#😔 ഇമോഷണൽ സ്റ്റാറ്റസ് 😍 ദൂരത്തെവിടയോ ഇടതടവില്ലാതെ ആർത്തലച്ച് പെയ്യുന്ന മഴ.നാടുകൾക്കും വീടുകൾക്കുമിപ്പുറം മഴയുടെ ആരവം പോലും കേൾക്കാൻ കഴിയാത്ത വിധം ദൂരത്തിൽ തിമർത്ത് പെയ്തിരുന്നു.എന്നിട്ടും മഴ പറയുന്നു പെയ്ത മഴ മുഴുവൻ എനിക്ക് വേണ്ടിയായിരുന്നു എന്ന്.മഴയിൽ നനഞ്ഞു കുളിർന്ന നനുത്തൊരു കാറ്റ് പോലും ഇതിലെ കടന്ന് പോയില്ല.എന്നിട്ടും മഴ പറയുന്നു തണുപ്പ് മുഴുവൻ എനിക്കായി പകർന്ന് തന്നു എന്ന്.ഒരില പോലും നനയാൻ വിധം അറിയാതെ എങ്കിലും മാനത്ത് നിന്ന് ഒരു തുള്ളി പോലും വീഴ്ത്താതെ മഴ പറയുന്നു എൻ്റെ വേരുകൾക്കായി മണ്ണിൽ ജീവജലം സംഭരിച്ചത് മഴയാണ് എന്ന്.അങ്ങകലെ ദൂരെയെതോ ഇടങ്ങളിൽ പെയ്ത് തീർന്ന് മടക്കം നേരങ്ങളിൽ ഓർത്തത് കൊണ്ടാവും ഇങ്ങനെയൊരു കള്ളം പറയാൻ മഴക്ക് തോന്നിയത്. ഇല്ലാ..നീയെനിക്കായിതുവരെ പെയ്തിട്ടില്ല.നീ വരുമെന്ന് കാത്തിരുന്നപ്പോഴെല്ലാം നീ പെയ്തത് മറ്റ് പലയിടങ്ങളിൽ ആയിരുന്നു!! നീയെന്ന മഴ ഞാനിതുവരെ നനഞ്ഞിട്ടില്ല.നനയാൻ കൊതിച്ചപ്പോഴെല്ലാം നീ മറ്റെവിടെയൊക്കെയോ പോയി പെയ്ത് തീർന്നു!!