*മുഹിബ്ബിന്റെ ഹുബ്ബ്‌* *ഭാഗം=3* *Written By Fathima Rinsha Binth Saqafi* ________________________________________ ഐന കണ്ണിറുക്കിയടച്ചു പതിയെ നിദ്രയിലേക്ക് മടങ്ങി... അങ്ങനെ ഓരോരോ ദിനവും കടന്നു പോയി... ഇത് വരെയും തങ്ങളെﷺമനാമിലോ യക്ലത്തിലോ കാണാൻ അവൾക്ക് കഴിഞ്ഞില്ല അത് അവളിൽ തീർത്താൽ തീരാത്ത നൊമ്പരം ഉണർത്തി... അതിനിടയിൽ തങ്ങളെﷺകാണാൻ വേണ്ടി ഏറ്റവും പുതിയ ഡ്രെസ്സും ബെഡ് ഷീറ്റുമൊക്കെ മാറ്റി പുതിയ ബെഡ് ഷീറ്റും ഒക്കെ വിരിച്ച് റൂമാകെ അത്തറിനാലെയും നിറഞ്ഞു....മുത്ത് നബിയെﷺസ്വപ്നത്തിൽ കണ്ട ഒരു കുട്ടിയുടെ ചരിത്രത്തിൽ കേട്ടതാ തങ്ങളെﷺവരവേൽക്കാൻ വേണ്ടി നല്ല രീതിയിൽ നിൽക്കണം എന്ന് അന്ന് മുതൽ ഐന ഇങ്ങനെയാണ്... എന്നാൽ അവളെ പ്രതീക്ഷകളെ തച്ചൊടുക്കും വിധം തങ്ങളെﷺകാത്തിരുന്നിട്ട് പോലും അവിടുന്ന്ﷺഒന്നെന്നെ കാണാൻ പോലും വരാത്തത് അവളിൽ നോവുകൾ ആഴത്തിൽ തീർത്തു... ആശ്വാസത്തിന് അവളെ റൂമിലെ അലമാരയുടെ മുന്നിൽ പോയി നിന്നു... "ഐനാ... എന്നെ കാണാനെന്തേ തങ്ങൾﷺവരാത്തത്.. ഇനിയും ഞാനെന്ത് തെറ്റാ ചെയ്യുന്നത്..." വിതുമ്പിക്കൊണ്ട് ഐന ചോദിച്ചു... "മോളേ... നിനക്കൊരു കാര്യം അറിയാവോ കണ്ടവരേക്കാൾ ഇഷ്‌ക്ക് കാണാത്ത നിന്നെപ്പോലെയുള്ളവർക്കുണ്ടാവും അത് മനസ്സിലാക്കി വെക്ക് ട്ടൊ... പിന്നെ നീയിപ്പോൾ ഒരു തെറ്റും ചെയ്യുന്നില്ല നീ നോക്കിക്കോ തങ്ങൾﷺവരാതിരിക്കില്ല... അവിടുത്തെﷺകാണാൻ ആഗ്രഹിക്കുന്നവർ മുൻപ് എത്ര തെറ്റ് ചെയ്തവരാണെങ്കിലും തങ്ങൾﷺകാണാൻ വരും ഉറപ്പ്..." അവളുടെ വാക്കുകൾ ഐനയിൽ ആശ്വാസം വരുത്തി കണ്ണുകൾ ഇറുക്കെയടച്ച് തുറന്നു...അന്നവൾക്ക് പിരിയഡ്‌സ് ആയി... സാധാരണ പിരിയഡ്‌സ് ടൈമിൽ ഫോണിൽ ചിലവഴിക്കാറുള്ള അവൾ സ്വലാത്തിനാലെ നാവ് നിറച്ചു കൊണ്ടേയിരുന്നു... ആയിരം താജുസ്വലാത്ത് ദിവസവും ചൊല്ലാതെ അവള് ഉറങ്ങൂലായിരുന്നു... കൂടെ തന്നെ പതിനായിരം ഫാത്തിമിയ്യ സ്വലാത്തും