*సంఘాలలో "ఉడుకుతున్న నీటిలో కప్ప" (The Boiling Frog) రాజీ* ఒక కప్పను తీసుకువెళ్లి మరుగుతున్న వేడి నీటిలో వేస్తే, అది వెంటనే ఆ వేడిని గ్రహించి ప్రాణభయంతో బయటకు గెంతేస్తుంది. కానీ, అదే కప్పను ఒక గిన్నెలో చల్లటి నీళ్లు పోసి అందులో వదిలి, ఆ గిన్నె కింద నెమ్మదిగా మంట పెడితే దాని స్పందన వేరుగా ఉంటుంది. నీరు నెమ్మదిగా వేడెక్కుతున్న కొద్దీ, ఆ కప్ప ఆ వెచ్చదనానికి ఎంతో హాయిగా ఫీలవుతుంది. నీటి ఉష్ణోగ్రత పెరుగుతున్న కొద్దీ, తన శరీర ఉష్ణోగ్రతను దానికి తగ్గట్టుగా మార్చుకుంటూ లోపలే ఉండిపోతుంది. తీరా నీరు మరిగే స్థాయికి చేరుకున్నాక, ఆ వేడిని తట్టుకోలేక బయటకు గెంతేద్దామని ప్రయత్నిస్తుంది. కానీ అప్పటికే దాని శక్తులన్నీ ఉడికిపోయి ఉంటాయి, ఏమాత్రం కదల్లేక ఆ మరుగుతున్న నీటిలోనే ఉడికి చనిపోతుంది. నేటి సంఘాలలో కూడా కొంతమంది విశ్వాసుల ఆత్మీయ జీవితం ఈ "కప్ప" లాగానే ఉంటుంది. ఎవరైనా సరే ఒకేసారి పెద్ద పాపంలో పడిపోరు. సాతాను చాలా తెలివిగా "చిన్న చిన్న రాజీలు" (compromises) అనే మంటను పెడతాడు. "ఈ చిన్న అబద్ధం చెబితే ఏమవుతుందిలే", "ఈ లోకానుసారమైన అలవాటు అందరికీ ఉన్నదే కదా", "వారానికోసారి ప్రార్థన మానేస్తే పర్వాలేదులే" అని వాక్యంతో నెమ్మదిగా రాజీ పడటం ప్రారంభిస్తారు. ఈ చిన్న పాపాలు మొదట్లో వాళ్ళకు చాలా హాయిగా, ఎలాంటి ప్రమాదం లేనివిగా అనిపిస్తాయి. అలా పాపపు వాతావరణానికి అలవాటు పడిపోయి (adjust అయిపోయి), తమలో ఉన్న పరిశుద్ధాత్మ గొంతును చంపేసుకుంటారు. తీరా ఆ పాపం వారిని పూర్తిగా బంధించి నాశనం చేసే సమయానికి, పశ్చాత్తాపపడి బయటకు రాలేనంతగా వారి ఆత్మీయ బలం ఉడికిపోయి ఆత్మీయంగా చనిపోతారు. సాతాను వేసే అతి పెద్ద వల ఈ "నెమ్మదైన రాజీ". (హెబ్రీయులకు 3:13) "కాబట్టి నేడనబడు సమయముండగానే, పాపమువలన కలుగు భ్రమచేత మీలో ఎవడును కఠినపరచబడకుండునట్లు ప్రతిదినమును ఒకనికొకడు బుద్ధి చెప్పుకొనుడి." God bless you all #📙ఆధ్యాత్మిక మాటలు