#PSSM World ನೆನಪಿನಲ್ಲಿಟ್ಟುಕೊಳ್ಳಬೇಕಾದ ಪ್ರಮುಖ ಭಾಗಗಳು ಯಾವುವು? ನಮ್ಮ ಜೀವನಕ್ಕೆ ರೂಪ ಕೊಟ್ಟ ಘಟ್ಟಗಳು, ತಪ್ಪು ಹೆಜ್ಜೆ ಇಟ್ಟ ಕೆಟ್ಟ ಘಳಿಗೆಗಳು, ಮೆಟ್ಟಿ ನಿಂತು ಎದುರಿಸಿದ ಸವಾಲುಗಳು, ಬೆಚ್ಚಿಬೀಳಿಸಿದ ಆಘಾತಗಳು, ಕುಣಿದು ಕುಪ್ಪಳಿಸಿದ ಸಂಭ್ರಮಗಳು…ಒಂದೇ..ಎರಡೇ..ಇವೆಲ್ಲ ಒಂದಲ್ಲ ಒಂದು ಕಾರಣಕ್ಕೆ ನಮ್ಮ ಮನಸ್ಸಿನ ಪುಟಗಳ ಮೇಲೆ ದಟ್ಟವಾಗಿ ಬೇರೂರಿರುತ್ತವೆ. ಪ್ರಯತ್ನಪೂರಕವಾಗಿ ನೆನಪಿಟ್ಟುಕೊಳ್ಳುವ ಆವಶ್ಯಕತೆಯೇ ಇಲ್ಲ. ಮತ್ತು ಇವು ಪ್ರತಿಯೊಬ್ಬರ ಜೀವನದಲ್ಲೂ ಒಂದೇ ತರಹದ್ದಾಗಿರುವುದಿಲ್ಲ.ಉದಾಹರಣೆಗೆ ಕೆಲವರಿಗೆ ಬಾಲ್ಯ ಕಹಿಯಾಗಿದ್ದರೆ, ಮತ್ತೊಬ್ಬರಿಗೆ ಬಾಲ್ಯ ತುಂಬ ಖುಷಿ ಕೊಟ್ಟಿರುತ್ತೆ