നിസ്കാരം ഇല്ലാത്തപ്പോ അത് അമ്പതിനായിരത്തിലേക്കുമെത്തി നിൽക്കും മാഷാ അല്ലാഹ്... അങ്ങനെയിരിക്കെ അന്ന് രാത്രി... അവളെ കൂട്ടുകാരിയുമൊത്ത് മദ്ഹ് എഴുതിക്കൊണ്ടിരിക്കുന്ന സമയം... അവൾ എഴുതുന്ന ഓരോ വരിക്കും അവളെ ഫ്രണ്ട് ഷംസി മറു വരി നൽകും വല്ലാത്ത അർത്ഥവത്തായ വരികളാവും ഷംസി അയക്കാറ് അതിനേക്കാൾ മനോഹരമായി അവളും നൽകിക്കൊണ്ടിരിക്കും അങ്ങനെ മത്സരിച്ച് മദ്ഹ് എഴുതും... അങ്ങനെ ഇപ്പൊ ഉറങ്ങിപ്പോകുമെന്നായപ്പോൾ അവൾ നാളെ കാണാം ഇൻ ഷാ അല്ലാഹ് എന്നും പറഞ്ഞു കിടക്കാൻ പോയി... അല്ലാഹുവേ എന്റെ മുത്തോരെﷺഒന്ന് മനാമിൽ കാണിക്കണേയെന്ന് എന്നത്തേയും പോലെ മനമുരുകിയവൾ പ്രാർത്ഥിച്ചു... പാതിയടഞ്ഞ കണ്ണുകളിൽ അതാ പച്ചയാൽ കുതിർന്ന മദീനയുടെ ഒരു ഭാഗം കാണുന്നു അവിടെ പച്ച ചുരിദാറും പച്ച ഷോളും ചുറ്റി ഇട്ട് ഒരു പെൺകുട്ടി നിൽകുന്നു കണ്ടാലറിയാം അത് ഐന തന്നെ അവൾക്കും മദീനക്കുമിടയിൽ ഒരു കുഞ്ഞു വേലിയുമുണ്ട്... ആരൊക്കെയോ തന്നോട് തട്ടം നേരം പോലെയിടാനും തങ്ങൾﷺവരുന്നുണ്ടെന്നും പറയുന്നു എന്നിട്ട് തന്റെ ബാക്കിലേക്ക് നോക്കാൻ ആരോ പറഞ്ഞപ്പോൾ അവളൊന്ന് തിരിഞ്ഞു നോക്കി... അവിടെ നിന്നും നടന്നു വരുന്ന മുത്താറ്റലോരെﷺകാണെ അവളുടെ ഉള്ളം സന്തോഷത്താൽ നിറഞ്ഞു മിഴിനീർ കണങ്ങളിലൂടെ സന്തോഷപ്പെരുമഴ തന്നെ പെയ്തു... ഒരുപാട് നാളത്തെ ആഗ്രഹം കാത്തിരുന്ന് കിട്ടിയ സമ്മാനം... ഇനിയെന്ത് വേറെ വേണമെനിക്ക്... പ്രകാശം കൊണ്ട് കൂടെയുള്ളവരെ കാണാൻ കഴിയുന്നില്ല ചുറ്റിലും പ്രകാശം.., നിര നിരയായി നിൽക്കുന്ന വെളുത്ത പല്ലുകൾ കൊണ്ട് അതി മനോഹരമായി പുഞ്ചിരിക്കുന്നുണ്ട് ചുവപ്പിൽ വെളുപ്പ് കലർന്ന നിറം നീളൻ താടിയും കന്തൂറയും തലപ്പാവും, പുരികക്കൊടിക്കൾക്കിടയിലൂടെ ഒരു വിടവ് അവിടുമിൽ കാണാനൊരു പ്രത്യേക മോഞ്ച് അവിടുന്ന് പ്രകാശം കുത്തിയടിക്കുന്നു... തുടുത്ത കവിളുകൾ അങ്ങനെ അങ്ങനെ എല്ലാം അവൾ കണ്ണെടുക്കാതെ നോക്കിക്കണ്ടു