#👩‍🍳 പാചകലോകം +--------+---------+---------+ _*🌶️ ഇന്നത്തെ പാചകം 🍳*_ *മുളക് മസാല* +--------+---------+---------+ ```ഉച്ചക്ക് ഊണിന് ചോറിനൊപ്പം എന്ത് ഉണ്ടാക്കും എന്ന് ചിന്തിച്ച് നമ്മൾ പലപ്പോഴും കുഴപ്പത്തിൽ ആകാറുണ്ട്. സ്ഥിരമായി ഉണ്ടാക്കുന്ന കറികളിൽ നിന്നും വ്യത്യസ്തമായ എന്തെങ്കിലും ആണെങ്കിൽ ആസ്വദിച്ച് തന്നെ ഊണ് കഴിക്കാം. വീട്ടിൽതന്നെ ലഭ്യമായ ഏതാനും ചേരുവകൾ കൊണ്ട് വളരെ പെട്ടെന്ന് തയ്യാറാക്കാവുന്ന തൈര് കൌണ്ടുള്ള ഒരുഗ്രൻ റെസിപ്പി ഇന്ന് തയ്യാറാക്കി നോക്കാം.``` ________________________ *ചേരുവകൾ* _______________________ * _പച്ചമുളക് - 10എണ്ണം_ * _പെരുംജീരകം - അര ടീസ്പൂൺ_ * _ചെറിയജീരകം - അര ടീസ്പൂൺ_ * _കുരുമുളക് - രണ്ടു മൂന്ന് എണ്ണം_ * _ഉലുവ - കാൽ ടീസ്പൂൺ_ * _വെളിച്ചെണ്ണ - ഒരു ടേബിൾ സ്പൂൺ_ * _കടുക് - അര ടീസ്പൂൺ_ * _മുളക്പൊടി - അര ടീസ്പൂൺ_ * _മഞ്ഞൾപ്പൊടി - കാൽ ടീസ്പൂൺ_ * _തൈര് - അര കപ്പ്_ * _കായപ്പൊടി - കാൽ ടീസ്പൂൺ_ * _ഉപ്പ് - ആവശ്യത്തിന്_ * _കറി വേപ്പില - ആവശ്യത്തിന്_ _______________________ *തയ്യാറാക്കുന്ന വിധം* ________________________ ```കുറച്ചു പച്ചമുളക് ഞെട്ടു കളഞ്ഞ് നെടുകെ പിളർന്ന് എടുക്കുക. അര ടീസ്പൂൺ പെരുംജീരകം അര ടീസ്പൂൺ ചെറിയ ജീരകം രണ്ടു മൂന്ന് കുരുമുളക് കാൽ ടീസ്പൂൺ ഉലുവ എന്നിവ പൊടിച്ചെടുക്കുക. ശേഷം ഒരു പാനിൽ ഒരു ടേബിൾ സ്പൂൺ വെളിച്ചണ്ണ ഒഴിച്ച് അതിലേക്ക് അര ടീസ്പൂൺ കടുക് ഇട്ട് പൊട്ടിക്കുക. എടുത്ത് വെച്ചിരിക്കുന്ന പച്ചമുളക് അതിലേക്ക് ഇട്ട് വഴറ്റി എടുക്കുക. തുടർന്ന് തയ്യാറാക്കി വെച്ചിരിക്കുന്ന മസാലപ്പൊടി കൂടി ചേർക്കുക. നന്നായി മിക്സ് ചെയ്യുക. അര ടീസ്പൂൺ മുളക്പൊടി കാൽ ടീസ്പൂൺ മഞ്ഞൾപ്പൊടി എന്നിവ കൂടി ഇട്ട് നന്നായി ഇളക്കികൊടുക്കുക. അതിലേക്ക് അര കപ്പ് തൈര് കാൽ ടീസ്പൂൺ കായപ്പൊടി ആവശ്യത്തിന് ഉപ്പും കൂടി ചേർത്ത് മിക്സ് ചെയ്യുക. ലഭ്യമെങ്കിൽ കറിവേപ്പില കൂടി ചേർത്ത് ചൂടോടെ ചോറിനൊപ്പം കഴിക്കാം.``` +--------+---------+---------+