#😍 ഏറ്റവും മനോഹരമായ എട്ട് മണിക്കൂര്‍; ഡേറ്റിങ് അനുഭവം പങ്കിട്ട് നടി പാര്‍വതി സിനിമയിലെ ബോൾഡ് നിലപാടുകൾ പോലെ തന്നെ ജീവിതത്തിലും തുറന്ന സമീപനമാണ് നടി പാർവതി തിരുവോത്തിന്റേത്. 2021-ലെ ബ്രേക്കപ്പിന് ശേഷം മൂന്ന് വർഷത്തോളം സിംഗിളായിരുന്ന താരം, ഒടുവിൽ സുഹൃത്തിന്റെ നിർബന്ധത്തിന് വഴങ്ങി ഡേറ്റിങ് ആപ്പുകൾ പരീക്ഷിച്ച രസകരമായ അനുഭവം പങ്കുവെക്കുകയാണ്. യുഎസിൽ വെച്ച് നടന്ന ആ കൂടിക്കാഴ്ചയെക്കുറിച്ച് പാർവതി പറയുന്നതിങ്ങനെ: ✅ മൂന്ന് വർഷത്തെ സിംഗിൾ ലൈഫ് "2024 ജൂണ്‍ വരെ ഞാനൊരു ഡേറ്റിങ് ആപ്പിലുമുണ്ടായിരുന്നില്ല. 2021-ല്‍ എനിക്കൊരു ബ്രേക്കപ്പുണ്ടായി. മൂന്ന് വര്‍ഷമായി ഞാന്‍ സിംഗിള്‍ ആയിരുന്നു. ഇത് തിരിച്ചറിഞ്ഞ എന്റെയൊരു സുഹൃത്താണ് ബമ്പിളും റായയും 'ഫീല്‍ഡ്' (Feeld) എന്നൊരു ആപ്പുമൊക്കെ എനിക്ക് ഡൗണ്‍ലോഡ് ചെയ്ത് തന്നത്. ഞാന്‍ കണ്ടതില്‍ ഏറ്റവും സത്യസന്ധമായ ആപ്പ് അതായിരുന്നു." ✅ അമേരിക്കയിലെ ആ 3 ദിവസങ്ങൾ എല്‍എയില്‍ (LA) ഒരു വര്‍ക്കുമായി ബന്ധപ്പെട്ട് പോയതായിരുന്നു പാർവതി. അവിടെ വെച്ചാണ് 'ഫീല്‍ഡ്' ആപ്പ് ഒന്ന് പരീക്ഷിച്ച് നോക്കാൻ തീരുമാനിച്ചത്. "കാഴ്ചയില്‍ നോര്‍മല്‍ ആയൊരു ആളെ ഞാന്‍ കണ്ടെത്തി. എനിക്ക് ഡേറ്റിങ് ആപ്പില്‍ സംസാരിച്ച് പരിചയമൊന്നുമില്ല. അതുകൊണ്ട് 'ഹായ്, കോഫി കുടിച്ചാലോ' എന്ന് നേരിട്ട് മെസേജ് അയച്ചു. സാധാരണ ആളുകള്‍ കുറച്ച് ദിവസം ചാറ്റ് ചെയ്തിട്ടാണ് കാണാറുള്ളതെന്ന് അവന്‍ പറഞ്ഞു. എനിക്ക് അതിനുള്ള സമയമൊന്നുമില്ല, മൂന്ന് ദിവസത്തില്‍ മടങ്ങും. അതുകൊണ്ട് കണ്ടുമുട്ടണോ വേണ്ടയോ എന്ന് ഞാന്‍ ചോദിച്ചു." ✅ ആരാണ് ആ 'മിസ്റ്ററി' മാൻ? ആപ്പിൽ പാർവതിയുടെ ഫോട്ടോ ഉണ്ടായിരുന്നില്ല. ഒടുവിൽ ഫോട്ടോ അയച്ചു കൊടുത്തപ്പോൾ ഇരുവരും കാണാൻ തീരുമാനിച്ചു. "അവനൊരു സ്റ്റാന്റ് അപ്പ് കൊമേഡിയനും എഞ്ചിനീയറുമൊക്കെയായിരുന്നു. നിക്രാഗ്വന്‍ അമേരിക്കനായിരുന്നു അവന്‍." ✅ കോഫി ഡേറ്റ് മാറി 'സിനിമ' ഡേറ്റ് ആയപ്പോൾ! ആദ്യം കോഫി കുടിക്കാമെന്ന് പറഞ്ഞെങ്കിലും പിന്നീട് തനിക്ക് പേടിയായെന്ന് പാർവതി പറയുന്നു. "പ്രൈവറ്റ് സ്‌പോട്ടില്‍ പോകണ്ടെന്ന് തോന്നി. അങ്ങനെയാണ് സിനിമയ്ക്ക് പോയാലോ എന്ന് ചോദിച്ചത്. ഞങ്ങള്‍ പോയത് 'കൈന്‍ഡ്‌സ് ഓഫ് കൈന്‍ഡ്‌നെസ്' (Kinds of Kindness) എന്ന സിനിമ കാണാനാണ്. ഫസ്റ്റ് ഡേറ്റിന് കാണാന്‍ പറ്റിയ, ഇതിലും അസാധാരണമായൊരു സിനിമ വേറെയില്ല!" - പാർവതി ചിരിയോടെ ഓർക്കുന്നു. ഡേറ്റിങ് ആപ്പുകളോടുള്ള മലയാളികളുടെ മനോഭാവത്തിൽ മാറ്റം വരുന്നുണ്ടോ? പാർവതിയുടെ ഈ തുറന്നുപറച്ചിലിനെ നിങ്ങൾ എങ്ങനെ നോക്കിക്കാണുന്നു? കമന്റ് ബോക്സിൽ പറയൂ... 👇 #ParvathyThiruParvParvathyThiruParv