മാഷാ അല്ലാഹ്... അന്ന് ഐന പറഞ്ഞ പോലെ എങ്ങനെ ഞാനെന്റെ മിഴികൾ പിൻവലിക്കും യാ റബ്ബേ... ഒരു വേള ഈ സ്വപ്നം കഴിയാതിരുന്നെങ്കിൽ ഈ ജന്മം തങ്ങളെﷺഇങ്ങനെ നോക്കിയിരിക്കാൻ കഴിഞ്ഞെങ്കിൽ എന്നെല്ലാം അവളാശിച്ചു പോയി... അവിടെ മദീനയുടെ ചാരെ ഒരു സ്ടൂളിൽ എന്റെ നബിയോര്ﷺഇരുന്നെന്നെ മാടി വിളിക്കുന്നു... പുറകിൽ കൂടെ വന്നവരും നിൽക്കുന്നുണ്ട് സ്വഹാബാക്കൾ ആണെന്ന് തോന്നുന്നു... ഒരു നിമിഷം ഞാൻ അതിശയിച്ചു പോയി ഞാൻ അത്ഭുധത്തോടെ ഒന്നൂടെ നോക്കി വീണ്ടും വിളിക്കുന്നു എന്നെയാവുമോ തങ്ങൾﷺ വിളിക്കുന്നത് ... തെല്ലൊരു സംശയം തോന്നിയ ഞാൻ പുറകിലേക്ക് നോക്കി ഇല്ല അവിടെയെങ്ങും ആരുമില്ല അപ്പൊ സംശയിക്കണ്ട എന്നെ തന്നെ... ഞാൻ അങ്ങോട്ടേക്ക് ഓടിപ്പോയി എന്നാൽ അപ്പോഴേക്കും ഞാൻ ഞെട്ടി ഉണർന്നിരുന്നു... അടുത്ത് ടേബിളിൽ ഇരിക്കുന്ന ജഗിൽ നിന്നും അല്പം വെള്ളം കുടിച്ചു... പടച്ചോനെ എന്താ ഞാനിപ്പോ കണ്ടത്... കണ്ടത് തങ്ങളെയാണ്ﷺഎന്നത് നൂറ് ശതമാനം ഉറപ്പ് തന്നെ... എങ്കിലും ഞാൻ കണ്ടല്ലോ എന്നായിരുന്നു ഉള്ളിൽ... എങ്ങനെയിപ്പോ ഇതിന്റെ വ്യാഖ്യാനം അറിയും അല്ലാഹ്... ഉസ്താദിനോട് ചോദിക്കാം എന്നൊക്കെ മനസ്സിൽ കരുതി... സമയം നോക്കുമ്പോ 3:25 ഈ സമയം ഉസ്താദ് ഉറങ്ങുവായിരിക്കും... ഒന്ന് നേരം വെളുത്തെങ്കിലെന്ന് അവളൊന്ന് ആശിച്ചു പോയി...അന്നവൾക്ക് പിന്നെ നിദ്രയെ പുൽകാൻ പോലും ആയില്ലായെന്ന് വേണം പറയാൻ... എത്ര തിരിഞ്ഞും മറിഞ്ഞും കിടന്ന് നോക്കി എവടെ നിദ്രയെന്ന ഒരാള് അടുത്തേക്ക് പോലും വന്നില്ലെന്ന് വേണം പറയാൻ... അങ്ങനെ അവള് മദ്ഹ് പുസ്തകം കയ്യിലെടുത്തു തുറന്നപ്പോൾ തന്നെ വല്ലാത്ത അത്തറിന്റെ ഗന്ധത്തേക്കാൾ കസ്തൂരിയുടെ ഗന്ധം... അവൾ അത്ഭുതപ്പെട്ടു ഇനി തനിക്ക് തോന്നുന്നതാവുമോ... അവളാ ഗന്ധത്തെ ആവോളം നാസികയിലേക്ക് വലിച്ചു കയറ്റി... അല്ല തോന്നുന്നതല്ല റൂമെങ്ങും ആ ഗന്ധം പരന്നു കൊണ്ടിരിക്കുന്നു... അവളുടെ കണ്ണുകൾ ഈറനണിഞ്ഞു ഓരോ കണ്ണ് നീര് തുള്ളികളും ആ പുസ്തകത്തിലേക്ക് ഇറ്റി വീണു കൊണ്ടിരുന്നു അവള് തന്റെ പച്ച മഷിപ്പേന കയ്യിലെടുത്തു... അതിൽ നിന്നും വല്ലാത്തൊരു പ്രകാശം ആ പ്രകാശം കൊണ്ട് റൂമിൽ ലൈറ്റ് പോലും വേണ്ടായിരുന്നു അത്രയും ഉണ്ടത്... ആ പ്രകാശത്തിൽ അവൾ മദ്ഹ് എഴുതാൻ തുടങ്ങി... *മൊഞ്ചിൽ തിളങ്ങി നിൽക്കും അഞ്ചിൽ പ്രഭയൊളി ത്വാഹാവേ ﷺ... കാണാൻ ആഗ്രഹിച്ച ഈ പാപിയുടെ അടുത്തേക്കും അങ്ങ്ﷺവന്നുവല്ലേ... എന്തൊരു തിളക്കാമായിരുന്നു ആ വജ്ഹ് കാണാൻ... കണ്ണെടുക്കാൻ കഴിഞ്ഞില്ലല്ലോ മുത്തോരെﷺ...* നിലാവ് പോലുള്ള ഈ രാത്രിയിൽ അങ്ങയുടെﷺപ്രകാശവും വജ്ഹുമൊന്ന് കാണാൻ കാത്തിരുന്നു കാത്തിരുന്നു കാലം ഓരോന്നും ദിനങ്ങൾ ഓരോന്നും കടന്ന് പോയപ്പോ പോലും അറിഞ്ഞില്ല നബിയേﷺഅങ്ങ്ﷺഇത്രയും മനോഹരമായി എന്റെ കിനാവിൽ അണയുമെന്ന്... അന്ന് ഐന പറഞ്ഞത് പോലെയാണല്ലോ അങ്ങെന്നിലേക്ക്ﷺവന്നത്... ഇനിയും വരൂലേ... കാത്തിരിപ്പാണ് നബിയേﷺ....ഇനി രണ്ടേ രണ്ട് ആഗ്രഹങ്ങളെ ഒള്ളൂ... ഒന്ന് യക്ലത്തിൽ(നേരിട്ട്.., സ്വപ്നം അല്ലാതെ കാണുന്നതിനാണ് ട്ടൊ ഇങ്ങനെ പറയാ...പലർക്കും ഇതെന്താണെന്ന് അറിയില്ല...അറിയാത്തവർക്ക് വേണ്ടി...)തങ്ങളെﷺ മതിവരുവോളമൊന്ന് ദർശിക്കണം മതിയാവൂല അത് നൂറ് ശതമാനം ഉറപ്പ് തന്നെ എങ്കിലും..,പിന്നെ മദീനയോരം പോണം ഒരുപാട് പോയിപ്പോയി അവസാനത്തെ പോക്കിൽ അവിടുമിൽ മരിച്ചു വീഴണം എന്നിട്ട് ജന്നത്തുൽ ബഖീഇലൊരിടം നേടിയെടുക്കണം ഇൻ ഷാ അല്ലാഹ്... വിധി തരൂലേ യാ അല്ലാഹ്... തേടുന്നു യാ നബിയേﷺ... അത് പിന്നെയങ്ങനെയാണല്ലോ ഒരു ആഗ്രഹം നിറവേറിയാൽ മറ്റൊന്നിനോടുള്ള ആഗ്രഹം കൂടും ഉദാഹരണം പറഞ്ഞാൽ ഇപ്പൊ വലിയ ആഗ്രഹമുള്ള രണ്ട് സാധനങ്ങൾ വാങ്ങിക്കണമെന്നൊരാൾക്ക് വല്ലാത്ത ആഗ്രഹം... അതിലൊന്ന് കരസ്തമാക്കിയാൽ ആ ആഗ്രഹം പൂവണിഞ്ഞല്ലോ പിന്നെ മറ്റൊന്നിനോട് ആവുമല്ലോ പൂതി എന്നത് പോലെയായിരുന്നു ഐനക്കും