#📢ભાજપના નવા રાષ્ટ્રીય અધ્યક્ષ બિહારમાં પાંચ વખત ધારાસભ્ય તરીકે ચૂંટાયેલા નીતિન નબીને ભાજપના રાષ્ટ્રીય અધ્યક્ષ તરીકેનો કાર્યભાર સંભાળી લીધો છે. 45 વર્ષીય નીતિન નબીન ભાજપના અત્યાર સુધીના સૌથી યુવા રાષ્ટ્રીય અધ્યક્ષ છે. આ ઉપરાંત તેઓ બિહારના પહેલા નેતા અને પહેલા કાયસ્થ નેતા પણ છે, જે ભાજપના રાષ્ટ્રીય અધ્યક્ષ તરીકે ચૂંટાયા છે. ઉંમરની વાત કરીએ તો અગાઉ આ રૅકોર્ડ અમિત શાહ (49 વર્ષ) અને નીતિન ગડકરી (52 વર્ષ)ના નામે હતો. ભાજપના રાષ્ટ્રીય ચૂંટણી અધિકારી ડૉ. કે. લક્ષ્મણે જાહેરાત કરી હતી કે અધ્યક્ષ પદ માટે માત્ર નીતિન નબીનનું જ નામાંકન પ્રાપ્ત થયું હતું. આમ, તેમની બિનહરીફ વરણી થઈ છે. તેમની તરફેણમાં કુલ 37 સેટ નામાંકન પત્રો દાખલ કરાયા હતા. સમગ્ર ભારતના ભાજપ સંગઠનોએ તેમને એકસાથે ટેકો આપ્યો છે. તેઓ ભાજપ સંગઠન અને સંગઠન અને વહીવટમાં બહોળો અનુભવ ધરાવે છે. છત્તીસગઢ ભાજપના પ્રભારી તરીકે પણ સફળ કામગીરી કરી ચૂક્યા છે. આ જ કારણસર જે.પી. નડ્ડાનો કાર્યકાળ પૂરો થયા પછી ભાજપે રાષ્ટ્રીય અધ્યક્ષ તરીકે આ યુવા નેતા પર પસંદગી ઉતારી છે. તેમને દેશના ભાજપ એકમો તરફથી સમર્થન સાંપડ્યું છે. કાશ્મીરથી કન્યાકુમારી સુધીના તમામ પ્રદેશોએ તેમના નામ પર મહોર લગાવી છે. આગામી સમયમાં ભાજપના સંગઠનને મજબૂત કરવામાં તેમની ભૂમિકા મહત્ત્વની રહેશે. નોંધનીય છે કે, દિલ્હી સ્થિત ભાજપના મુખ્ય મથકે આયોજિત એક સમારંભમાં વડાપ્રધાન નરેન્દ્ર મોદી, ગૃહ મંત્રી અને સંરક્ષણ મંત્રી રાજનાથ સિંહ સહિતના વરિષ્ઠ નેતાઓની હાજરીમાં તેમણે આ જવાબદારી સ્વીકારી હતી. આ પ્રસંગે પૂર્વ અધ્યક્ષ જે.પી. નડ્ડા, નીતિન ગડકરી અને વિવિધ રાજ્યોના મુખ્યમંત્રીઓ પણ હાજર રહ્યા હતા. 👇👇👇👇👇