ਪੰਜਾਬ ਵਿਚ ਰੋਜ਼ਾਨਾਂ ਕੋਈ ਨਾ ਕੋਈ ਵਾਰਦਾਤ ਹੋ ਰਹੀ ਹੈ, ਜਿਸ ਨਾਲ ਲੋਕਾਂ ਦੇ ਅੰਦਰ ਡਰ ਦਾ ਮਾਹੌਲ ਪੈਦਾ ਹੋ ਰਿਹਾ ਹੈ। ਤਾਜ਼ਾ ਮਾਮਲਾ ਲੁਧਿਆਣਾ ਤੋਂ ਸਾਹਮਣੇ ਆਇਆ ਹੈ, ਜਿਥੇ ਇਕ ਸੁੰਨਸਾਨ ਸੜਕ 'ਤੇ ਵਿਆਹ ਸਮਾਗਮ ਤੋਂ ਵਾਪਸ ਆ ਰਹੇ ਕਾਰ ਸਵਾਰ ਕੁਝ ਲੋਕਾਂ 'ਤੇ ਹਮਲਾ ਕਰਕੇ ਲੁੱਟਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਲੁੱਟ ਦੀ ਇਸ ਘਟਨਾ ਦੌਰਾਨ ਕਾਰ ਵਿਚ ਸਵਾਰ ਵਿਦੇਸ਼ ਤੋਂ ਆਈ ਇਕ NRI ਔਰਤ ਨੇ ਲੁਟੇਰਿਆਂ ਨੂੰ ਭਾਜੜਾਂ ਪੁਆ ਦਿੱਤੀਆਂ, ਜਿਸ ਕਾਰਨ ਵੱਡੀ ਵਾਰਦਾਤ ਹੋਣ ਤੋਂ ਟੱਲ ਗਈ। ਮਿਲੀ ਜਾਣਕਾਰੀ ਮੁਤਾਬਕ ਲੁਧਿਆਣਾ ਦੀ ਇਕ ਸੁੰਨਸਾਨ ਸੜਕ ਤੋਂ ਕੁੱਝ ਔਰਤਾਂ ਵਿਆਹ ਸਮਾਗਮ ਤੋਂ ਵਾਪਰ ਘਰ ਆ ਰਹੀਆਂ ਸਨ। ਜਿਸ ਦੌਰਾਨ ਰਾਸਤੇ ਵਿਚ ਕੁਝ ਲੁਟੇਰਿਆਂ ਨੇ ਉਨ੍ਹਾਂ ਨੂੰ ਲੁੱਟਣ ਲਈ ਉਨ੍ਹਾਂ ਦੀ ਕਾਰ 'ਤੇ ਅੰਡਾ ਮਾਰਿਆ, ਜਿਸ ਨਾਲ ਕਾਰ ਰੁੱਕ ਗਈ। ਫਿਰ ਉਨ੍ਹਾਂ ਨੇ ਜਿਵੇਂ ਹੀ ਲੁੱਟ ਦੀ ਵਾਰਦਾਤ ਨੂੰ ਅੰਜ਼ਾਮ ਦੇਣ ਦੀ ਕੋਸ਼ਿਸ਼ ਕੀਤੀ ਤਾਂ ਕਾਰ ਵਿਚ ਬੈਠੀ ਇਕ NRI ਔਰਤ ਨੇ ਦਲੇਰੀ ਦਿਖਾਉਂਦੇ ਹੋਏ ਤੇਜ਼ਧਾਰ ਤਲਵਾਰ ਕੱਢ ਗਈ। ਉਹ ਤਲਵਾਰ ਲੈ ਕੇ ਲੁਟੇਰਿਆਂ ਵੱਲ ਨੂੰ ਦੌੜੀ, ਜਿਸ ਨੂੰ ਦੇਖ ਉਹ ਮੌਕੇ ਤੋਂ ਫ਼ਰਾਰ ਹੋ ਗਏ। NRI ਔਰਤ ਤਲਵਾਰ ਹੱਥ ਵਿਚ ਫੜ ਕੇ ਲੁਟੇਰਿਆਂ ਨੂੰ ਲਲਕਾਰ ਰਹੀ ਸੀ ਅਤੇ ਕਹਿ ਰਹੀ ਕਿ 'ਆਜੋ ਹੁਣ ਡਰਦੇ ਕਿਉਂ ਓ'। ਕਾਰ ਵਿਚ ਸਵਾਰ ਬਾਕੀ ਦੀਆਂ ਔਰਤਾਂ ਨੇ ਇਸ ਘਟਨਾ ਦੀ ਵੀਡੀਓ ਬਣਾ ਲਈ, ਜੋ ਹੁਣ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਇਸ ਵੀਡੀਓ ਨੂੰ ਦੇਖ ਕੇ ਲੋਕ ਔਰਤ ਦੀ ਦਲੇਰੀ ਦੀਆਂ ਗੱਲਾਂ ਕਰ ਰਹੇ ਹਨ, ਜਿਸ ਦੀ ਸਮਝਦਾਰੀ ਨਾਲ ਇਕ ਵੱਡੀ ਵਾਰਦਾਤ ਹੋਣ ਤੋਂ ਟੱਲ ਗਈ। #👏NRI ਔਰਤ ਦੀ ਦਲੇਰੀ! ਤਲਵਾਰ ਕੱਢ ਡਰਾਏ ਲੁਟੇਰੇ