മനാമിൽ കണ്ടല്ലോ ഇനി യക്ലത്തിൽ കാണണമെന്നായി വല്ലാത്ത പൂതി... പിന്നീട് അതിന് വേണ്ടിയുള്ള ഓരോരോ കാര്യങ്ങളിലായി ഐന ഏർപ്പെട്ടു... പിറ്റേന്ന് സുബ്ഹി നിസ്കാരം കഴിഞ്ഞ് ദിവസവും ചെയ്യുന്ന പ്രഭാത കർമങ്ങളിൽ ഏർപ്പെട്ടതിന് ശേഷം ഐന ഉസ്താദിനോട് സംഭവങ്ങൾ വിവരിച്ചു കൊടുത്ത്...ഉസ്താദ് വ്യാഖ്യാനം പറഞ്ഞ് കൊടുത്തു...ആ വോയിസ്‌ വ്യക്തമായി ശ്രദ്ധിച്ചു കേട്ടാലറിയാം ഉസ്താദ് കരഞ്ഞിട്ടുണ്ടെന്ന്... "മാഷാ അല്ലാഹ്... അൽഹംദുലില്ലാഹ്.. അൽഹംദുലില്ലാഹ്.. അൽഹംദുലില്ലാഹ്...അതെ ഐനാ നീയെന്തൊരു ഭാഗ്യം ചെയ്ത മോളാണ്... നിന്നെയോർത്തെനി ക്കിപ്പോൾ അഭിമാനവും അത്ഭുധവും ഒരുപോലെ തോന്നുന്നു... ഇനിയും കാണാൻ നാഥൻ തൗഫീഖ് നൽകട്ടെ... തീർച്ചയായും അത് മുത്താറ്റലോര്ﷺതന്നെയാണ് ട്ടൊ..." അത്രയും പറഞ്ഞതും ഐനയുടെ ഉള്ളിൽ സന്തോഷപ്പെരുമഴ തന്നെ പെയ്ത് കൊണ്ടിരുന്നു... എങ്കിലും അവളിൽ നോവുണർത്തിയത് കണ്ട സ്വപ്നത്തിലെ വേലിയും മുത്തോരെﷺഅടുത്തെത്താനായപ്പോഴേക്കും തീർന്ന സ്വപ്നവുമായിരുന്നു... ഇനിയും ഞാൻ നന്നാവേണ്ടതുണ്ടോ റബ്ബേ... എന്താണ് ഇനി എന്നിൽ അവശേഷിക്കുന്ന തെറ്റ്... അവളോർത്ത് കൊണ്ടിരുന്നു... പക്ഷെ തെറ്റ് മാത്രം കണ്ട് പിടിക്കാൻ അവൾക്കായില്ല... എങ്ങനെ കഴിയും കാരണം അവളത്രമേൽ തെറ്റുകളെ വെടിഞ്ഞിരുന്നു... (തുടരും..) ഇൻ ഷാ അല്ലാഹ് ബാക്കി ഭാഗങ്ങളുമായി വീണ്ടും കാണാം... *🌹✨💚اَللَّهُمَّ صَلِّ عَلَى سَيِّدِنَا مُحَمَّدِ نِ الْفَاتِحِ لِمَا أُغْلِقَ وَالْخَاتِمِ لِمَا سَبَقَ نَاصِرِ الْحَقِّ بِالْحَقِّ وَالْهَادِي إِلَى صِرَاطِكَ الْمُسْتَقِيمْ وَعَلَى آلِهِ حَقَّ قَدْرِهِ وَمِقْدَارِهِ الْعَظِيمِ.💚✨🌹* മുത്ത് നബിയുടെﷺമേലിൽ സ്വലാത്തുകൾ വർഷിക്കട്ടെ... മദീനയിൽ നമ്മളെ എല്ലാവരെയും എത്തിക്കട്ടെ... *آمين يارب العالمين ببركة رسول الله صلى الله عليه وسلم🤲🌹* 💚💚💚💚💚💚💚💚💚💚💚💚💚💚💚💚💚💚💚💚💚💚 #📙 നോവൽ