അഴിമതിരഹിത സത്ഭരണം വിവരസാങ്കേതിക വിദ്യയുടെ സഹായത്തോടെ പൊതുജനങ്ങൾക്ക് സേവനം ലഭ്യമാക്കുന്നതിൽ രാജ്യത്ത് ഒന്നാം സ്ഥാനം സംസ്ഥാനം നേടി. സമ്പൂർണ്ണ ഇ-ഗവേണൻസ് നടപ്പിലാക്കും. ഇന്ത്യയിൽ ഏറ്റവും കുറഞ്ഞ അഴിമതിയുള്ള സംസ്ഥാനം കേരളമാണ്. എല്ലാവിധത്തിലുള്ള അഴിമതിയും ഇല്ലാതാക്കുന്നതിനു വിട്ടുവീഴ്ചയില്ലാത്ത നിലപാട് സ്വീകരിക്കും. ഏറ്റവും നല്ല ക്രമസമാധാനനിലയുള്ള സംസ്ഥാനമായിട്ട് കേരളം വിലയിരുത്തപ്പെട്ടിട്ടുണ്ട്. കഴിഞ്ഞ പത്ത് വർഷക്കാലത്തിനിടയിൽ ഒരു വർഗീയ സംഘർഷവും കേരളത്തിൽ ഉണ്ടായിട്ടില്ല. വർഗീയ പ്രചാരണങ്ങളേയും അത്തരം സംഘർഷങ്ങൾ കുത്തിപ്പൊക്കാനുമുള്ള ശ്രമങ്ങളേയും ശക്തമായി നേരിടും. ഭൂമാഫിയകൾ, ബ്ലേഡ്‌ മാഫിയകൾ, ഗുണ്ടാ സംഘങ്ങൾ, മദ്യ-മയക്കുമരുന്ന്‌ വിപണന സംഘങ്ങൾ, പെൺവാണിഭ സംഘങ്ങൾ മുതലായ സാമൂഹ്യവിരുദ്ധ ശക്തികൾക്കെതിരെ ശക്തമായ നടപടി സ്വീകരിച്ച്‌ സ്വൈരജീവിതം ഉറപ്പാക്കും. മദ്യവർജ്ജനത്തെ പ്രോത്സാഹിപ്പിക്കുന്നതിനു ശക്തമായ ഇടപെടൽ സർക്കാരിന്റെ ഭാഗത്തുനിന്ന്‌ ഉണ്ടാകും. വിമുക്തി മിഷൻ ശക്തിപ്പെടുത്തും. #Vote4LDF #ldfmanifesto2026 #🆕 ലേറ്റസ്റ്റ് അപ്ഡേറ്റ്