*సిలువలో యేసు పలికిన 7వ మాట: ఎవరి చేతికి నీ ఆత్మను ఆప్పగిస్తున్నావు?*
*''తండ్రీ, నీ చేతికి నా ఆత్మను అప్పగించుకొనుచున్నాను.'' (లూకా 23:46)*
*ఇంచుమించు ఉదయం 9 గంటల సమయంలో ఆయన సిలువ వేయబడ్డాడు. మధ్యాహ్నం 3 గంటల వరకు ఆయన సిలువలో వ్రేలాడుతూ.. ఆరు గంటలు భయంకరమైన శిక్షను, బాధను, ఆవేదనను మానవుల ప్రతి విధమైన శిక్షను, వేదనను భరించాడు. తండ్రీ, నీ చేతికి నా ఆత్మను అప్పగించుకొనుచున్నాను అని బిగ్గరగా కేకవేసి ప్రాణము విడిచెను అని బైబిల్ సెలవిస్తుంది.*
*యేసుక్రీస్తు యొక్క మరణం గొప్ప విజయం. మరీ నీవు యేసుక్రీస్తు యొక్క ప్రేమను గుర్తించేవానిగా ఉన్నావా? మనం దేవుని బిడ్డలుగా మనం ప్రేమించాల్సింది ఈ లోకంలో మనుష్యులను కాదు. దేవున్ని ప్రేమించాలి. మనుష్యులను ప్రేమించడం తప్పుకాదు కానీ ఆ ప్రేమలో పాపం ఉండకూడదు. పాపం లేని ప్రేమ పరిశుద్ధమైన ప్రేమ. మరీ ఈ రోజు నీవు మనుష్యులను ప్రేమిస్తున్నావు చాలా సంతోషం, కానీ ఆ ప్రేమలో పరిశుద్ధత ఉందా? లేక పాపం ఉందా? ఏది దాగి వుంది? నిన్ను నీవు పరిశీలించుకో!!*
*దేవున్ని ప్రేమించి బ్రతికిన నాలుగు రోజలు పరిశుద్ధంగా బ్రతికి.. చివరికి చనిపోతూ.. మన ఆత్మలను దేవునికి చేతికి అప్పగించాల్సి వారమై ఉన్నాము. కానీ, ఈ నాడు అనేకమంది పాపిష్టి ప్రేమలకు తావిస్తూ తమ జీవితాలను నాశనం చేసుకుంటున్నారు. ఆ అబ్బాయిని ప్రేమిస్తున్నాను, ఆ అమ్మాయిని ప్రేమిస్తున్నాను, ఆ స్త్రీని ప్రేమిస్తున్నాను, అతనిని ప్రేమిస్తున్నానంటూ.. ఆ ప్రేమ పేరుతో శరీరాలను మలినం చేసుకుంటూ..ఆ శరీరంతో చేయకూడని పనులు చేస్తూ.. దానికి శిక్షగా మరణాలను కొనితెచ్చుకుంటూ.. దేవుని చేతికి తమ ఆత్మలను అప్పగించాల్సింది పొయి సైతాను చేతికి తమ ఆత్మను అప్పగిస్తూ నరకంలో పడిపోవడం ఎంత దారుణం. ఎంతో మురిపంగా నిన్ను, నన్ను ఆయన పోలిక చొప్పున సృష్టించుకున్నాడు. ప్రపంచలో ప్రతిదాన్ని నోటి మాటతో సృష్టించిన దేవుడు, మనిషిని మాత్రం తన పోలిక చొప్పున, ఎంతో మురిపంగా తన చేతులతో తన ఇష్టంగా సృష్టించుకున్నాడు. ఇక్కడ నీవు, నేను గుర్తుంచుకోవాల్సి విషయం ఏమింటంటే.. నీ శరీరం నీది కాదు అని గుర్తించాలి.*
