ജനുവരി 15:എം.വി. ദേവൻ
(1928-2014) ജന്മദിനം
🌹➖🌹➖🌹➖🌹➖🌹
പ്രമുഖശില്പിയും ചിത്രകാരനും എഴുത്തുകാരനും പ്രഭാഷകനുമായിരുന്നു, മഠത്തിൽ വാസുദേവൻ എന്ന എം. വി. ദേവൻ. കേരളത്തിലെ ആധുനിക ചിത്രകലാപ്രസ്ഥാനത്തിന്റെ പ്രചാരകരിൽ മുമ്പൻ. വാസ്തുശില്പ മേഖലയിൽ ലാറി ബേക്കറുടെ അനുയായി. മയ്യഴിയിലെ മലയാള കലാഗ്രാമത്തിന്റെ ഓണററി ഡയറക്ടർ.
1928 ജനുവരി 15-ന് തലശ്ശേരിക്കടുത്ത് പന്ന്യന്നൂര് എന്ന ഗ്രാമത്തില് ജനിച്ചു. സ്കൂള് പഠനം കഴിഞ്ഞയുടനെ 1946-ല് മദ്രാസിലെത്തി. ദേവീപ്രസാദ് റോയ് ചൗധരി, കെ.സി.എസ് പണിക്കര് എന്നിവരുടെ ശിക്ഷണത്തില് ചെന്നയിലെ ഗവ: സ്കൂള് ഓഫ് ആര്ട്സ് ആന്ഡ് ക്രാഫ്റ്റ്സിൽ ചിത്രകലാപഠനം നടത്തി. എം. ഗോവിന്ദനുമായി പരിചയത്തിലായി. ബൗദ്ധിക ജീവിതത്തെ ഏറെ സ്വാധീനിച്ച അടുപ്പമായിരുന്നത്.
മദ്രാസില് നിന്ന് തിരിച്ചെത്തിയ ശേഷം 1952-ല് കോഴിക്കോട് മാതൃഭൂമിയില് ചേര്ന്നു. രേഖാചിത്രങ്ങള്ക്ക് പുറമേ എഴുത്തിലും കലാനിരൂപണത്തിലും കഴിവുകള് വിളക്കിയെടുത്തു.
പ്രശസ്തരുടെ സാഹിത്യകൃതികള്ക്ക് ഒഴുച്ചുകൂടാനാകാത്തതായിരുന്നു അന്ന് എം വി ദേവന്റെ വര. ബഷീറിന്റെ ആനവാരിയും പൊന്കുരിശും, ഉറൂബിന്റെ ഉമ്മാച്ചു തുടങ്ങിയ കൃതികള്ക്ക് നല്കിയ ഇലസ്ട്രേഷന് പ്രസിദ്ധം.
1974 മുതല് മൂന്ന് വര്ഷം കേരള ലളിതകലാ അക്കാദമിയുടെ ചെയര്മാനായി പ്രവര്ത്തിച്ചിട്ടുണ്ട്. ലളിതകലാ രംഗത്ത് കേരള സര്ക്കാറിന്റെ പരമോന്നത ബഹുമതിയായ രാജാരവിവര്മ പുരസ്കാരം ലഭിച്ചു.
ചെന്നൈ ചോളമണ്ഡലം സ്ഥാപിക്കുന്നതില് പങ്കു വഹിച്ചു. കേരളത്തില് പ്രമുഖ ചിത്രകലാ സ്ഥാപനങ്ങളായ കേരള കലാപീഠം, മാഹി കലാഗ്രാമം എന്നിവയുടെ സ്ഥാപകരില് ഒരാളാണ്. ഇവയിലൂടെ കേരളത്തില്
ആധുനിക ചിത്രകലാ പ്രസ്ഥാനത്തിന് പ്രചാരം നല്കി.
ദേവസ്പന്ദനം എന്ന ലേഖന സമാഹാരമാണ് ഏറ്റവും പ്രമുഖ കൃതി. ഈ കൃതിയ്ക്ക് കേരള സാഹിത്യ അക്കാദമി പുരസ്കാരം, വയലാര് അവാര്ഡ്, മലയാറ്റൂര് അവാര്ഡ് എന്നിവ ലഭിച്ചിട്ടുണ്ട്.
കൊല്ലം നെഹ്രു പാര്ക്കിലെ അമ്മയും കുഞ്ഞും പ്രശസ്ത ശില്പ്പമാണ്. പെരുംതച്ചന് എന്ന് സംഘടനയിലൂടെ ലാറി ബേക്കറിന്റെ ചെലവുകുറഞ്ഞ നിര്മ്മാണ ശൈലി പിന്തുടര്ന്ന് ഭവനനിര്മ്മാണ രംഗത്തും സംഭാവനകള് നല്കി.
ദേവസ്പന്ദനത്തിന് പുറമേ ദേവയാനം, സ്വാതന്ത്ര്യം കൊണ്ട് നാം എന്തു ചെയ്തു എന്നീ കൃതികളും പ്രസിദ്ധം ചെയ്തിട്ടുണ്ട്.
നവശക്തി, ഗോപുരം, സമീക്ഷ, കേരള കവിത, ജ്വാല എന്നീ സാഹിത്യ പ്രസിദ്ധീ കരണങ്ങളുമായി ബന്ധപ്പെട്ടു പ്രവർത്തിച്ചിരുന്നു.
ആലുവയിലെ ചൂർണി എന്ന വസതിയിൽ 2014 ഏപ്രിൽ 29 ന് അന്തരിച്ചു.
ഭാര്യ: ശ്രീദേവി
കുട്ടികൾ: ജമീല, ശാലിനി.
🌹➖🌹➖🌹➖🌹➖🌹
#എം. വി. ദേവൻ 🙏🌹🙏 .
#ചിത്രകല