవు ప్రతిరోజు పరిశుద్ధంగా జీవించగల్గుతావు. ప్రతిరోజూ నీవు ఈ ఫార్ములాను పాటించకుండా.. నీవు ఎంత గొప్ప సేవకుడివైనా సరే పరిశుద్ధంగా జీవించలేవు, నీ సంఘాన్నికి అభివృద్ధి బాట వేసుకోలేవు, ఆత్మలను రక్షించలేవు, నిన్ను చూసి నీ ఎదుటి వ్యక్తి దేవునివైపు చూడలేడు. దేవుని గురించి నీ ఎదుటి వ్యక్తికి ఎన్ని ఆత్మీయ మాటలు చెప్పినా సరే ఆ మాటలు వారిలో పని చేయవనే సత్యాన్ని మర్చిపోవద్దు.*
*మీకు తెలుసా? దేవుని సేవ అనే ముసుగులో పిచ్చి, పిచ్చి పనులు చేస్తే కొన్ని సందర్భాల్లో హఠత్తు మరణాలు కూడా వస్తాయి జాగ్రత్త!! అందుకే చెబుతున్నాను... ఒకవేళ తెలిసో..తెలియకో.. దేవుని పిలుపు లేకుండా సేవ చేస్తున్నావేమో! ఒకవేళ ఏ ఉద్యోగం దొరక్కా బైబిల్ను చేతపట్టుకున్నావేమో! అలాగే కష్టపడి పనిచేయలేక సేవ అంటూ ముందుకు వెళ్తున్నావేమో! కడుపు నింపుకోవడం కోసమే సేవ చేస్తున్నావేమో! ఎందుకని ఈరోజు సిలువ వద్ద క్షమాపణ కోరి.. దేవుని కనికరం పొందుకుని.. ఉన్నపాటున ఆ సేవను వదిలి, చేస్తున్న ఆ ఉద్యోగాన్ని చేస్తూ.. ఒక ఆత్మీయునిగా క్రమంగా మందిరాని వెళ్తూ.. దేవుని పిలుపుకోసం ఎదురుచూస్తూ.. ఆయన పిలుపు అందుకుని మరలా సేవ ఎందుకుని ప్రారంభించకూడదు. ఆనాడు ఒక మానవునిగా ప్రభువైన యేసుక్రీస్తు చేసిన ఆ అద్భుతమైన సేవ చేసి.. నీ ఆత్మీయ పరుగు కడముట్టించి, భలే నమ్మకమైన దాసుడా! అని దేవుని చేత అనిపించుకోకూడదు. (అలాగే మరోమాట దేవుని పిలుపు అందుకుని సేవ చేస్తూ.. ఆత్మలను రక్షించేవానివిగా, నీ సంఘాన్ని అభివృద్ధి చేసుకుంటే నీవు ధన్యుడవు.)*
*****************************
*ప్రతిదినం పరిశుద్ధంగా జీవించాలని ఆశపడుతున్నారా? అయితే మీ కోసమే ఈ గ్రూప్స్...!*
*WhatsApp Community - link:*
https://chat.whatsapp.com/GgA4dXmexxS3aMMqqRNead
*****************************
*Telegram group Link*
https://t.me/+XtII92fKOXAyNWQ9
*****************************
*- మీ సహోదరుడు మోషే*
*- (Calvary Kiranalu )*
*-(📲 9550576444)*
*****************************
#i love jesu #✝️Jesu✝️ #✝️తెలుగు క్రైస్తవ వాట్సాప్ స్టేటస్ ⛪️💒 #jesu #యేసు ప్రభువు #JESU I LOVE YOU JESUS