*ఇది నా శరీరం కదా? ఎవడిబడితో వాడితో, దేనితో బడితే దానితో తిరిగుతూ.. నీకు ఏ పాపిష్టి పని చేయాలని కోరిక పుడితే.. ఆ పాపిష్టి కోరికను తీర్చుకుంటూ.. నీ శరీరాన్ని నాశనం చేసుకుంటున్నట్లైతే.. నిన్ను సృష్టించిన దేవుడికి కన్నీరు పెట్టిస్తున్నావని అర్థం. ఆయన సిలువలో ప్రాణం పెట్టి... మూడో రోజు తిరిగి లేచి మనలను ఆయన స్వంతం చేసుకున్నాడు. మరీ ఆయన బిడ్డగా దేవుని ఇష్టాన్ని పక్కన పెట్టి.. నీ ఇష్టానుసారంగా జీవించడం ఎంత దారుణం. నీ ఇష్టం నీకు ఏదోఒక రోజు కష్టాలను తీసుకువస్తుందనే విషయాన్ని కూడ గుర్తుపెట్టుకోండి!!*
*ఉదాహరణకు ఒక ఉపమానం తీసుకుందాం... పక్క ఊరికి వెళ్లి వస్తానంటే నీ స్నేహితునికి నీ సొంత బైక్ ఇచ్చావు. మరలా ఆ బైక్ను నీ స్నేహితుడు నీకు తిరిగి అప్పగించేటప్పుడు ఆ బైక్ పాడైపోయి ఉందనుకోండి.. నీకు ఎంత కోపం వస్తుంది? నీ స్నేహితుడని పైకి ఏమనలేకపోయినా.. మనస్సులో బాధపడతావు, నీ స్నేహితుడిని చాడమడ తిట్టిపడేస్తావు? మరీ ఒక 50 వేలు, 60 వేలు బైక్కే నీ మనస్సు అంతగా కృంగిపోతే.. ఎంతో చూడముచ్చట్టగా నిన్ను, నన్ను దేవుడు సృష్టించుకున్నాడు కదా? మరీ నీవు ఎవడితో బడితే వాడితో, దేనితో బడితే దానితో పాపిష్టి పనులు చేస్తూ... దేవుని బిడ్డగా నీ శరీరాన్ని మలినం చేసుకుంటుంటే.. దేవుడు చూస్తూ ఎలా మౌనంగా ఉండగలడు? మీరే చెప్పండి.*
*నిన్ను, నన్ను ఆయన విలువపెట్టి దక్కించుకున్నాడు కదా? మనలను ఏ రీతిగా ఆయన దక్కించుకున్నాడో.. అదే రీతిగా దేవుని చేతికి మన ఆత్మను అప్పగించాల్సిన వారమై ఉన్నామని సత్యాన్ని మర్చిపోకండి. ఈ రోజు నీవు ఏడ్పుగొట్టు జీవితం జీవించడానికి కారణం నీ ఇష్టానుసారంగా జీవిస్తున్నావేమో? ఎందుకని ఈరోజు నుంచి దేవుని ఇష్టానుసారంగా జీవిస్తానని తీర్మానం తీసుకుని, ఈ భూమిపై బ్రతికిన కొన్ని రోజులు ఉత్సాహంగా బ్రతకకూడదు!!*
*********************************
*ప్రతిదినం పరిశుద్ధంగా జీవించాలని ఆశపడుతున్నారా? అయితే మీ కోసమే ఈ గ్రూప్స్...!*
*WhatsApp Community - 1 link:*
https://chat.whatsapp.com/BKEcChdxaKrK0dJ8CqADcD
***************************************
*Telegram group Link*
https://t.me/+XtII92fKOXAyNWQ9
********************************
*- మీ సహోదరుడు మోషే*
*- (Calvary Kiranalu )*
*-(📲 9550576444)*
*************************************
#Jesus #JESU I LOVE YOU JESUS #i love jesu #✝️తెలుగు క్రైస్తవ వాట్సాప్ స్టేటస్ ⛪️💒 #jesu #యేసు ప్రభువు