നിങ്ങളെ ആരെങ്കിലും ഇട്ടിട്ട് പോയാൽ നിങ്ങളുടെ മനസ്സ് വൃത്തിയാക്കി വെക്കണം. അതായത് ദേഷ്യമോ, കുറ്റപ്പെടുത്തലുകളോ, സങ്കടമോ, വൈകാരികതയൊ തുടങ്ങി ഒന്നും കൊണ്ടും ഭാരമാക്കി വെക്കരുത്. നിങ്ങളവരെ ഒരുപാട് ഇഷ്ടപ്പെട്ടിട്ടുണ്ടാവാം, എല്ലാം സത്യം തന്നെ. പക്ഷേ എല്ലാ ഭാരവും ഇറക്കി വെക്കാൻ പഠിക്കണം. കാലത്തിൻ്റെ വികൃതിയായി എല്ലാം കാണണം. ജീവിതയാത്രയിൽ ചിലരെ കണ്ടു, കുറച്ച് കാലം ഒപ്പം നടന്നു, പിന്നീടെപ്പോഴോ അവർ യാത്ര പറഞ്ഞോ പറയാതെയോ വഴി മാറിപ്പോയി. നിങ്ങളുടെ യാത്ര തുടരുന്നു. അത്രേയുള്ളൂ. നേരം വെളുത്ത് എഴുന്നേൽക്കുമ്പോൾ പുഞ്ചിരിക്കണം, ദിവസവും പുതിയ ചിന്തകൾ കൊണ്ട് മനസ് നിറയ്ക്കണം. ഇതെല്ലാം എഴുതി വെക്കാൻ എളുപ്പമാണെന്ന് പറഞ്ഞേക്കാം. അല്ല ഇട്ടിട്ട് പോയവരെയോർത്ത് നേരം വെളുപ്പിക്കുന്നത് കൊണ്ടെന്തർത്ഥം? ഏറ്റവുമവസാനം നിങ്ങളൊറ്റക്ക് നിൽക്കുമ്പോൾ. തീർത്തും ഒറ്റക്കാവുമ്പോൾ. ഒരു പുഞ്ചിരി വിടരണം. ഈ പുഞ്ചിരിയാണ് നിങ്ങളുടെ ബലം. #💭 Inspirational Quotes #💭 Best Quotes #✍️Quotes #motivation #💫✌🏼★𝙿𝙾𝚂𝙸𝚃𝙸𝚅𝙸𝚃𝚈★✌🏼💫