ਗੁਰੂ ਅੰਗਦ ਦੇਵ ਵੈਟਰਨਰੀ ਐਂਡ ਐਨੀਮਲ ਸਾਇੰਸਜ਼ ਯੂਨੀਵਰਸਿਟੀ (ਗਡਵਾਸੂ), ਲੁਧਿਆਣਾ ਵਿਖੇ ਤਿੰਨ ਦਿਨਾਂ ‘ਇਨਡੀਵੈੱਟ ਸੰਮੇਲਨ 2026: ਬ੍ਰਿਜਿੰਗ ਸਾਇੰਸ, ਪਾਲਿਸੀ ਐਂਡ ਐਜੂਕੇਸ਼ਨ’ ਦਾ ਆਯੋਜਨ ਕੀਤਾ ਗਿਆ। ਇਸ ਸੰਮੇਲਨ ਵਿੱਚ ਜਰਮਨੀ ਅਤੇ ਕੈਨੇਡਾ ਦੇ ਅੰਤਰਰਾਸ਼ਟਰੀ ਵਿਗਿਆਨੀਆਂ, ਸਿੱਖਿਆ ਸ਼ਾਸਤਰੀਆਂ ਅਤੇ ਨੀਤੀ ਨਿਰਮਾਤਾਵਾਂ ਨੇ ਆਪਣੇ ਭਾਰਤੀ ਹਮਰੁਤਬਾ ਨਾਲ ਸ਼ਿਰਕਤ ਕੀਤੀ। ਇਸ ਸਮਾਗਮ ਦਾ ਆਯੋਜਨ ਭਾਰਤੀ ਅਤੇ ਜਰਮਨ ਸਰਕਾਰਾਂ ਵਿਚਕਾਰ ਵਧ ਰਹੇ ਸਹਿਯੋਗ ਅਤੇ ਦੋਸਤੀ ਨੂੰ ਹੋਰ ਮਜਬੂਤ ਕਰਨ ਲਈ ਕੀਤਾ ਗਿਆ ਸੀ।ਯੂਨੀਵਰਸਿਟੀ ਦੇ ਵਾਈਸ-ਚਾਂਸਲਰ ਡਾ. ਜੇ.ਪੀ.ਐਸ. ਗਿੱਲ ਨੇ ਜ਼ੋਰ ਦੇ ਕੇ ਕਿਹਾ ਕਿ ਦੁਨੀਆ ਕਈ ਚੁਣੌਤੀਆਂ ਦਾ ਸਾਹਮਣਾ ਕਰ ਰਹੀ ਹੈ ਜਿਵੇਂ ਕਿ ਜਲਵਾਯੂ ਪਰਿਵਰਤਨ, ਐਂਟੀਮਾਈਕ੍ਰੋਬਾਇਲ ਪ੍ਰਤੀਰੋਧ, ਭੋਜਨ ਸੁਰੱਖਿਆ ਅਤੇ ਉੱਭਰ ਰਹੇ ਅਤੇ ਨਵੇਂ ਰੋਗਾਣੂਆਂ ਤੋਂ ਮਹਾਂਮਾਰੀ ਦੀ ਭਵਿੱਖੀ ਸੰਭਾਵਨਾ। ਉਨ੍ਹਾਂ ਨੇ ਇਸ ਗੱਲ ’ਤੇ ਜ਼ੋਰ ਦਿੱਤਾ ਕਿ ਇਨ੍ਹਾਂ ਚੁਣੌਤੀਆਂ ਨੂੰ ਘਟਾਉਣ ਲਈ ਸਾਂਝੀ ਸਿਹਤ ਨਾਲ ਸੰਬੰਧਿਤ ਟੀਮਾਂ ਦੀ ਭੂਮਿਕਾ ਬਹੁਤ ਮਹੱਤਵਪੂਰਨ ਹੈ। ਬੁਲਾਰਿਆਂ ਨੇ ਵੈਟਰਨਰੀ ਖੋਜ, ਨਵੀਨਤਾ ਅਤੇ ਨੀਤੀਗਤ ਸ਼ਮੂਲੀਅਤ ਵਿੱਚ ਨਿਰੰਤਰ ਭਾਰਤ-ਜਰਮਨ ਸਹਿਯੋਗ ਦੀ ਜ਼ਰੂਰਤ ’ਤੇ ਜ਼ੋਰ ਦਿੱਤਾ। ਪਹਿਲੇ ਦਿਨ, “ਲੈਬ ਤੋਂ ਕਾਨੂੰਨ ਤੱਕ” ਇੱਕ ਸਮਰਪਿਤ ਸੈਸ਼ਨ ਆਯੋਜਿਤ ਕੀਤਾ ਗਿਆ ਜਿਸ ਵਿੱਚ InDeVet ਵਿਗਿਆਨੀਆਂ ਨੂੰ ਸਥਾਨਕ ਨੀਤੀ ਨਿਰਮਾਤਾਵਾਂ, ਸਰਕਾਰੀ ਅਧਿਕਾਰੀਆਂ ਅਤੇ ਉਦਯੋਗ ਦੇ ਨੇਤਾਵਾਂ ਨਾਲ ਜੋੜਿਆ ਗਿਆ ਤਾਂ ਜੋ ਜਨਤਕ ਨੀਤੀ ਵਿੱਚ ਸਾਂਝੀਆਂ ਸਿਹਤ ਸਮੱਸਿਆਵਾਂ ਦੇ ਹੱਲ ਲਾਗੂ ਕਰਨ ਬਾਰੇ ਚਰਚਾ ਕੀਤੀ ਜਾ ਸਕੇ।ਦੂਜੇ ਦਿਨ, “ਡੀਐਫਜੀ-ਡੀਐਸਟੀ ਪ੍ਰੋਜੈਕਟ ਛੂਤ ਦੀਆਂ ਬੀਮਾਰੀਆਂ ਵਿਰੁੱਧ ਲੜਾਈ ਵਿੱਚ ਇਮਿਊਨ ਸਿਸਟਮ-ਯੋਜਨਾ” ’ਤੇ ਇੱਕ ਸ਼ੈਸਨ ਵਿੱਚ ਮਨੁੱਖਾਂ ਅਤੇ ਜਾਨਵਰਾਂ ਲਈ ਨਵੇਂ ਇਲਾਜ ਸੰਬੰਧੀ ਪਹੁੰਚਾਂ ਦੀ ਪੜਚੋਲ ਕੀਤੀ ਗਈ। ਇਸ ਸੈਸ਼ਨ ਵਿੱਚ, ਪ੍ਰੋ. ਮਾਰੇਨ ਵੌਨ ਕੋਕਰਿਟਜ਼-ਬਲਿਕਵੇਡ ਅਤੇ ਅਹਿਮਦ ਐਲਮੋਂਟਾਸਰ ਨੇ ਲਾਗ ਦੇ ਸੰਦਰਭ ਵਿੱਚ ਇਮਿਊਨ ਪ੍ਰਤੀਕਿਰਿਆ ’ਤੇ ਵਿਗਿਆਨਕ ਅਜੋਕੀਆਂ ਖੋਜਾਂ ਬਾਰੇ ਦੱਸਿਆ। ਡਾ. ਫ੍ਰਾਂਜ਼ਿਸਕਾ ਲੈਂਗਰ, ਡਾਇਰੈਕਟਰ ਇੰਟਰਨੈਸ਼ਨਲ ਅਫੇਅਰਜ਼ – ਡੁਤਸ਼ੇ ਫੋਰਸਚੰਗਸਗੀਨਸਚੈਫਟ (ਡੀਐਫਜੀ) ਆਫਿਸ ਇੰਡੀਆ ਨੇ ਜਰਮਨੀ ਅਤੇ ਭਾਰਤ ਵਿਚਕਾਰ ਕਈ ਖੋਜ ਫੰਡਿੰਗ ਅਤੇ ਸਹਿਯੋਗ ਸੰਭਾਵਨਾਵਾਂ ਨੂੰ ਉਜਾਗਰ ਕੀਤਾ। ਇਹ ਜ਼ਿਕਰਯੋਗ ਹੈ ਕਿ ਡੀਐਫਜੀ ਜਰਮਨੀ ਵਿੱਚ ਵਿਗਿਆਨ ਅਤੇ ਮਨੁੱਖਤਾ ਲਈ ਸਭ ਤੋਂ ਵੱਡਾ ਖੋਜ ਫੰਡਿੰਗ ਅਤੇ ਕੇਂਦਰੀ ਸਵੈ-ਸ਼ਾਸਨ ਸੰਗਠਨ ਹੈ।#GADVASU #veterinaryuniversity #ViceChancellor #health #science #summit #📑ਸ਼ੇਅਰਚੈਟ ਜਾਣਕਾਰੀ 📑