Middle East Conflict- ಡೊನಾಲ್ಡ್ ಟಂಪ್ ಅವರೇ ನೇಮಿಸಿದ್ದ ಅಮೆರಿಕದ ಧಾರ್ಮಿಕ ಸ್ವಾತಂತ್ರ್ಯ ಆಯೋಗದ ಏಕೈಕ ಮುಸ್ಲಿಂ ಸದಸ್ಯೆಯಾಗಿದ್ದ ಸಮೀರಾ ಮುನ್ಶಿ ಅವರು ಇದೀಗ ತಮ್ಮ ಸ್ಥಾನಕ್ಕೆ ರಾಜೀನಾಮೆ ಸಲ್ಲಿಸಿದ್ದಾರೆ. ಇರಾನ್ ಮೇಲಿನ ಯುದ್ಧ ಮತ್ತು ಟ್ರಂಪ್ ಆಡಳಿತದ ನೀತಿಗಳನ್ನು ವಿರೋಧಿಸಿ ಈ ನಿರ್ಧಾರ ತಳೆದಿರುವುದಾಗಿ ಅವರು ತಿಳಿಸಿದ್ದಾರೆ. ಇರಾನ್ ವಿರುದ್ಧದ ಯುದ್ಧವನ್ನು "ಅಕ್ರಮ ಮತ್ತು ಅನ್ಯಾಯ" ಎಂದು ಕರೆದಿರುವ ಅವರು, ಪ್ಯಾಲೆಸ್ತೀನ್ ಪರ ಧ್ವನಿ ಎತ್ತಿದ್ದ ಸಹೋದ್ಯೋಗಿ ಕ್ಯಾರಿ ಪ್ರಿಜೀನ್ ಅವರ ಉಚ್ಛಾಟನೆಯನ್ನು ಸಹ ಖಂಡಿಸಿದ್ದಾರೆ.